Mo Tamaiti Laiti
O Le Leoleo Mamoe ma le Mamoe na Leiloa
Mai le Mataio 18:12–14 ma le Luka 15:3–7.
Sa aoao atu e Iesu ia tagata e ala i le faamatala atu ia i latou o tala. I se tasi aso, sa Ia faamatala atu se tala i se leoleo mamoe sa i ai ni ana mamoe e 100. O le leoleo mamoe sa lelei tele ma agalelei. Sa ia leoleoina ana mamoe ia saogalemu mai manu feai. Sa ia puipuia i latou i le po.
I se tasi aso na leiloa ai se tasi o mamoe. Sa tuua e le leoleo mamoe ana mamoe e 99 i se nofoaga saogalemu ae alu e sue le tasi na misi. Sa ia sueina i mauga maualuluga ma le loloto o le vaomatua.
Ina ua ia maua lana mamoe, sa olioli le leoleo mamoe. Sa ia tuu le mamoe i luga o ona tauau ma amo atu i le fale.
Sa faapotopoto faatasi e le leoleo mamoe ana uo ma ta’u atu ia i latou le ala sa ia maua ai lana mamoe. Sa latou fiafia faatasi.
O Iesu Keriso ua pei o le leoleo mamoe i le tala, ae o tatou ua pei o mamoe. O loo tausia i tatou e Iesu ma fesoasoani e puipui i tatou mai mea leaga. E le fiu o ia pe a tatou faia ni mea sese. Ma e olioli o Ia pe a tatou salamo ma toe foi atu i Lana talalelei. O le pogai lena ua ta’ua ai e tusitusiga paia o Ia o le Leoleo Mamoe Lelei.
Ata na tusia e David Habben