E whakaako ana te Pukapuka a Moromona “e rite ana te katoa ki te Atua,” arā, mangu me te mā, mauhere me te herekore, tāne me te wahine” (2 Nīwhai 26:33). I roto i te hītori o te Hāhi, kua rumakina ngā tāngata nō ngā iwi katoa, nō ngā whenua katoa, ā, kua ū rātou hei mema o te Hāhi. I te wā e ora ana a Hōhepa Mete, i whakamanaia ngā mema mangumangu ruarua o te Hāhi ki te tohungatanga. I ngā wā tōmua o te hītori o te Hāhi, i aukati ngā rangatira o te Hāhi i tā rātou whakatau iho i te tohungatanga ki runga i ngā tāne mangumangu he whakapapa Awherika ō rātou. Kāore he whakamāramatanga i roto i ngā tuhinga o te Hāhi he aha i pēnei ai. I whakapono ngā rangatira o te Hāhi i tika pū anō kia riro mai ai tētahi whakakitenga mai i te Atua kia tīni tēnei āhuatanga kātahi ka rapua ngā tohutohu i runga i te inoi. I puta mai te whakakitengaki te Tumuaki o te Hāhi ki a Peneha W. Kimipara, ā, ka whakaūngia ki ētahi atu rangatira o te Hāhi i roto i te Temepara o Pā Tote i te 1 o Hune, 1978. I tangohia atu tēnei whakakitenga i ngā herenga katoa e hāngai ana ki te whakapapa o te tangata ina torona atu ki te tohungatanga.