1. He pono taku e mea nei ki a koe, ko taku e pai ai kia haere ano taku pononga, a Iarere Kaata ki nga whenua o te rawhiti i tetahi wahi, ki tetahi wahi, i tetahi pa ki tetahi pa, i runga i te mana o te whakaritenga kua whakaritea nei ia, e whakapuakina ana te rongo hari o te haringa nui, ara te Rongo-pai mau tonu;

2. A ka tukua e ahau ki runga ki a ia te Kai-whakamarie, mana ia e whakaako ki te pono, ki te huarahi hoki e haere ai ia;

3. Ki te u tonu ia ka whakakaraunatia ia e ahau ki nga paihere;

4. No reira kia hari tou ngakau e taku pononga, e Iarere Kaata, kauaka e wehi, e ai ta tou Ariki ta Ihu Karaiti. Amine.