Wāhanga 125
He whakakitenga mā roto i a Hōhepa Mete te Poropiti, ki Nāwhu, Irinoi, Māehe 1841, e pā ana ki te Hunga Tapu i taua takiwā o Aiowa.
1–4, Me hanga te Hunga Tapu i ngā pā me te whakahuihui ki ngā pou o Hīona.
1 he aha te hiahia a te Ariki e pā ana ki te hunga tapu i te Takiwā o Aiowa?
2 He pono, pēnei tā te Ariki, ko taku kupu tēnei ki a koutou, mehemea te hunga e karangatia ake ana rātou anō ki tōku ingoa, ā, e ngana ana hei hunga tapu māku, mehemea ka meatia e rātou tāku e pai ai me te pupuri i aku whakahaunga e pā ana ki a rātou, tukua rātou kia whakahuihui tahi i a rātou anō ki ngā wāhi e tohua ai e au ki a rātou e taku pononga a Hōhepa, me te waihanga ake i ngā pā ki tōku ingoa, kia whakaritea ai rātou mō tētahi wā meake puta mai ai.
3 Tukua rātou kia hangaia ake ai tētahi pā ki tōku ingoa ki runga i te whenua e hāngai ana ki te pā o Nāwhu, ā, tukua kia tapaina te ingoa Harahemara ki reira.
4 Ā, tukua te hunga katoa e haere mai ai i te rāwhiti, i te uru, i te raki, i te tonga, e hiahia ana kia noho ai ki reira, kia noho iho ai ki reira, i roto hoki i te pā o Nahiwira, ki te pā rānei o Nāwhu, ā, i roto i ngā pou ā-rohe katoa kua tohua nei e au, e ai tā te Ariki.