1. Ko te kupu tenei a te Ariki, a te Atua, te Mea Kaha o Iharaira, Nana, ko taku kupu tenei ki a koe, e taku pononga, e Eruera, kua manaakitia koe, kua murua ou hara, a kua karangatia koe kia kauwhau i taku Rongo-pai, ano ko te reo o te tetere;

2. A ka whakapa ahau i toku ringaringa ki runga i a koe he mea na te ringaringa o taku pononga, o Hirini Rikitana, a ka whiwhi koe ki toku Wairua, te Wairua Tapu, te Kai-whakamarie,

3. A mau e whakapuaki aua mea i runga i te reo kaha, e mea ana, Ohana, kia whakapaingia te ingoa o te Atua o Runga Rawa.

4. A nana, ka hoatu e ahau tenei whakahaunga ki a koe mo nga tangata katoa

5. Tera nga tangata katoa e haere ai ki aku pononga, ki a Hirini Rikitana raua ko Hohepa Mete, tamaiti, a ka awhi ki tenei karangatanga, whakahaunga hoki, kia whakapangia ratou, kia tonoa atu ki te kauwhau i te Rongo-pai mau tonu ki roto ki nga iwi.

6. E karanga ana i te ripenetatanga, e ki ana, Whakaora i a koutou ano i tetahi whakatupuranga pakeke, a haere mai ki waho o te ahi, whakahaweatia nga kakahu kau kei a ratou nei he koha kikokiko.

7. A kia hoatu tenei whakahaunga ki nga kaumatua o taku Hahi, tera nga tangata katoa e awhi ai ki a ia 1 runga i te ngakau tapatahi, e pai ana kia whakapangia, kia tonoa atu kia rite ki taku i ki nei.

8. Ko Ihu Karaiti ahau, te Tama a te Atua: No reira, whitikiria to hope, a ka kitea rawatia ake ahau i taku temepara. Ae ra, koia ano. Amine.