Wāhanga 113
He whakautu ki ētahi pātai mō ngā tuhituhinga a Ihāia, i homai e Hōhepa Mete te Poropiti, e pātata ana ki te Uru Mamao, Mītori, Māehe 1838.
1–6, Te Kakau o Hehe, e ahu mai ana i reira te tokotoko, ā, ka whakataua te aka o Hehe; 7–10, He tikanga tō ngā uri o Hīona kua whakamararatia atu nei ki te tohungatanga, ā, kua karangatia kia hoki atu ki te Ariki.
1 Ko wai te kakau o Hehe kua kōrerotia ake nei i ngā whiti 1, 2, 3, 4, me te 5 o te upoko 11 o Ihāia?
2 He pono pēnei tā te Ariki: Ko te Karaiti.
3 He aha te tokotoko i kōrerotia ake nei i te whiti tuatahi o te upoko 11 o Ihāia, e puta mai ai i te Kakau o Hehe?
4 Nana, pēnei tā te Ariki: He pononga ia i ngā ringaringa o te Karaiti, he uri ia nō Hehe i tētahi taha, nō Eparaima anō hoki, nō te whare rānei o Hōhepa, kua utaina ngā mana nui ki runga rā.
5 He aha te kakau o Hehe kua kōrerotia ake nei i te whiti 10 o te upoko 11?
6 Nana, pēnei tā te Ariki, he uri ia o Hehe, o Hōhepa anō hoki, nō rātou hoki te tikanga ki te tohungatanga, me ngā kī o te kīngitanga, hei kara, ā, mō te huihuinga o tōku iwi hei ngā rā whakamutunga.
7 Ngā pātai a Eria Hikipi: He aha te tikanga o te whakahau i Ihāia, i te upoko 52, i te whiti 1, e mea ana: Whakamaua tō kaha, E Hīona—Ā, ko wai te iwi e kōrerohia nei e Ihāia?
8 I te kōrero ia ki te hunga e karanga ai te Atua hei ngā rā whakamutunga, te hunga e mau nei te mana o te tohungatanga kia whakaputa mai anō i a Hīona, ā, me te hokonga o Iharāira; ā, ko te whakakākahu i tōna kaha, arā, ko te whakakākahu i te mana o te tohungatanga, nōna nei, nō Hīona, te tikanga i runga i tōna whakapapa; ki te hoki atu anō ki taua mana kua ngaro atu i a ia.
9 He aha tā tātou mōhiotanga mō Hīona, mō tana wewetehanga i ōna here o tōna kakī; whiti tuarua?
10 Me mōhio tātou, nā, e akiaki ana i ngā morehu i whakamararatia atu nei kia hoki mai ki te Ariki mai i tā rātou hinganga; ki te pērāhia e rātou, ko te whakaari a te Ariki, koia, ko tana kōrerotanga ki a rātou, ka tuku whakakitenga rānei ki a rātou. Tirohia te tuaono, te tuawhitu me te tuawaru o ngā whiti.