1 Áádóó áko baa hoolzhiizh Nephi díí saad yee haadzííʼgo, áko shooh, hastóí andahwiiʼaahii danilíínii, Gadianton ndanitʼinii yitah danilʼíinii, éí bádahóóchiid, éí yikʼijįʼ hadadoolhaazhgo diné kódeiłní: Haʼátʼíí biniyé díí diné doo daołtsóódgóó ndanohłóós da, áko doo ákótʼinígíí biniyé da bikʼijįʼ hadaodziihgo bándahonohʼaah da?

2 Haʼátʼíí biniyé díí diné tʼóó danółʼį́, dóó díí diné dóó nihibee hazʼáanii yikʼijįʼ hahadziihgo tʼóó dadoohtsʼaʼ.

3 Háálá áko shooh, Nephi éí bibee hazʼáanii doo ákótʼé silį́ʼígíí yee yichʼįʼ haadzííʼ, aooʼ, Nephi ląʼí doo ákótʼéí yee yichʼįʼ haazdzíʼígíí doo naodzoh átʼée da; dóó Diyin God bibee hazʼáanii bikʼijįʼígíí tʼáadoo łaʼ yee yichʼįʼ haadzííʼ da.

4 Áádóó éí ándahwiiʼaahii hakʼijįʼ bádahóóchįįd háálá chahałheełgo ndaniliingo bindaanishígíí doo nanilʼingóó yikʼijįʼ hahaasdzííʼ; ákótʼée ndi, tʼáadoo deiyiiłtsood da, háálá diné yéédaasdzííd bikʼijįʼ da hadadidoolwoshígíí biniinaa.

5 Áko diné yichʼįʼ hadadoolghaaz, kódaaníigo: Haʼátʼíí biniyé díí hastiin nihikʼijįʼ hahadziihgo bá dahoolʼaʼ? Háálá áko shooh díí diné tʼáá átʼé yánahoníʼą́, ádooldįįłjįʼ ndi; aooʼ, áádóó ałdóʼ díí kintah áyóó ádaatʼéí nihighadadoonił, áko doo bii honiidlǫ́ǫ da doo.

6 Áádóó nihił béédahózin díí éí doo bóhónéidzą́ą da, háálá áko shooh, danihidziil, dóó nihikintah ayóó ádaatʼé, áko niheʼenaʼí doo nihikʼi dabidziil da.

7 Áádóó baa hoolzhiizh, áko diné éí Nephi yikʼijįʼ yádahóółchįįd, dóó akʼijįʼ saad dahółǫ́; áko łaʼ hadadoolghaazh: Díí hastiin tʼáadoo baandaahtʼiní, háálá diné yáʼátʼéehii nilį́, áádóó yee haadziʼígíí tʼáá aaníí baahodoolzhizh tʼáá hazhoʼó ádaańdaʼsiikango tʼéiyá;

8 Aooʼ, áko shooh, ndawiitʼááh tʼáá átʼé tʼáá áníigo yee haadziʼígíí nihikʼindoolyééł; háálá bąąhági ádeitʼínígíí tʼáá aníigo yaahoolneʼgo nihił béédahózin. Áádóó áko shooh éí éí tʼóó ahayóí, áádóó nihił béédahózin dóó tʼáá ałtso nihikʼindoolyééł háálá nihibąąhági ádaatʼéii bił bééhózin;

9 Aooʼ, áádóó áko shooh, Diyin yá yáłtiʼii doo nilį́įgo doo shį́į́ díí tʼáá aníigo yaahoolneʼ da doo ńtʼę́ę́ʼ.

10 Áádóó baa hoolzhiizh diné Nephi deidiyoołhéłígíí náhádzid dabinéeʼááh, áko tʼáadoo deisxił da; éí bąą bichʼįʼ hanáánáádzííʼ, łaʼ bichʼijí daazlį́į́go haideesʼį́į́ʼ, łaʼígíí éí ndaazdzííd.

11 Éí bąą hazhóʼó łą́ągo yichʼįʼ hanáánáádziiʼ kóníigo: Áko shooh, shikʼéí, baaʼísh daʼíínóółtah Diyin God tʼáá łaʼígo diné adziilii yeinílá, Moses ndi, Tónteel Łichííʼ tó yéego yichʼįʼ haadzííʼ, dóó kojigo dóó áajigo ałtsʼą́ą́ʼ kódzaa, áko Israel dineʼé, éí danihizází ádaatʼį́, niʼ hóltsei yikááʼ chékai, daʼ Egypt dineʼé bindaabaahí tó bikʼijįʼ ałchʼįʼ kódzaa dóó ábísdįįd?

12 Áádóó kʼad áko shooh, Diyin God kótʼáó díí hastiin adziilii yeiníláago, haʼátʼíí biniyé bee ałghaʼdaʼdohtʼááh, dóó ádadohní tʼáadoo adziilii sheilyáa da áko shił bééhózingo binahjįʼ tʼáá hazhóʼó ádaanáʼiisiníkango tʼéiyá?

13 Ákondi, shooh, doo tʼóó shizaadígíí tʼéiyá doo deinohdlą́ą da, ákondi nihizází yee hadahaasdzííʼ yę́ę ałdóʼ doo deinohdlą́ą da, áádóó díí diné, Moses, yee hahaasdzííʼ yę́ę ałdóʼ, éí ayóó átʼáó adziilii beilyá, aooʼ, saad Messiah doogááł níigo yee haadzííʼ yę́ę.

14 Aooʼ, daʼ Diyin God biYeʼ tʼáá aníigo doogaał yee haadzííʼ? Áádóó tłʼiish béésh łitsoi beʼályaaʼgo doo kééhatʼínídi dedahyidiitą́ągo, diyin doogáłígíí áłdóʼ de kóbiʼdiʼdoolnííł.

15 Áádóó ląʼí tłʼiish deinééłʼį́įgo dahiiná dadooleeł, éígiʼ átʼáo ląʼí Diyin God biYeʼ dayoodlą́ągo yichʼįʼ dadeezʼį́į́go, biiʼ sizíinii yínííł danilį́įgo, éí dahiináa doo, iiná doo ninítʼiʼii bichʼįʼ ndi.

16 Áádóó kʼad shooh, Moses doo díí tʼéiyá tʼáá aaníigo yee haadzííʼ da, ákondi Diyin yá yádaałtiʼii dadiyinii tʼáá ałtso ndi, éí biiníłką́ą́dééʼ dóó Abraham biiníłką́ąjįʼ.

17 Aooʼ, áádóó áko shooh, Abraham éí doogááłgo bił ííshją́ą́ ályaa, dóó ił hózhóonii biiʼ hazlį́į́ʼ dóó bił hóózhǫǫd.

18 Aooʼ, áádóó áko shooh bee nihił hashneʼ, áko Abraham doo tʼáá bí tʼéiyá bił bééhózin da, ákondi Abraham tʼahdoo biʼdichííhyę́ędą́ą́ʼʼ ndi Diyin God bikʼehgo tʼóó ahayóí bikʼidahodiiniiʼ; aooʼ, biYeʼ bihoogááł bikʼehgo ndi; áko díí diné bił ííshjání ádadoolnííł, dimííl yázhí deiyíhai bilááhdééʼ tʼahdoo biʼdichííhgóó, ákótʼée ndi bá nináʼdoolyééł.

19 Áádóó kʼad nihiłbééhózin doo, Abraham hiináá dóó kojįʼ ląʼí Diyin yá yádaałtiʼí díí tʼáá aaníigo yaa hadahaasdzííʼ; aooʼ, áko shooh, Diyin yá yáłtiʼí Zenos doo nináhinilyéésgóó tʼáá aníigo yaa haadzííʼ; éí yikʼee biʼdiisyį́.

20 Áádóó áko shooh, Zenock ałdóʼ, áádóó Ezias ałdóʼ, dóó Isaiah ałdóʼ, dóó Jeremiah, (Jeremiah tʼáá éí Jerusalem doochxǫǫł níigo tʼáá aaníigo yaa haadzííʼ) áko kʼad nihił béédahózin Jerusalem ałtso yílchxǫ́ éí Jeremiah yaa haadzííʼ. O haʼátʼíí biniyé Diyin God biYeʼ doo doogááł da, Diyin bikʼehgo áhodoonííł haʼnínée bikʼehgo?

21 Áádóó áko daʼ Jerusalem doo yíchxǫʼ da diníigo bee ałghaʼdadohtʼááh dooleeł? Daʼ Zedekiah biyeʼké tʼáadoo naaztseed da didíínííł, tʼáá átʼé tʼáá hazhóʼó Mulek éí tʼáadoo da? Aooʼ, dóó dooísh béédaalniih da Zedekiah badaʼáłchíní éí kǫ́ǫ́ nihiłnaaldeeh, dóó Jerusalem kéyahdóó chʼíbiʼdinoolkaad? Ákondi shooh, doo díí tʼéiyá da—

22 Nihizhéʼé Lehi Jerusalemdę́ę́ʼ chʼíbiʼdinoolchą́ą́ʼ háálá díí tʼáá aníigo yaa hoolneʼígíí biniinaa. Nephi ałdóʼ díí tʼáá aníigo yaa haadzííʼ, áádóó kʼasdą́ą́ʼ tʼáá ałtso danihizazí ndi, kojįʼ hoolzhishjįʼ ndi; aooʼ, tʼáá aníi Christ doogaałgo yaa hadahaasdzííʼ, dóó yíká da déézʼį́į́ʼ ńtʼę́ę́ʼ, dóó níyáadi baa hoolzhiizhgo yaa bił dahozhǫ́ǫ doo.

23 Áádóó áko shooh, Diyin God éí nilį́, dóó yił hólǫ́, dóó yichʼįʼ ííshjání áʼdiilyaa, áko yisdábííʼeezh; dóó ayóó átʼáo yaadahaznih, doogáłígíí biniinaa.

24 Áádóó áko, díí nihił béédahózin dóó doo tʼáá aaníí átʼée da dadoohníigo tʼáá hazhóʼó danihiyoochʼíídgo tʼéiyá, éí bąą díí bee bąąhági ádaohdzaa, háálá díí tʼáá ałtso nahjįʼ kódáołaa, ląʼí nihił ííshją́ą́ ádaalyaa ndi, aooʼ, tʼáá ałtsoní ndi nihił ííshją́ą́ ádaalyaa, yáʼąąsh biyiʼígíí, dóó tʼáá áłtsoní nahazdzáán biyiʼ ndi, éí tʼáá aaníí ádaatʼéego daołtsą́.

25 Ákondi shooh, tʼáá aníinii doo deinohdlą́ą da, nihiDiyin God dílzinii doo bikʼeh dahonołʼį́į da; áádóó kʼad ndi, yáʼąąsh biyiʼ daʼílíinii ndahohnííł doo ńtʼę́ę́ʼ, áadi ndaʼhachxǫǫhii ádin, dóó áadi chin daabąąhígíí doo yahadoogááł da, nihánahootʼaah bijį́įdi áháchįʼ nihikʼijįʼ siláa dooleełígíí dekwáánííłgo ádaołééh.

26 Aooʼ, kʼad ndi danoołtʼą́ąjįʼ hoolzhish, háálá ndaʼołtseed dóó diné bee tsiʼnaʼadá dóó bąąhágiʼ ádaohtʼį́, hoolʼáágóó ánihiʼdiʼdoodįįł bichʼįʼ hoolzhish; aooʼ, áádóó doo ádaańdaʼoohkąąhgóó tsxį́įłgo baa hodoolzhish.

27 Aooʼ, áko shooh éí kǫ́ǫ́ nihidááʼdílkałgi ndi áhoonííł; aooʼ, anahwiiʼaahii-dasidáágóó dohkááh, dóó ndaʼołkaah; áádóó áko shooh, nihá ánahwiiʼaahii éí biʼdiisyį́, dóó bidił yiiʼ sitį́; áádóó bikʼis éí biisxį́, éí anahwiiʼaahii-daházʼą́ą́dóóʼígíí yiká átʼį́.

28 Áádóó áko shooh, éí tʼáá áłah nahonitʼinjí dahʼooldah atah nilį́, éí Gadianton dóó chʼį́įdii nihokááʼ dineʼé biiʼ sizíinii neidoołtsxił yíká átʼinii haidiilaa.