Lesona 5 Anomea mo le Sauniuniga o le Vasega: O Lo Tatou Aafiaga i le Olaga Faitino ma le Meaalofa o se Tino Faaletino
“Lesona 5 Anomea mo le Sauniuniga o le Vasega: O Lo Tatou Aafiaga i le Olaga Faitino ma le Meaalofa o se Tino Faaletino,” Anomea a le Faiaoga O Le Aiga e Faavavau (2022)
“Lesona 5 Anomea mo le Sauniuniga o le Vasega,” Anomea a le Faiaoga O Le Aiga e Faavavau
Ata
o se fafine o loo kolosia se laufanua
Lesona 5 Anomea mo le Sauniuniga o le Vasega
O Lo Tatou Aafiaga i le Olaga Faitino ma le Meaalofa o se Tino Faaletino
Pe ua i ai ea se taimi na e maofa ai i le vavega o lou tino faaletino ma mea uma e mafai ona ia faia? I se isi itu, pe na i ai ea ni taimi na e lagona ai le ātu ona o luitau na e oo i ai ona o lou tino? A o e suesue, mafaufau pe faapefea ona fesootai o tatou tino faaletino i le faamoemoega o lo tatou aafiaga i le olaga nei i le fuafuaga a le Atua mo le fiafia.
Vaega 1
E tatau ai faapefea e lo’u tino faitino mo lo’u alualu i luma e faavavau?
O o tatou tino faaletino na foafoaina i le faatusa o le Atua (tagai Kenese 1:26–27). Na faamalamalama mai e Peresitene Dallin H. Oaks o le Au Peresitene Sili, “O le faamoemoega o le olaga faitino ma le tuputupu a’e e mafai ona sosoo ai pe a mavae lenei olaga e mo fanau a le Atua ia avea e pei o Ia” (“O Le Fuafuaga Sili,” Liahona, Me 2020, 94).
O le a le mea tatou te manaomia ona fai i le olaga faitino ia avea ai e faapei o le Atua? E lua elemene o loo ta’ua i le faamatalaga lea mai le folafolaga i le aiga: “I le muai olaga, sa [tatou] … talia le fuafuaga a le [Atua] e mafai ai e Lana fanau ona maua se tino faaletino ma maua le tomai faalelalolagi latou te maua ai le atoatoaga” (“O Le Aiga: O se Folafolaga i le Lalolagi,” ChurchofJesusChrist.org).
Matamata le vitio “God’s Greatest Creation” (2:51), ma mafaufau i le vavega o lou tino faaletino ma nisi o ona faamoemoega paia.
I se faaaliga e uiga i le muai olaga, sa faaalia ai ia Aperaamo le Fono i le Lagi (tagai Aperaamo 3:22–28). O le taimi lena sa ia aoaoina ai se mea moni taua e uiga i le olaga faitino.
Ata
aikona, suesue
Suesue e Sauniuni ai mo le Vasega
Faitau le Aperaamo 3:24--26, ma vaavaai po o a mea na aoaoina e Aperaamo e uiga i se tasi o faamoemoega mo i tatou e o mai i le lalolagi ma mauaina se tino faaletino. (E ono fesoasoani le iloa o lo tatou “esetete muamua” e faasino i lo tatou muai olaga, ma lo tatou “esetete lona lua” e faasino i le taimi o le va o lo tatou fananau mai i le tino nei ma le Faamasinoga Mulimuli.)
Na aoao mai e Elder D. Todd Christofferson o le Korama a Aposetolo e Toasefululua e uiga i le i ai o se tino faaletino o se vaega o i tatou ua faamaonia, pe ua tofotofoina, i le olaga nei:
Ata
Elder D. Todd Christofferson
Afai la, i le gasologa o lo tatou olaga faitino, sa tatou filifili e “faia mea uma o soo se mea e poloaiina ai i [tatou] e lo [tatou] Atua,” [Aperaamo 3:25], o lona uiga ua tatou tausia lo tatou “esetete lona lua” [Aperaamo 3:26]. O lona uiga la e ala i a tatou filifiliga tatou te faaali atu ai i le Atua (ma i tatou lava) la tatou tautinoga ma le mana e ola ai i Lana tulafono faaselesitila a o tatou i ai i fafo mai o lona afioaga, ma i se tino faaletino ma ona mana uma, manaoga, ma naunauga. Pe mafai ea ona tatou faafoeina le tino faaletino ina ia avea o se meafaigaluega ae le o se pule o o tatou agaga? Pe mafai ea ona faatuatuaina i tatou i le olaga nei ma le faavavau i mana faaleatua, e aofia ai le mana e foafoa ai le ola? Pe o le a tatou taitoatasi ma faatoilaloina le leaga? O i latou sa faia o le a “faaopoopoina i luga o o latou ulu le mamalu e faavavau ma faavavau” [Aperaamo 3:26]---o se itu taua tele o lena mamalu o le tino toetu, tino ola pea, ma le mamalu. E leitioa tatou “alalaga fiafia” i avanoa ma folafolaga ofoofogia [Job 38:7]. (“Aisea e Faaipoipo ai, Aisea e Fai ai se Aiga,” Liahona, Me 2015, 51)
Ona o Iesu ua mafai ona tatou maua i se aso se tino ola pea, e atoatoa e pei o lo tatou Tama i le Lagi (tagai i le Mataupu Faavae ma Feagaiga 130:22). E na o le pau lea o le ituaiga o tino e mafai ona tatou “maua ai se atoatoaga o le olioli” (Matapu Faavae ma Feagaiga 93:33–34; 138:17). Na aoao mai foi e le Perofeta o Iosefa Samita e faapea o le fiafia moni e aofia ai le i ai o se tino faaletino:
Ata
o le Perofeta o Iosefa Samita
Ua tatou o mai i lenei lalolagi ina ia tatou maua ni tino ma tuuina atu ma le mama i luma o le Atua i le malo selesitila. O le mataupu faavae sili o le fiafia e aofia ai le i ai o se tino. O le tiapolo e leai se tino, o lona faasalaga lena. (Aoaoga a Peresitene o le Ekalesia: Iosefa Samita [2007], 211)
E pei ona matauina muamua i le faamatalaga ua faasoa mai le folafolaga i le aiga, o le mauaina o le poto masani e taua foi i le agaigai i luma i le atoaga ma le avea e faapei o le Atua. Sa faamatala e Elder David A. Bednar o le Korama a Aposetolo e Toasefululua le ala e faateleina ai e o tatou tino faaletino o tatou poto masani faaleolaga nei:
Ata
Elder David A. Bednar
O o tatou tino faitino ua mafai ai ona tatou maua se poto masani lautele, loloto, ma le maoae lea e le mafai ona maua i lo tatou i ai i le muai olaga. O le mea lea, o a tatou sootaga ma isi tagata, o lo tatou malosi e iloa ai ma faatino e tusa ai ma le upumoni, ma lo tatou tomai e usitai ai i mataupu faavae ma sauniga o le talalelei a Iesu Keriso e faateleina e ala i o tatou tino faaletino. A o tatou ola ai, tatou te iloaina le agamalu, alofa, agalelei, faanoanoa, le fiafia, tiga e oo lava i luitau o tapulaa faaletino o ni auala e saunia ai i tatou mo le faavavau. I se faaupuga faigofie, e i ai lesona e ao ona tatou aoaoina ma aafiaga e tatau ona tatou maua, e pei ona faamatala mai e tusitusiga paia, “e tusa ma le faaletino” (1 Nifae 19:6; Alema 7:12–13). (“Tatou te Talitonu i le Nofomama,” Liahona,, Me 2013, 41)
Ata
aikona, mafaufau loloto
Mafaufau Loloto i Sauniuniga mo le Vasega
E faapefea ona e faamatalaina le mafuaaga e taua ai o tatou tino i le fuafuaga o le fiafia a le Tama Faalelagi?
Vaega 2
Aisea e faigata ai ona faafoe ma le poto o tatou naunauga ma manaoga faaletino?
Ua tuuina e lo tatou Tama Faalelagi ni manaoga patino i o tatou tino e faatumau ai le ola ma fesoasoani ai e faataunuu Lana fuafuaga. O se vaega o lo tatou tofotofoina i le olaga nei “o le faamautinoa pe mafai e manaoga o [o tatou] tino ona faafoe ma le poto e le agaga o loo mau ai i totonu” (Russell M. Nelson, “Your Body: A Magnificent Gift to Cherish,” New Era, Aug. 2019, 5).
Ua taitasi i tatou ma tosina e le tagata natura. (Manatua o le tagata natura o se faaupuga e faasino i alii ma tamaitai.) O le vaega faaleolaga lenei lea o i tatou e mafai ai e o tatou manaoga faaletino ma naunauga faalelalolagi e le faatuaoia ma faatoilalo o tatou manaoga ma taumafaiga e avea e faapei o le Atua (tagai i le Taiala i Tusitusiga Paia, “Tagata Natura,” scriptures.ChurchofJesusChrist.org).
Ata
aikona, suesue
Suesue e Sauniuni ai mo le Vasega
Faitau le Alema 41:11 ma le 1 Korinito 2:14, ma mafaufau e maka ia upu po o fasifuaitau o loo faamatala mai ai le faamatuu atu i le tagata natura o i totonu o i tatou.
Na faaopoopo mai e Elder Bednar i lo tatou malamalama i le tagata natura ina ua ia aoao mai:
Ata
Elder David A. Bednar
I se isi itu, o le tagata natura … o loo ola pea ma o loo i ai i totonu o i tatou taitoatasi (tagai Mosaea 3:19). O le alii po o le tamaitai natura e le salamo, e tuinanau ma faamalie lagona o le tino (tagai Mosaea 16:5; Alema 42:10; Mose 5:13), e faalologo ma soona fai, ma e faamaualuga ma manatu faaloloto. …
Ona o i tatou o atalii ma afafine o le Atua, ua tatou maua ai gafatia paia mai ia te Ia. Ae o loo tatou nonofo i le taimi nei i se lalolagi pau. O elemene tonu lava sa foafoaina mai ai o tatou tino, o lo latou natura lava o le pau ma e aafia lava i le agasala, o mea piopio, ma le oti. O le mea la lea, o le Pau o Atamu ma ona taunuuga faaleagaga ma faaletino ua aafia tuusao ai lava i tatou e ala i o tatou tino faitino. (“Matou Te Talitonu i le Nofomama,” 42– 43)
Ata
aikona, mafaufau loloto
Mafaufau Loloto i Sauniuniga mo le Vasega
Filifili se tasi o uiga o le tagata natura o loo faamatala mai i le Alema 41:11 po o le 1 Korinito 2:14 po o le saunoaga a Elder Bednar. E mafai faapefea e lena uiga ona aafia ai se tafaoga faamasani po o se sootaga faaleaiga?
Vaega 3
E mafai faapefea e Iesu Keriso ona fesoasoani ia te au e faatoilalo le tagata natura?
I le taimi o le lauga a le Tupu o Peniamina i lona nuu, sa ia faasoa mai ai le mea na aoaoina ai o ia e se agelu e uiga i le galuega ma le Togiola a Iesu Keriso (tagai Mosaea 3:5–19).
Ata
aikona, suesue
Suesue e Sauniuni ai mo le Vasega
Faitau le Mosaea 3:19, ma vaavaai pe mafai faapefea ona tatou faafoilaloina le tagata natura. (Manatua o le matalalaga lenei, o le gaua’i atu o lona uiga o le faamatuu atu i uunaiga a le Agaga Paia, ma le tagata paia faasino i se tasi ua faapaiaina pe ua paia---se tasi ua tuuto atu i le Atua.)
Faitau saunoaga nei a Elder Bednar ma Bishop Gérald Caussé o le Au Epikopo Pulefaamalumalu, mafaufau pe mafai faapefea e Iesu Keriso ona fesoasoani ia te oe e faatoilalo le tagata natura ma avea atili ai e faapei o Ia.
Ata
Elder David A. Bednar
O naunauga uma, manaoga, faamoemoega, ma moomooga o le tagata natura, e mafai ona faatoilalo e le, ma ala i le Togiola a Iesu Keriso. Ua tatou i ai iinei i le lalolagi e atiina ae uiga auauma faale-atua ma ia pulea lelei faanaunauga uma o le tino. (“Matou te Talitonu i le Nofomama,” 43)
Ata
Epikopo Gérald Caussé
E ala i Lana Togiola, e le gata e faamama ese e Iesu Keriso a tatou agasala, ae ua ia saunia foi le mana gafatia lea e mafai ai e Ona soo ona “[tuuese] le tagata natura” [Mosaea 3:19], alualu i luma “i lea fuaitau i luga o lea fuaitau” [2 Nifae 28:30], ma faateleina i le paia ina ia i ai se e mafai ai ona latou avea ma tagata atoatoa i fofoga o Keriso [tagai i le Moronae 10:32–33], agavaa e toe ola faatasi ma le Atua ma maua faamanuiaga uma o le malo o le lagi. (“O Se Molimau Ola o le Keriso Soifua,” Liahona,, Me 2020, 40)
Ata
aikona, tusifaamaumau
Tusifaamaumau Ou Manatu
Mafaufau e uiga i se sootaga faaleaiga e te fia manao e faaleleia. O a uiga o le tagata natura o loo faalavelaveina ai lena sootaga? E mafai faapefea ona e maua faamanuiaga o le Togiola a le Faaola ma gauai atu i le Agaga Paia e tuuese na uiga ma avea atili ai e faapei o le Faaola?
