Inisitituti
Lesona 4 Anomea a le Faiaoga: Mauaina o le Faamoemoe ma le Olioli i Foafoaga a le Alii

“Lesona 4 Anomea a le Faiaoga: Mauaina o le Faamoemoe ma le Olioli i Foafoaga a le Alii,” O Iesu Keriso ma Lana Talalelei e Faavavau Anomea a le Faiaoga (2023)

“Lesona 4 Anomea a le Faiaoga,” O Iesu Keriso ma Lana Talalelei e Faavavau Anomea a le Faiaoga

Lesona 4 Anomea a le Faiaoga

Mauaina o le Faamoemoe ma le Olioli i Foafoaga a le Alii

“I lalo o le taitaiga a Lona Tama, o [Iesu Keriso] o le foafoa o le lalolagi” (“O Le Keriso Soifua: O Le Molimau a le Au Aposetolo,” ChurchofJesusChrist.org). I lenei lesona, o le a mafaufau ai tamaiti aoga pe aisea na foafoaina ai e le Alii le lalolagi ma mea e mafai ona latou faia e maua ai le olioli sili atu i Ana foafoaga.

Fautuaga mo le Aoao Atu

Faaleleia o Lo Tatou Aoao Atu ma le Aoaoina

Ia e faatuatuaina sauniuniga a au tamaiti aoga. Mafaufau ni auala e uunaia ai tamaiti aoga e suesue i anomea mo sauniuniga o le vasega. Ona faaali atu lea o lou faatuatua i au tamaiti aoga e ala i le faatauaina o a latou sauniuniga i le taimi o le vasega. O le faia o lena mea o le a musuia ai tamaiti aoga e tauave ni tiutetauave tetele atu mo lo latou lava aoaoina.

Na foafoaina e le Atua le lalolagi e faataunuu ai lo tatou faaolataga.

Ina ia amataina le vasega, e mafai ona e faaali atu le ata o loo avatu faatasi ai ma valaaulia ni nai tamaiti aoga e faasoa mai po o a manatu, lagona, po o fesili na latou maua a o latou tilotilo atu i fetu i le lagi i le po. Pe e mafai foi ona e faaali atu ata na aumai pe lafoina atu e tamaiti aoga ia te oe. Fai atu ia i latou e faasoa mai o latou manatu e uiga i mea e musuia ai i latou i ata.

Ata
tagata o loo tilotilo i fetu

Faamanatu i tagata aoga sa i ai se faaaliga ofoofogia a Mose lea na ia vaai ai i le tele naua o foafoaga a le Atua. Ina ia fesoasoani i tamaiti aoga e mafaufau loloto atili e uiga i le Foafoa ma Ana foafoaga, valaaulia i latou e galulue i ni vaega toalaiti ma tuu atu ia i latou le pepa o faamatalaga lenei.

Ua Aoaoina e Mose Upumoni Taua e uiga i le Foafoaga

O Iesu Keriso ma Lana Talalelei e Faavavau Anomea a le Faiaoga—Lesona 4

Faitau le ata faataitai lenei:

  • E fiafia Gretchen i le faasaienisi. Mai ana suesuega sa ia aoaoina ai le tele o mea e uiga i le ala e galue ai le lalolagi faalenatura ae na te lei mauaina se tali faamalieina i le pogai ua i ai le lalolagi. E tele ni ana fesili e uiga i le faamoemoega mo le lalolagi ma o tatou olaga.

  • O a luitau e mafai ona feagai ma se tasi pe afai latou te le malamalama i le pogai na foafoaina ai le lalolagi?

Faitau faatasi le Mose 1:27–39, ma vaavaai mo upumoni e mafai ona faatamaoaigaina ai le vaaiga a Gretchen i le Foafoaga. Ona fesili atu lea i tagata taitasi o le vaega e filifili se mea se tasi o loo i lalo ma faaalu ni nai minute e saunia ai se tali. Ona mafai lea ona latou taitoatasi ma faasoa mai o latou manatu i le vasega.

  • O a mea ua e aoaoina mai e uiga i le natura o le Foafoa mai le Foafoaga? E faapefea ona aafia lou faatuatua ia Iesu Keriso i le iloaina na Ia foafoaina mea uma?

  • O a ni ou manatu po o ni lagona pe a e mafaufau faapea “o i tatou o le pogai lea sa foafoaina ai [e le Atua] le atulaulau”? (Atonu e te manao e toe faamanatu le saunoaga mai ia President Dieter F. Uchtdorf i le vaega 1 o anomea mo sauniuniga.)

  • O a ni faatinoga ua e faia pe sa mafai ona e faia e fesoasoani ai i isi ia ausia o latou gafatia o ni fanau a le Tama Faalelagi? (E mafai ona e valaaulia tagata o le vaega e tusi faamaumau soo se mea atonu latou te lagona le uunaia e fai mo se tasi latou te iloa.)

  • O le a le ituaiga malamalama e mafai ona tatou maua mai le faasaienisi? O le a le ituaiga malamalama e mafai ona tatou maua mai tusitusiga paia? Aisea tatou te manaomia ai malamalamaaga ia e lua? (Atonu e te manao e toe faamanatu saunoaga a Peresitene Russell M. Nelson ma Peresitene Dallin H. Oaks i le vaega 3 o anomea mo sauniuniga.)

© 2023 Puletaofia e le Intellectual Reserve, Inc. Ua taofia aia tatau uma.

Ua Aoao e Mose Upumoni Taua e uiga i le Foafoaga

O Iesu Keriso ma Lana Talalelei e Faavavau Anomea a le Faiaoga—Lesona 4

Ata
pepa e tufa atu a le faiaoga

Manatua: E mafai ona e filifili e tuu atu i vaega toalaiti e lipoti atu i le vasega. Pe afai foi e te lagona ua lava le talanoaina e vaega o le autu, e mafai ona e filifili e tau lava o le see atu i le isi vaega o le lesona.

E mafai ona e faaiuina lenei vaega o le vasega e ala i le faamamafaina po o le molimau atu faapea i lalo o le taitaiga a le Tama Faalelagi, na foafoaina ai e Iesu Keriso mea uma. E mafai foi ona e molimau atu o le Foafoaga o le lalolagi o se vaega taua o le fuafuaga a le Tama Faalelagi e aumaia le tino ola pea ma le ola e faavavau o Ana fanau.

Ua tuu e le Atua mea uma i luga o le fogaeleele mo lo tatou manuia ma le olioli.

E mafai ona e amataina le vaega lenei o le talanoaga a le vasega i le fesili atu:

  • O a nisi o foafoaga a le Alii e te lagona e sili ona e faafetai ai? Na faapefea ona e faailoa atu lou lotofaafetai i le Atua mo nei foafoaga?

Ona mafai lea ona e faamanatu i tamaiti aoga na malolo le Atua i le aso lona fitu ma vaaia ai “mea uma sa [Ia] faia … ua lelei” (Mose 3:2). Ona Ia “faamanuiaina [lea o] le aso fitu, ma faapaiaina” (Mose 3:3). Ma i ona po nei, ua faamanatu mai ai e le Faaola ia i tatou, a tatou faamamalu le aso Sapati o “le atoatoa o le lalolagi” o le a fai mo tatou (tagai Mataupu Faavae ma Feagaiga 59:9–16).

Faitau faatasi le Mataupu Faavae ma Feagaiga Mataupu Faavae ma Feagaiga 59:16–20, ma valaaulia tagata aoga e vaavaai mo upu po o fasifuaitau o loo faamatala mai ai le ala e finagalo le Alii tatou te taulima ai Ana foafoaga. A uma ona talanoaina le taua o na upu ma fasifuaitau (aemaise lava i latou i le fuaiupu 20), e ono fesoasoani le faaali atu o le upumoni lenei: O foafoaga a le Alii e mo lo tatou manuia ma le olioli ma e le tatau ona faaaogaina sese mo faamoemoega amioletonu.

Ina ia fesoasoani i tamaiti aoga e mafaufau loloto e uiga i lenei upumoni e mafai ona e fesili atu nisi o fesili nei:

  • Aisea e ono taua ai le faaalu soo o se taimi e maua ai le olioli i foafoaga a le Alii? (E mafai ona e tulitataoina le valaaulia o le “Faatino” i le vaega 2 o anomea mo sauniuniga.) O le a se mea e ono manaomia ona e suia i au faiga masani i aso taitasi ina ia mautinoa ai e lava le taimi e te olioli ai i foafoaga a le Alii? (Atonu e aoga le tuu atu i tamaiti aoga o se taimi e tusi faamaumau ai o latou manatu ma lagona.)

  • Na faapefea ona faamanuiaina oe mai mea lelei e sau mai le lalolagi? E mafai faapefea ona e faaali atu i le Alii le loto faafetai sili atu mo nei mea?

  • Aisea e te manatu ai e mafai ona faasino o tatou tino o le palealii o foafoaga a le Atua? (Tagai i le saunoaga a Peresitene Gordon B. Hinckley i le vaega 2 o anomea mo sauniuniga.) O a nisi o auala e mafai ona tatou faaaloalo ai i le paia o o tatou tino ma tino o isi? O le a se mea na fesoasoani ia te oe e lagona ai le talisapaia sili atu o lou lava tino?

E mafai ona e faaali i le vasega le ata vitio “Our Home” (1:34) ma valaaulia i latou e mafaufau i mea e mafai ona latou faia e avea ai ma tausimea sili atu i lo tatou aiga, le lalolagi.

Tuu atu ni nai minute i le faaiuga o le vasega e molimau atu ai ma valaaulia tamaiti aoga e molimau mai i le alofa o le Foafoa mo i tatou taitoatasi.

Mo Le Isi Taimi

Mafaufau e lafoina atu le savali lenei i tamaiti aoga a o lei oo i le isi vasega: E te manao e lagona le mana faaopoopo ma le puipuiga i lou olaga? A o e suesue i anomea mo sauniuniga mo le lesona 5, vaavaai mo faamanuiaga folafolaina ia i latou o e tausia ma le faamaoni a latou feagaiga ma le Alii.