Toe faamanatu le “O Le Keriso Soifua” mo savali e te lagona e sili ona manaomia i o tatou aso. Ia saunia e faasoa atu mea e te maua i lau paga o suesuega.
O Iesu Keriso ma Lana Talalelei e Faavavau Anomea a le Faiaoga—Lesona 2
Na saunoa Elder Neil L. Andersen o le Korama a Aposetolo e Toasefululua:
Ata
Elder Neil L. Andersen
A o faaitiitia le tautatala o le lalolagi e uiga ia Iesu Keriso, ia tatou tautatala atili e uiga ia te Ia. A o faaali atu o tatou lanu moni o ni Ona soo, o le toatele o loo siomia i tatou o le a saunia e faalogo. (“Ua Matou Tautalatala e Uiga ia Keriso,” Liahona, Nov. 2020, 90)
Toe faamanatu le “O Le Keriso Soifua” mo savali e te lagona o le a sili ona taua e faasoa atu i se lalolagi e le o talanoa mai e uiga ia Iesu Keriso. Ia saunia e faasoa atu mea e te maua i lau paga o suesuega.
Ua Aoaoina e Mose Upumoni Taua e uiga i le Foafoaga
Ua Aoaoina e Mose Upumoni Taua e uiga i le Foafoaga
O Iesu Keriso ma Lana Talalelei e Faavavau Anomea a le Faiaoga—Lesona 4
Faitau le ata faataitai lenei:
E fiafia Gretchen i le faasaienisi. Mai ana suesuega sa ia aoaoina ai le tele o mea e uiga i le ala e galue ai le lalolagi faalenatura ae na te lei mauaina se tali faamalieina i le pogai ua i ai le lalolagi. E tele ni ana fesili e uiga i le faamoemoega mo le lalolagi ma o tatou olaga.
O a luitau e mafai ona feagai ma se tasi pe afai latou te le malamalama i le pogai na foafoaina ai le lalolagi?
Faitau faatasi le Mose 1:27–39, ma vaavaai mo upumoni e mafai ona faatamaoaigaina ai le vaaiga a Gretchen i le Foafoaga. Ona fesili atu lea i tagata taitasi o le vaega e filifili se mea se tasi o loo i lalo ma faaalu ni nai minute e saunia ai se tali. Ona mafai lea ona latou taitoatasi ma faasoa mai o latou manatu i le vasega.
O a mea ua e aoaoina mai e uiga i le natura o le Foafoa mai le Foafoaga? E faapefea ona aafia lou faatuatua ia Iesu Keriso i le iloaina na Ia foafoaina mea uma?
O a ni ou manatu po o ni lagona pe a e mafaufau faapea “o i tatou o le pogai lea sa foafoaina ai [e le Atua] le atulaulau”? (Atonu e te manao e toe faamanatu le saunoaga mai ia President Dieter F. Uchtdorf i le vaega 1 o anomea mo sauniuniga.)
O a ni faatinoga ua e faia pe sa mafai ona e faia e fesoasoani ai i isi ia ausia o latou gafatia o ni fanau a le Tama Faalelagi? (E mafai ona e valaaulia tagata o le vaega e tusi faamaumau soo se mea atonu latou te lagona le uunaia e fai mo se tasi latou te iloa.)
O le a le ituaiga malamalama e mafai ona tatou maua mai le faasaienisi? O le a le ituaiga malamalama e mafai ona tatou maua mai tusitusiga paia? Aisea tatou te manaomia ai malamalamaaga ia e lua? (Atonu e te manao e toe faamanatu saunoaga a Peresitene Russell M. Nelson ma Peresitene Dallin H. Oaks i le vaega 3 o anomea mo sauniuniga.)
O Le Faamasinoga Tonu ma le Alofa Mutimutivale o le Atua
O Le Faamasinoga Tonu ma le Alofa Mutimutivale o le Atua
O Iesu Keriso ma Lana Talalelei e Faavavau Anomea a le Faiaoga—Lesona 7
Ae e te lei amataina le tou talanoaga faavaega, faitau faatasi se fesoasoani o le talanoaga lenei:
Faaleleia o A Tatou Talanoaga Faavaega
Taumafai ia faapaleni le faasoaina o manatu. E sili atu le tele o mea tatou te aoaoina pe a tatou faalogo atu i tagata uma o le vaega, ae le na o le tasi pe lua. Afai e masani ona e fiafia e tatala lau talanoa, faamolemole ia faaeteete ia aua nei pulea talanoaga, faalavelave, pe talanoa a o faaali mantu o isi. Afai e masani ona e filemu ma itiiti lou talanoa, faamolemole ia lototele ma tautala atu ina ia mafai e isi ona aoao mai ia te oe. Tuu ese le manatu faapea e le taua lou manatu.
Faitau leotele faatasi le tulaga faataitai lenei:
Ua lagona e Zane le lofituina i tulafono ma poloaiga a le Atua. Mo se taimi umi lava, sa ia lagonaina e pei e le lava lona lelei ma e le atoatoa o ia i le tele o taimi. O le lotovaivai i le leai o se “alualu i luma,” na ia pa’u ai talu ai nei i se mamanu o se solitulafono matuia. Ua ia lagonaina le leai o se Agaga. Ua le o toe agavaa o ia e maua se pepa faataga o le malumalu. E mafaufau o ia pe o alofa pea le Atua ia te ia, ona o ana filifiliga le lelei. Sa ia fai atu talu ai nei i lana uo o Maia, “Ua leai se aoga o lo‘u olaga. Ou te mautinoa lava ua tuulafoaiina au e le Atua.” I le tali atu na faapea mai Maia, “Aua le popole i ai. E alofa le Atua ia i tatou ma le le faatuaoia ma o le a Ia laveaiina oe e tusa lava po o a mea ua e faia. O le uiga lena o le i ai o le Togiola a Iesu Keriso.”
Toe faamanatu faapuupuu ia tulaga na i ai ae lei oo mai le Lolo. Ona toe faamanatu lea o le Mose 7:28–29, 32–33, 37, ma vaavaai mo mea na aoaoina e Enoka e uiga i le natura o le Atua mai le vaai atu ia te Ia o mafatia Ana fanau faalogogata. Ona talanoaina lea o fesili nei:
O a upumoni mai nei fuaiupu e mafai ona fesoasoani ia Zane e iloa ai e alofa le Tama Faalelagi ia te ia e ui lava ua ia solia poloaiga? E mafai faapefea e lenei malamalama ona fesoasoani e faaleleia le sootaga a Zane ma le Tama Faalelagi? (E mafai ona e faitau le saunoaga a Elder Jeffrey R. Holland i le vaega 1 o anomea mo sauniuniga o se vaega o lenei talanoaga.)
O a ni auala e faaalia mai ai e le faamasinoga tonu a le Atua, lea i nisi taimi e ala mai i Lona ita po o le toasa, se faamaoniga o Lona alofa? (Mafaufau e faitau faatasi le saunoaga a Peresitene Dallin H. Oaks i le vaega 1 o anomea mo sauniuniga.) Ana faapea e le amiotonu le Atua, e mafai faapefea e lenei mea ona faavaivaia lo tatou faatuatua ia te Ia?
O le a se mea e ono taitaiseseina ai le vaaiga a Maia i le alofa o le Atua? (E ono fesoasoani le faitau o le saunoaga a Elder D. Todd Christofferson i le vaega 1.) O a nisi o auala e sili atu e faamatala ai le alofa o le Atua? O a ni auala ua e maua ai se aafiaga o le alofa o le Atua?
O Iesu Keriso ma Lana Talalelei e Faavavau Anomea a le Faiaoga—Lesona 9
Vaevae galuega atofaina nei o le faitauga i lau vaega. A o e faitau, vaavaai pe na faapefea ona afio ifo ma le lotofuatiaifo le Alii mai se tulaga maualuga atu i se tulaga e maualalo atu.
O saunoaga a Peresitene Tad R. Callister ma Elder D. Todd Christofferson i le vaega 2 o anomea mo sauniuniga ma le saunoaga lenei a Sister Wendy Ulrich, o le sa avea muamua ma sui o le aufono faufautua aoao a le Aualofa:
Na soifua mai [le Faaola] o se tamameamea e le taualoa i se tino faitino ma sa tausia e ni matua e le atoatoa. Sa tatau ona ia aoao e savali, tautala, galue, ma fealofani ma isi. Sa fiaai ma le lava, sa ia maua lagona faaletagata, ma sa mafai foi ona ma’i, mafatia, lavatoto, ma maliu. (“E le o se Agasala le Agavaivai,” Liahona,Ape. 2015, 33)
Ona talanoaina faatasi lea o fesili nei:
O a ni mea o loo aoao mai e nei fuaiupu e faatatau i le faamaualalo o Iesu Keriso?
O le a se mea ua aoao mai e le faamaualalo o Iesu Keriso ia i tatou e uiga i le alofa o lo tatou Faaola ma le Tama Faalelagi mo i tatou? E faapefea e lo La alolofa mo oe ona aafia ai lou alofa mo i Laua?
O Iesu Keriso ma Lana Talalelei e Faavavau Anomea a le Faiaoga,—Lesona 10
Faaalu ni nai minute e sosoo ai e saunia ai se manatu puupuu e uiga i le gauai atu i le finagalo o le Atua. O lou manatu e tatau ona aofia ai se faataitaiga o le gauai atu mai tusitusiga paia pe mai lou olaga po o le olaga o se tasi e te iloa. E ono aofia ai foi le auala e mafai ona tatou faaaogaina ai lena faataitaiga i o tatou olaga. Mafaufau e faaaoga se tasi o punaoa nei a o e sauniuni:
O Iesu Keriso ma le Talalelei e Faavavau Anomea a le Faiaoga—Lesona 16
Faitau i fesili nei ma taulai atu i fesili e sili ona mananao lau vaega e talanoaina.
O a ni ou mafaufauga ma lagona mo le Faaola a o e mafaufau loloto i Ona puapuaga mo oe? O le a se mea ua aoao mai ia i tatou e Lona naunau e puapuagatia e uiga ia te Ia? (Mafaufau e faitau 1 Nifae 19:9.)
Aisea na aveese ai e le Tama Faalelagi Lona Agaga a o puapuagatia le Faaola i luga o le satauro? (Mafaufau e toe faamanatu le Mareko 15:34saunoaga a Elder Jeffrey R. Holland i le vaega 1 o le anomea mo sauniuniga. E mafai faapefea ona fesoasoani ia i tatou e manatua le aafiaga o le Alii i luga o le satauro pe a tatou lagonaina le tuuatoatasi, faagaloina, pe tuulafoaiina?
E mafai faapefea e se molimau i le Togiola a le Alii ona fesoasoani ia i tatou pe a tatou masalosalo i lo tatou tāua faaletagata lava ia? (E mafai ona e iloiloina le Mataupu Faavae ma Feagaiga 18:10–11.) E mafai faapefea e le taulai atu ia Iesu Keriso ma Lana Togiola ona tosina ai le ala tatou te vaai atu ai i o tatou gafatia ma le lumanai?
O le a le sāvali tatou te auina atu ia i tatou lava ma le Faaola pe a tatou filifili e salamo? Aisea e ono lagona ai e le Alii le olioli pe a tatou salamo? (tagai Mataupu Faavae ma Feagaiga 18:13).
Afai e lagona e se tasi le lē mautinoa e uiga i le moni o le Togiola a le Alii, o le a se mea e mafai ona ia faia e maua ai se molimau e uiga i ai?
O Iesu Keriso ma Lana Talalelei e Faavavau Anomea a le Faiaoga—Lesona 21
Manatu faapea ua tuuina atu ia te oe le avanoa e fatu ai se vitiō puupuu e faaalia ai le ala e te faalogo ai i le siufofoga o le Faaola. Tusi se otootoga puupuu o mea o le a e faasoa atu e tali atu ai i le uunaiga “Pe Faapefea Ona Ou Faalogo ia te Ia.” E mafai ona fesoasoani fesili nei a o e fatuina lau otootoga:
O a ni aafiaga ua fesoasoani ia te oe e malamalama atili ai i le ala e fetalai mai ai le Alii ia te oe?
E mafai faapefea ona e faasoa atu ou manatu ma lagona i se auala o le a faigofie ona malamalama i ai isi?
Mai lau otootoga, fatu se sāvali puupuu (tasi i le lua parakalafa) e mafai ona e faasoa atu i le vasega.
Afai e te manao ai, e mafai ona e mafaufau loloto ma tusifaamaumau mea e te manao e fai e faateleina ai lou gafatia e faalogo ai i le siufofoga o le Faaola.
O le a se mea e ono tāua e uiga i fasifuaitau “ua tuai mai le faatoafaiava” (Mataio 25:5) ma le “ua oo i le tulua o po ona sau ai lea o le alaga” (fuaiupu 6)?
Aisea na faamatalaina ai taupou e toalima e valea? (E mafai ona outou talanoaina po o a mea o loo aoao mai e fasifuatau “Ou te le iloa outou” [fuaiupu 12] ma le “Tou te le iloa au” (Faaliliuga a Iosefa Samita, Mataio 25:11 [i le Mataio 25:12, vaefaamatalagaa]) e uiga i sauniuniga a nei taupou.)
Faailoa mai se faataitaiga masani se tasi pe lua o le auala e mafai ai e i tatou o tagata o le Ekalesia ona filifili ia avea e faapei o taupou valea. Ia saunia e faasoa atu au faataitaiga i se vaega na talanoaina ia taupou popoto.
Aisea na faamatalaina ai taupou e toalima e popoto?
Aisea na lē faasoaina ai e taupou popoto a latou suauu i taupou valea?
Faailoa mai se faataitaiga se tasi pe lua o le auala e mafai ai e i tatou o tagata o le Ekalesia ona filifili ia avea e faapei o taupou popoto a o tatou sauniuni mo le Afio Mai Faalua. Ia saunia e faasoa atu au faataitaiga i se vaega na talanoaina taupou valea.
O Iesu Keriso o “le Faamasino Amiotonu” (2 Timoteo 4:8
O Iesu Keriso o “le Faamasino Amiotonu” (2 Timoteo 4:8)
O Iesu Keriso ma Lana Talalelei e Faavavau Anomea a le Faiaoga—Lesona 24
Faitau leotele le Salamo 9:8 ma le 96:11–13. Ona valaaulia lea o tagata taitasi o le vaega e faasoa mai se uiga mai le soifuaga o le Faaola lea e faaalia ai e faamasinoina e Iesu Keriso tagata uma i le amiotonu. A o e faasoa atu uiga, atonu e te manao e talanoaina fesili nei:
E faapefea e lenei uiga ona aafia ai le ala e faamasino ai i tatou e Iesu Keriso?
O le a le auala e faateleina ai e lenei uiga lou faatuatuaina o le agavaa o le Faaola e avea ai ma ou faamasino?
A uma ona faailoa mai uiga patino, talanoa pe faapefea ona ese Iesu Keriso mai tagata faamasino uma. (Mafaufau e iloilo faamatalaga mai ia Peresitene Dallin H. Oaks ma Elder Robert D. Hales i le vaega 1 o anomea mo sauniuniga.) E mafai foi ona outou talanoaina pe aisea e tāua ai le tuuina mai e le Faaola o nei uiga uma i le avea ai ma o tatou faamasino.
O Iesu Keriso ma Lana Talalelei e Faavavau Anomea a le Faiaoga—Lesona 25
Mafaufau i faamatalaga taitasi ma faatulaga oe lava e faaaoga ai le fuafaatatau lenei: 1 = matua’i lē ioeina, 2 = e fai si lē ioeina, 3 = e ioeina pe lē ioeina, 4 = e fai si ioeina, ma le 5 = ioeina malosi.
Ou te taumafai ma le faamaoni ia avea ma se soo o Iesu Keriso.
Ou te taumafai e tausi poloaiga a le Faaola i aso uma.
Ou te taumafai e alofa ma auauna atu ia i latou o siomia a’u e pei ona faia e Iesu Keriso.
Ou te taumafai e ositaulaga manaoga o le lalolagi e mulimuli ai i le Faaola.