“Sidney oh Phebe Rigdon,” Soai en nan Doctrine oh Covenants (2024)
“Sidney oh Phebe Rigdon,” Soai en nan Doctrine oh Covenants
Oakotope–Nopempe 1830
Sidney oh Phebe Rigdon
Wekidala arail mour pwe ren alehda rongamwahuo
Parley Pratt oh ienge mweiteiko pahn kohla ehukieng pwuldaken mehn Amerika ko rongamwahuo. Ni arail wie kohkohla, Parley mehn uhdi oh pwarek kempokepah Sidney Rigdon. Sidney wia tohnpadahk men me padahkiong Parley duen Sises Krais sang Nan Pwuhk Sarawi. Oh met Parley mehn uhd padakieng Sidney duen Sises sang nan Pwuhk en Mormon.
Doctrine oh Covenants 32; Souleng kan, 1:99
Parley padahkiong Sidney duen Pwuhk en Mormon oh lukehieng en wadek. Sidney sohte nohn wewehki apw pwehki Parley wia kempokepah men e inoukieng me e pahn wadek.
Souleng kan, 1:100
Ni ansou me Sidney wadek Pwuhk en Mormon, e ese me eh sang Rehn Koht. E ehukieng ah pwoudo, Phebe duen eh pepehm.
Souleng kan, 1:101
Apw Sidney sohte nohn wehwehki dahme e pahn uhd wia. Ama e pahn papdaisla, e pahn sohla wia doadoahk en tohnpadahk nan mwomwohdisou. Ia mwomwen ah pahn kak apwalih Phebe oh nah Seri wenemen? Ia mwomwen tohn mwomwohdiso ahr pahn pepehm? E kapakap ong Samatail Nanleng pwe en sawas, oh e ahnikihda pepehm meleilei.
Souleng kan, 1:101; Doctrine oh Covenants 19:23
Sidney Peidek rehn Phebe ma e pahn soikala arail momour mwahuo oh iangih towehda Mwomwohdiso wet. “Iei pein ahi ineng en wia Sapwelimen Koht kosondih kan,” e sapengki, “kohdo mour de kohdo mehla.” Ira medewehda Ira en papdaisla.
Souleng kan, 1:101
Mwurin ansou ehu, Sidney apw tuheng Soukohp Joseph Smith. Kauno ketieng Sidney kehkehlik ehu sang Joseph. E masanier sohng mwahu Kan me Sidney wiaier oh pil koronge ah kapakap kan. Kauno masanieng Sidney me mie doadoahk kesempwal me E kounopadahr ong Ih. Sidney pahn wia sohng kepwuriamei kei.