Joseph oh Emma

Dodohkpene pwe en wadohng sampah Pwuhk en Mormon

Emma Hale wie mwomwohd limwahn pihl ehu limwahn ihmweo.

Emma Hale keirda nan peneinei laud ehu nan Pennslvania, sohte dohsang New York, wasa me Joseph Smith kin kouson ie. Emma oh ah peneinei kin kamelele Koht. Emma mwahuki wadawad, koul, dake oahs, oh kin dake wahr nan pihl limwahn ihmwarailo.

Saints, 1:31–32

Joseph Smith oh ah pahpa alialu limwahn ihmwen Emma Hale. Emma kilekileng ieisang nan wenihmw toko oh kilangada Joseph.

Ansou me Emma sounpar 21, Joseph Smith oh ah pahpao kohdo oh dodohk wasa ehu limwahn ihmwen Emmao. An Emma pahpao luhkeiong ira en kouson nan ihmwarailo.

Joseph Smith—History 1:56–57; Saints, 1:31–32

Joseph oh Emma kosokosoi likin ihmwen Emma o. An Emma pahpa oh nohno mihmi ni wenihmwo.

Joseph oh Emma pesehda oh esehla emen emen. Ira kin pereniki patpene. Ahpw an Emma pahpa oh nohno sohte mwahuki Joseph. Ira sohte kamelele me e kilangehr tohnleng men.

Saints, 1:32–33

Emma oh Joseph Smith dakedake kuruma ehu.

Mwurin sounpar ehu mwuri, Joseph peki rehn Emma en pwoudiki ih. Emma oh Joseph limpok ong emen emen. Ira pwopwoud da oh kohla kouson rehn an Joseph pahpa oh nohno nan New York.

Joseph Smith—History 1:57–58; Saints, 1:34–35

Emma oh Joseph Smith dake kuruma kokohla nan tuhke ko.

Sounpar pahieu douier powe ansou me Moroni padahkiong Joseph duwen pleit kohl ko, Ansou me lelehr ansou, Emma oh Joseph kohla ni dohl wasa me pleit ko wie ekiek ie.

Joseph Smith—History 1:59; Saints, 1:36–37

Moroni kihong pleit kohl ko rehn Joseph Smith.

Tohnleng Moroni tuhong Joseph pohn dohl o oh kiong ih pleit ko. E padahkiong Joseph me ma eh wia wehn ah kak koaros en apwalih pleit ko, irail pahn mwahu.

Joseph Smith—History 1:59; Saints, 1:37–38

Joseph Smith weuwa pileit kohl ko. Ohl emen pwakipwaki ih oh songosong en alehdi pileit ko.

Aramas akan rongadahr me Joseph kolokolehr pileit kohl ko, oh ekei song en kawaisang pileit ko sang ih. Joseph anahne diarada wasa me e pahn ekihla ie pileit ko. Ansou me Joseph weuwa pileit ko sang wasa me e ekiekla ie nan tuhke ko, ekei ohl peiong ih. E keme irail ih tang kohla ni ihmwen ah pahpa oh nohno u.

Joseph Smith—History 1:60; Saints, 1:38, 40–41

Joseph Smith wahla pileit kohl ko ni ihmweo oh mweidohng ah peneinei en doahke pileit ko.

Ansou me Joseph wahdo pileit ko ni ihmweo, rie serepeino sewese ih kosonehdi pohn tehpel. Moroni padahkiong Joseph en dehr mweidohng aramas en kilang pileit ko, ahpw ah peneinei kak kehn pileit kan ansou me re kidikid ki likou.

Saints, 1:41

Emma oh Joseph mwekidlong nan ihmw me kapw.

Koht kupwuriki Joseph en kawewehdi pileit kohl ko pwe aramas en kak wadek. Ahpw aramas akan en New York songosong en kawaisang pileit ko. Joseph anahne ekiekihla pileit kan pwe rehn kak mwahu. Eri Joseph oh Emma mwekidla ni ihmw ehu me karanih an Emma pahpa oh nohno. Ira kopworopworiki me ira pahn kak kawewehdi pileit kan ni meleilei.

Joseph Smith—History 1:61–62; Saints, 1:43, 45–46

Joseph Smith metik Emma pohn tohmwehu. E wie sewsewese ih ong kawewehdi en pileit kohl ko.

Joseph tapiadahr kawewe pileit kan. E dodohngki dipwisou en dodohk ehu me Koht kounopohng ih. Ni Joseph ah kin kawewehda, Emma kin intingihdi dahme e kin kosoia. Nan awa kan ira wie dodohk pene. Emma inenen pwuriamweila. E ese me ah pwoudo wie kawkawehwe ki manaman en Koht.

Joseph Smith—History 1:35; Saints, 1:49