“Tohnleng kan Kapwurehdo Priesthood,” Soai kan nan Doctrine oh Covenants (2024)
“Tohnleng kan Kapwurehdo Priesthood,” Soai kan nan Doctrine oh Covenants
1829
Tohnleng kan Kapwurehdo Priesthood
Manaman en wia Sapwelimen Koht doadoahk
Ni ansou me Joseph oh Oliver kaukawewehdi kohl plate ko, ire esehda me Sises mwahuki aramas koros en baptize. E pil ketikieng aramas manaman en baptaisihla mehteikan. Joseph saikinte baptaise. Eh men esehla laud duen baptais.
Joseph Smith—History 1:68; Souleng kan, 1:65–66
Joseph oh Oliver medewe ihs me ahniki manaman en baptais ansou wet. Ira medewehda ira en paidek rehn Koht. Ira kohla nan welo oh kelpwidi pwe ira en kapakap.
Joseph Smith—History 1:68; Souleng kan, 1:66
Ni ara wie kapakap tohnleng men pwarehng ira. Eh padakieng ira me ih iei John soun paptais, me paptaisihla Sises Krais mahso. Eh kieng Joseph oh Oliver Aaronic Priesthood. Prihsduhd wet Iei Manaman en Koht. E wia mehn kapaiada Sapwelimen Koht serihkan.
Doctrine oh Covenants 13; Joseph Smith—History 1:69, 72; Souleng kan, 1:66–67
John soun paptaise dene arams emen me kolokol Aaronic Priesthood kak padakieng arams en koluhla oh ih paptais iraila. John padahkieng Joseph oh Oliver en paptais. Ira kohla nan pihl ehu ira paptais ihla emen emen. Ni ansou me ira kohdahsang nan pihlo, ira direkihla Ngehn Sarawi. Ira udahn perenda!
Joseph Smith—History 1:70–73
Mwurin ansou kis, ekei tohnleng pil pwaredo. Nein Sises Wahnpoaron silimen—Peter, James, oh John—kieng Joseph oh Oliver Priesthood en Melkisedek. Oh met Joseph oh Oliver kak kihda kisakis en Ngehn Sarawi. Joseph oh Oliver pil wiahla Wahnpoaron. Ira kak katanga Mwomwohdiso wet oh wia soun kadehde kesemwpwal en Sises Krais.
Doctrine and Covenants 27:12; Souleng kan, 1:84