Soai kan en Pwuhk Sarawi
Sosep Ih Hyrum mehkihla rongamwahu wet

“Sosep oh Hyrum Mehkila Rongamwahu o,” Doctrine and Covenants Stories (2024)

“Sosep oh Hyrum Mehkila Rongamwahu o,” Doctrine and Covenants Stories

March–June 1844

Joseph and Hyrum Mehkihla Rongamwahu wet

Soukohp o Mehla, ahpw sapwelimen Kauno dodohk kokolahte mwowe

Sosep Smith kihong kih en prihstuhd kan Ong Wahnparon akan en Mwomwodiso.

Sosep Smith pwunodada. Dahme pahn wiawiong Mwomwodiso wet ma Ih pahn mehla? E men ese ni mehlel me sapwelimen Kauno dodohk pahn kokolahte mwowe. Eri Ih kohpene Wahnparon akan oh kihong irail kih kan en prihstuhd me Sises Krais ketikiong Ih. Met wewehki me Wahnparon akan kak kahluwa sapwelimen Kauno Mwomwodiso oh wia Sapwelime dodohk. Met sewese Sosep en insenamwahula.

Souleng kan, 1:519–20

Mwekid ehu Nan Nauvoo kasalehda ekei aramas arail lingeringer iong Sosep.

Ahpw diren aramas me lingeringer iong Soseph. Ekei pil men kemehla. Irail sohte mwahuki dahme e kin padapadahki. Irail intingihdi Nan newspaper sohng kei me pidada Ih pwe en kahreiong aramas akan en lingeringer iong Sosep oh pil Mwomwodiso. Ekei pil men kawehla Nauvoo.

Souleng kan, 1:526–28, 530–32, 533–34

Sosep oh ah peneinei.

Sosep iangahki ekei Kaun kan Nan Nauvoo wiahda wasahn printing press oh en ohla -pwe en kauhdi suwed me kokohselier. Met kahreda aramas akan arail pil lingeringerda. Kepinao padahkiong Sosep en kohla Nan kanihmw en Carthage pwe sounkopwung en kak medewehda ma e kawehla kosonned. Sosep ese me ma e pahn kohla Carthage, aramas pahn kemehla Ih.

Doctrine and Covenants 135:4; Souleng kan, 1:533–37, 539–41

Sosep rarahnmwahui ah peneinei oh kokohla Carthage.

Ahpw Sosepo mwahuki Souleng kan en insenamwahu. Ma e pahn kohla Carthage, mwein aramas akan pahn sohte kadirepwih Souleng kan Nan Nauvoo. Sosep medewehda en kokohla. E kapaiada Emma oh neira seri kan, metik irail, oh kokohla Carthage.

Souleng kan, 1:542–44

Sosep oh Hyrum kokolahsang Nauvoo.

Rien Sosep Hyrum iang Ih. Piol duwehte John Taylor, Willard Richards, oh okoi kompokepahrail. Ansou me re mweseldahr, Sosep kauhdi were oahs o oh kiloanglahng Nauvoo. “Wasa kaselel ehu met oh aramas me keieu mwahu kei me mihmi pahn Nanleng,” e kosoia.

Souleng, 1:543–45

Kemwekid sang Kalapwuhs en Carthage: Hyrum wadewadek Pwuhk en Mormon oh Sosep wie padapadahki Ong silepen Kalapwuhs ko.

Ansou me re lel Carthage, irail kohla Nan Kalapwuhs. Ansou me re mih Nan Kalapwuhs. Hyrum wadawad Ong irail sang Nan Pwuhk en Mormon. Hyrum padahkieng silepen Kalapwuhs ko me Pwuhk en Mormon Mehlel.

Souleng kan, 1:546

John Taylor kokoulki koul ehu.

Pwe en kansenamwahui ienge kan, John Talor koulki koul ehu me pidada Sises. E inenen kaselel, oh Hyrum padahkiong en pwurehng koul ki.

Souleng kan, 1:549

Pwihn sued ehu kawehla kalapwuhso oh pidelong.

Mwurin ansou kis rahno, ohl ekei iangahki neitail kesik tangelong Nan Kalapwuhs o. Irail Pwuhk wenihmw-tok oh tepida koasik long Nan pere me Sosep oh ienge kan mihmi ie. John Taylor inenen ohla laud. Hyrum oh Joseph me Kamala.

Doctrine oh Covenants 135:1–2; Solen kan, 1:550–52

Souleng kan wie sengisengki mehlahn Sosep oh Hyrum.

Souleng kan inenen insensuwedkihla ansou me re diarada me Sosep oh Hyrum mehla. Ahpw irail ese me kemehla Soukohp o sohte pahn kauhdi Mwomwodiso. Met sapwelimen Sounkomouro Mwomowdiso, oh E pahn doulahte kahluwa. Mwomwodiso wet pahn kekeirida oh kapwaiada sapwelimen Koht seri kan koaros Nan sampah.

Souleng kan, 1:553–59