Sulai 1830

Kaudiahl ehu ong Emma

Pilipilda sang rehn Kauno pwe en wia Sapwelime doadoahk

Mour wie wekwekidekla mwadang ong Emma oh Joseph. Kauno mahsaniheng Joseph en dehr nohn podedieng sounmwet. Ihme en wia, Joseph en padahkieng aramas akan duen Sises Krais oh sewese an Kauno Mwomwohdiso pwe en keirda.

Doctrine oh Covenants 24:7–9; Souleng kan, 1:96

Emma ahniki peidek tohto duen wekidekla wet. E sohte wehwehki dahme e pahn wia erein ansou me Joseph pahn wie papah kauno. E pil anahne en sewese Kauno oh Sapwlime Mwomwohdiso?

Souleng kan, 1:96

Kauno mahsenieng Emma sang kaudiahl ehu me e ketkieng Joseph. E ekeriki “Emma Smith, nei serepein.” E mahsanieng Emma me Ih me ketin pilada ih oh padahkieng en wia Sapwelime doadoahk. Ih lih mwahu men, oh mie song kesempwal kei me E mwahuki en wia.

Doctrine oh Covenants 25:1–3

Kauno padahkieng Emma en iangih Joseph. Kauno mahsanih me Emma pahn kawehwe pwuhk sarawi oh padahk on tohn mwomwohdiso. E padahkieng Emma en kieng Ih mwohn mehkoros nan ah mour oh kapwaiada ah inou sarawi kan. E inoukieng Emma me Sapwelime Ngehn Sarawi pahn mihmi reh. E mwahuki en esehla, kekeirda, oh alehdi Sapwelime kapai kan.

Doctrine oh Covenants 25:2, 6–10, 15

Kauno pil mahsanieng Emma me E kin pereniki karonge nah serih kan ni arail kin koul. E mahsanih me an Souleng kan koul duehte kapakap ong Ih. E peki rehn Emma en wiahda ehu pwuhk en koul me Souleng kan pahn koul sang ie. Emma diarada koul kaselel tohto duen Kauno oh Sapwelime rongamwahuo oh kihpene wiahda pwuhk en koul.

Doctrine oh Covenants 25:11–12; Souleng kan, 1:221–22

Ara mour wie wekwekideklahte, apw Emma ese me Kauno pokoahng oh ahniki koasoanehdi ong ih. E papah kauno oh aramas akan limwah. E sewese kairada Sapwelimen Sises Mwomwohdiso.

Doctrine oh Covenants 25:13–15; Souleng kan, 1:221–23