Soai kan en Pwuhk Sarawi
Sosep oh Oliper Alehdi Kih kan en Prihsduhd

“Sosep oh Oliper Alehdi Kih kan en Prihsduhd,” Soai kan en Doctrine oh Covenants (2024)

“Sosep oh Oliper Alehdi Kih kan en Prihsduhd,” Soai kan en Doctrine oh Covenants

Epreil 1836

Sosep oh Oliper Alehdi Kih kan en Prihsduhd

Sises Krais oh tohnleng kei pwarek Tehnpas Sarawi en Kirtland.

Sosep Smith wahieng Souleng kan kamadipw sarawi nan Tehnpas Sarawi en Kirtland.

Wihk ehu mwurin Tehnpas Sarawi en Kirtland eh kasarawilahr, Souleng kid kei tuhpenehr nan Tehnpas Sarawio pwehn kaudekiong Sounkomouro. Rahno iei Rahn Sarawi en Ihster. Sosep Smith, Oliper Cowdery, oh Wahnpoaron Ehkriemenko kihengehr kamadipw sarawi ohng Souleng koa.

Doctrine oh Covenants 110, oaralap kan; Souleng kan, 1:239

Sosep Smith oh Oliper Cowdery wie kapakap nan Tehnpas Sarawi en Kirtland.

Mwurin kamadipw sarawio, Sosep oh Oliper rapahkihda wasa meleilei ehu nan tehnpaso, palahsang kahdengo, pwe irahn kapakap.

Doctrine oh Covenants 110, oaralap kan; Souleng kan, 1:239

Sises Krais pwarpwarehng Sosep oh Oliper.

Ni ara nekier kapakap, ira saradahr. Sises Krais wie keskesihker mwohra! E ketin mwahngih me Souleng koa inenen doadoahk laud pwehn kauwada tehnpas sarawio. “I aledahr ihmw wet,” E ketin mahsaniher. Sises mahsanihongehr Sosep ih Oliper me kapai kan en tehnpas sarawi pahn wahdo popohl laud ohng aramas tohto.

Doctrine oh Covenants 110:1–10

Moses pwarpwarehng Sosep oh Oliper.

Mwurin Sises ah ketin mweseldahr, Moses me wia emen soukohp en Kadehde Mering pwarehngehr Sosep ih Oliper. E kiheng ira kih kan en prihsduhd ohng kihpene Isrehl. Met wehwehki me ira kak kaunda doadoahk en kalohngki rongamwahuo. Ira kak kadarala misineri kan nan sampah pwon pwehn wahdo aramas ohng nan sapwellimen Sounkomouro Mwomwohdisoh.

Doctrine oh Covenants 110:11

Elias pwarpwarehng Sosep ih Oliper

Mwuri, soukohp Elias pwaradahr. E kihengehr Sosep ih Oliper kih kan en kapwurehdo inou sarawi en Eperiam. Met wehwehki me Souleng kan kak alehdi sang Kauno soangen inou sarawi ohte me Epraim alehdier. Irail pahn ahniki manaman en wahdo rongamwahuo oh sapwellimen Koht kapai kan ohng aramas wasa koaros erein sounpar tohto kei me kohkohdo.

Doctrine and Covenants 110:12

Elaisa pwarpwarehng Sosep ih Oliper.

Keimwsekla, soukohp Elaisa pwaradahr. E kihengehr Sosep ih Oliper kih en prihsduhd kan ohng katengteng, de kihpene, peneinei kan ohng mour soutik. Doadoahk me Souleng kan wiahier nan tehnpas sarawi kan pahn alahlda nanleng. Met Mwomwohdisoh ahniki manaman en wia sapwellimen Sounkomouro doadoahk oh kaunopehng Ih en ketdo sapahl ohng sampah.

Doctrine oh Covenants 110:13–16