Soai kan en Pwuhk Sarawi
An Joseph Smith Peneinei

“Peneinei en Joseph Smith,“Soai Kan en Doctrine oh Covenants (2024)

“Peneinei en Joseph Smith,“Soai Kan en Doctrine oh Covenants

1805–1817

An Joseph Smith Peneinei

Peneinei pwoson

Joseph Smith oh ah peneinei wie dodohk nan arail mwetuwelo.

Joseph Smith ipwidier ni December 23, 1805, nan pali mesehn United States. Ah pahpao pil adaneki Joseph. Ah nohnou adaneki Lucy. E rianeki diren pwutak oh serepein kei. An Joseph peneinei kin dodohk nan mwaht. Irail kamelele Koht oh kin poakpene nan pwungarail.

Joseph Smith—History 1:3–4

Joseph Smith ni eh wia pwutak pwulopwul men. Neh pali sokohiek kidikidkipene likou. Ah nohnou inenen pwunodiki ih.

Ansou me Joseph wia kisin pwutak emen, e alehdi soumwahu ehu me kahreiong kahpwal ong neh pali sokohiek. E inenen weirek laud. An Joseph peneinei kin nantiong sewese ih pwe en kak insenamwahu, ahpw neho kin inenen weirek laud mehlel. Toahkte kan song wia wehn arail kak koaros en kamwahuila neho, ahpw irail sohte kak.

Saints, 1:7

Joseph Smith nan peht. Rie pwutak kan kelehpwdi ni keilen pehto. Ah nohno kosokosoieng toahktehu mwurio.

Toahkte kan kosoia me re anahne lopukasang nehn Joseph o pwe en kak mour. Ahpw ah nohnou sohte men mweidohng irail. E idek ma sohte ehu ahl en sewese Joseph. Toahkte kan medewehda me irail pahn lopukasang ekis tih en ni nehno. Joseph ese me e pahn weirek, ahpw e ahneki pwoson me Koht pahn sewese ih.

Saints, 1:7

An Joseph Smith Toahktehu song kieng sakau pwe ren kak koadoahke nehu. Joseph soikala. Ah pahpao koledi ih.

Toahkte kan mwahuki kiong Joseph sakau pwe en nim pwe en sewese medek o. Ahpw Joseph kosoia me soh. E mwahukite ah pahpao en koledi te ih.

Saints, 1:7

An Joseph Smith nohnou pidohi sang nan pereho ansou me toahkte kan koukounop ong dodohk o.

Joseph peki rehn ah nohnou en pidoila likin ihmwo. E sohte men ah nohnou en kilang ih nan medek me e pahn alehdi ansou me toahkte kan pahn lopuk nan nehu.

Toahkte wiewia dodohk en pwal ni nehn Joseph Smit. Ah pahpao koledi ih pwe en sewese.

An Joseph pahpao koledi ih ansou me toahkte kan lopukasang wasa sakanakan ko ni tihn neho. Met udahn weirek laud, ahpw Koht sewese Joseph en komwad. Mwurin sounpar kei, nehn Joseph o mwahular, ahpw e kin medek ansou me e kin alu.

Saints, 1:6–7

Joseph Smith oh ah peneinei nan New York. Irail kin wia dodohk en lopukedi tuhke kan.

Ansou me Joseph laudla, ah peneinei mwekidla New York. An Joseph peneinei me semwehmwe. Irail kin dodohk laud pwe rehn kak alehdi mwenge me itar ong arail peneinei. Joseph wia kisin pwutak mwahu men. E kin peren oh mwahuki kouruhr oh wia mehn kaperen teikan.

Saints, 1:5–9

An Joseph Smith peneinei mwomwohd ni tehpel en mwenge.

An Joseph peneinei kin poakohng Sises Krais. Irail kin kapakap oh wadekpene pwuhk sarawipene. Ahpw an Joseph pahpa oh nohno sohte wewehki mehnia mwomwodiso me re pahn patehng. Ehu pwohng, an Joseph nohno, Lucy, kapakap oh padahkiong Koht me e mwahuki diarada Mwomwodiso mehlel en Jesus Krais. Koht sapeng ah kapakap oh inoukiong ih me e pahn diar.

Saints, 1:10–11