“Parley oh Thankful Pratt,” Soai kan en Doctrine oh Covenants (2024)
“Parley oh Thankful Pratt,” Soai kan en Doctrine and Covenants
Ahkos–Septempe 1830
Parley oh Thankful Pratt
Pwoson en idawehn Ngehn sarawi
Parley Pratt oh Thankful Pratt wia souhnmwet nan Ohio. Ehu rahno, Parley pehm me Ngehn sarawi mwahuki en kokohlahsang imweu pwe en padahk ong aramas akan duen Pwuhk Sarawi.
Souleng kan, 1:92
Parley oh Thankful netikihla ara wasahu. Ira sohte wewehki iawasa ira pahn kohlaie, apw ira kamehlele me Kauno pahn kapai irahda ni ara pahn papah Ih.
Souleng kan, 1:92
Parley oh Thankful wahda ara likou oh neira sent oh iangada pwoht ehu. Ni ara seiseilok kohla New York Ngehn Sarawi kapehm ehki Parley en doudihsang pwohto. Parley padahkieng Thankful en tiengla. E inouki me e pahn mwadangete pwuredo reh. E kehn me mie mehkot me Koht kupwureki en wia nan New York.
Souleng kan, 1:92
Parley aluhsang wasa doh. Eri ih lel ni imwen tohn padahk emen. Tohn padahko padakieng Parley pwuhk ehu me aramas emen kieng. E kohsang pileit kohl kei oh intingda mahso. E kahdaniki Pwuhk en Mormon. Ohl pwulepwul emen nan New York kawewehdi sang manaman en Koht.
Souleng kan, 1:92
Parley udahn men esehla. Tohn padahko kasalehieng Parley Pwuhko. Parley perenda, oh pakpeseng pwuko tepda wadek. Awahkei doupowe, apw e sohte kak uhdisang ah wadawad, pil sohte mwenge de meir. Ngehn en Kauno kapehmehki me e mehlel.
Souleng kan, 1:92–93
Parley mwahuki Pwuhk en Mormon laud, e men esehda ihs ohl me kawewehdio. E aluhla ni an peneinei en Smith wasahu, me e tuheng Hyrum, rien Joseph Smith. Ira wie koskosoi nihpwongo. Hyrum padahkieng Parley me Pwuhk en Mormon mehlel. E kieng nein Parley nah ehu Pwuhk.
Souleng kan, 1:93
Ni ah wie wadawad, Parley esehda me Sises Krais pwarohng mehn Amerika kan mahso. Parley kak ese me Pwuhk en Mormon kesempwal sang meh koaros pohn sampah. E kasikalahr ah men pwuralahr rehn Thankful pwe en ehukieng dahme e esehla.
Souleng kan, 1:93; 3 Nephi 11:1–12
Parley padahkieng Thankful oh ekei ah peneinei duen Pwuhk en Mormon. E kosoiahieng irail dahme e padahngki duen Sises Krais. Thankful perenikihda Parley ah idawehn kaweid en Ngehn Sarawi oh diarada doadoahk me Kauno kupwureki en wia. Thankful pein esehda ong pein ih me Pwuhk en Mormon pwung, pil duehte Parley.
Souleng kan, 1:98–99