Pepweri 1832

Sosep oh Sidney Kamakamda

Aramas lingeringer song en kauhdi doadoahk en Sapwellimen Koht soukohp

Ekei aramas pereniki dahme Sosep Smith kin padapadahngki duwen Samatail Nanleng, Sises Krais, oh nanleng. Ahpw ekei aramas sohte mwahuki dahme e kin padahngki. Ekei irail lingeringerda oh men kauhdi ahn Sosep padahk.

Tepin Padahk oh Inou kan 76; Souleng kan, 1:149–50

Pwohng ehu, Sosep iang Emma apwapwalih emen neira umwper me ira pwokada ko. Serio inenen soumwahu.

Souleng kan, 1:150

Emma ale serio oh ndaihong Sosep en kommoal. E pahn padahk ni menseng. Mwuri, ira koaros Sosep oh Emma meir.

Souleng kan,1:150

Mwadangete, wenihmwo ritida, oh pwihn en ohl lingering kei tangelong nan perehu. Emma wer ni ansou me ohl akan poarok pehn Sosep, neh kan, oh pil piten moange. Irail wuradekihiei sang nan ihmwo.

Souleng kan, 1:150–51

Sosep song en kapitalahsang ohl pwukat, ahpw irail kolehdi ih teng. Sosep kilang me ohl pwuhko pil wuradekihiei Sidney Rigdon sang nan ihmweo.

Souleng kan, 1:151

Ohl akan tehrasang ahn Sosep likou kan oh wudekihong pwilipwil karakar, ni paliwere oh pil iangahki piten moange kan. Irail ahpw kihong ih wunen mahn akan oh irail ahpw tangasang.

Souleng kan, 1:152

Mwurin ohl akan ahr kohkohla, Sosep pwurala nan ihmweo. Emma masepwehkada ansou me e kilangada Sosep. Kompoakepara kan me kin mihmi keren rongada dahme wiawio oh irail mwadangete kohdo pwe ren sawas. Emma kihsang pwilipwil ni kilin Sosep. Erein pwongo pwon, Emma oh kompoakepah kan sewese oh apwalih Sosep oh Sidney.

Tepin Padahk oh Inou kan 25:5; Souleng kan, 1:153

Mandan rahno, Sosep mihmite nan weirek laud. Ahpw e likouda oh padahk ong pwihn en aramas kei duwen Sises Krais. Ekei ohl me tiahk suwedih iang rongorong ah padahk. Mwuri ni rahno, Sosep pepdaisihala aramas silimen. E wiewiahte doadoahk en Kauno, mendahte aramas akan arail songosong en kauhdi.

Tepin Padahk oh Inou kan 24:8; Souleng kan, 1:153