Soai kan en Pwuhk Sarawi
En Joseph Smith Kasansal Keieuo

“An Joseph Smith Kasansal Keieu,” Soai kan nan Doctrine and Covenants (2024)

“An Joseph Smith Kasansal Keieu,” Soai kan nan Doctrine and Covenants

1817–1820

En Joseph Smith Kasansal Keieuo

Pasapeng ong kapakap aktikitik

Joseph Smith rongorong aramas akan me wie padapadahngki duwen arail mwomwodiso kan.

Nan wasa me an Joseph Smith peneinei kin kouson ie, diren mwomwodiso me kin padahngki duwen Sises Krais. Arail padahk ki duwen Ih kin wekipeseng. Joseph sohte wewehki mehnia me mehlel. E ese me e anahne Sounkomour o, ahpw e sohte wewehki mehnia mwomwodiso me e pahn iang.

Joseph Smith—Poadoapoad 1:5–6; Saints, 1:9

Joseph Smith wie dodohk nan ah mwetuwel.

Jospeh padahnki duwen met ansou reirei. E mwahuki dipe kan en lapwada. E pwarek diren mwomwodiso kei, ahpw e ahnekite sawehwe.

Joseph Smith—Poadoapoad 1:8–10; Saints, 1:9–12

Joseph Smith wie wadewadek Pwuhk Sarawi limwahn marain en candle.

Ehu rahno, Joseph wadekadaSeims 1:5 nan Pwuhk Sarawi. E masanih ma emen rehmwail anahne erepit, ah en kapakap oh peki rehn Koht. Joseph ese nan ah mongiong me ihme e anahne wia met.

Joseph Smith—Poadoapoad 1:11–13

Joseph Smith aluhla nan tuhke kan limwahn te ihmwehu pwe en kapakap.

Ni menseng en rahn kaselel en spring nan 1820, Joseph aluhla nan tuhke kan limwahn ihmweo. E men mih wasa ehu me e pahn kak kelehpw oh kapakap ong Samatail Nanleng.

Joseph Smith—Poadoapoad 1:14–15

Joseph Smith wie kapakap nan tuhke ko.

Joseph kelehpwdi oh tapiada kapakap. Ni ah wia met, e kehnda manaman en pali suwedo ah koledi ih. E kehnda rotorot ah kapilpene Ih. E mwomwen me aramas songosong en kauhdi en dehr lokaiahng Koht. Jospeh wia wehn ah kehlail koaros oh poaki Koht en doarehla Ih.

Joseph Smith—Poadoapoad 1:15–16

Sahm Nanleng oh Sises Krais pwarehng Joseph Smith. E kelehpwdi mwohra.

Mwuri. Joseph kilangada marain lingan ehu kohdido sang nanleng. Rotorot oh sohrala, eri ih kehnda meleilei. Nan maraino, Joseph kilangadahr Sahm Nanleng oh Sises Krais kesikesihnen nan wehwe. Sahm Nanleng eker eden Joseph o. Ih eri idih Sises oh masanih, “Iet Nei Pwutak me ih Poakohng. Karonge Ih!”

” (Joseph Smith—History 1:16–17).

Sises padahkiong Joseph Smith me dipe kan lapwadahr.

Sises padahkiong Joseph me dipe ka lapwadahr. Joseph kalelapak rehn Sises mehni mwomwodiso me e pahn patehng. Sises padahkiong me e sohte pahn patehng ehu te.

Joseph Smith—Poadoapoad 1:18–19; Souleng kan, 1:16

Joseph Smith, kelehpwdi nan mwutumwut en tuhke kan, rongorong Sounkomour o.

Sises masanih me mehlel en Sapwelime rongamwahu o salongalahr. E masanih me e pahn kadaredo tohnleng kei en padahngki me mehlel kan ong Joseph, pwe en ehukiong sampah.

Souleng kan, 1:16–17

Joseph Smith alialuhsang nan tuhke kan ong ni ihmweo.

Mwurin kasansal wet ah imwsekila, Joseph audaudkihda limpok oh popohl. E solahr ahneki sawehwe. E ese me Koht poakohng ih. Mendahte ekei aramas ah kailongki ih pwehki sang ni ah kosoia me e kilangehr Sahm Nanleng oh Sises Krais, Joseph wewehki me e mehlel.

Joseph Smith—Poadoapoad 1:20–26; Souleng kan, 1:16