Pepweri 1833

Mahsen en Eripit

Sapwellimen Koht kosonned en roson

Sosep Smith luke ohl kei nan Mwomwohdiso ong arail mihting kan powe ni ihmwen Newel oh Ann Whitney sidohwa. Wasao irail kasukuhlki duwen rongamwahuo oh ire teikan, oh irail kapakap ni pwihn ehu. Irail kadahneki tuhpene wet Sukuhl en Soukohp akan.

Tepin Padahk oh Inou kan 88:117–137; Souleng kan, 1:166

Pali laud en ohl akan kin simwok paip oh kang tipaker nan arail mihting kan. Simwoko kahrehda ah kin edied, oh tipaker ko kin wiahda samin nan tahto. Mwurin mihting ko, Emma Smith kin kohdahla powe pwehn kamwakel. E kin inenen samin!

Souleng kan, 1:167

Emma kin iris oh pil iris nan taht ko. ahpw samin en tipaker ko kin sohte kak kohsang. E koasoiakihong Sosep samino.

Souleng kan, 1:167

Sosep rongorong Emma. Rongorong Emma kihong ih en medewe ia mwomwen Sapwellimen Kauno pepehm duwen tipaker.

Souleng kan, 1:167

Eri Sosep peidengkihong Kauno duwen tipaker. Kauno mahsanihong Sosep me e ketin kolokol Mahsen en Eripit ong Souleng kan.

Tepin Padahk oh Inou kan 89:1–9; Souleng kan, 1:167

Kauno mahsanih me Souleng kan sohte konehng simwok, doadoahngki tipaker, de nim sakau de “pihl karakar“ me wehwehki koahpi oh dih.

Tepin Padahk oh Inou kan 89:1–9; Souleng kan, 1:167

Kauno pil padahkiong Souleng kan me wihd oh wahn tuhke me mwahu en kang. E pil mahsaniong irail me re pil konehng kang uduk ekei pak.

Tepin Padahk oh Inou kan 89:10–17; Souleng kan, 1:168

Kauno mahsanihong Sosep me Souleng kan me pilada en kapwaiada Sapwellime Mahsen en Eripit pahn perehsang nan kahpwal. Kauno ketin inoukihong irail me e pahn kapaikinirailda roson mwahu, marain, oh kehlail. Sosep padahkihong ohl en nan Sukuhl en Soukohp akan duwen Sapwellimen Kauno Mahsen en Eripit.

Tepin Padahk oh Inou kan 89:18–21; Souleng kan, 1:168

Ohl akan nan perehu kesehla kenerail tipaker kan oh neirail paip akan nan kisiniei pwe en kasalehda me irail men kapwaiada oh peikiong Sapwellimen Kauno Mahsen en Eripit.

Souleng kan, 1:168