Kahpwal akan nan Missouri

Kolokol pwoson kehlail nan ansoun kahpwal akan

Ekei aramas nan Independence lingeringerkida kohkohdohn Souleng kan.

Souleng tohto kohdo pwe rehn kouson nan Independence, Missouri. Kauno mwahuki irail en kawada wein Saion wasao. Ahpw Souleng kan oh aramas me kousonehr nan Independence sohte kin ehupene. Irail kin uhkihpene sohng tohto. Ekei aramas en kahnihmwo inenen lingeringer oh men Souleng kan en kohkohla.

Tepin Padahk oh Inou kan 57:1–3; Souleng kan, 1:171–74

Kaun akan en Independence tuhwong Edward Partridge.

Edward Partridge wia pisop emen nan Independence. E kohdo iang mihting ehu rehn kaun akan en kahnihmwo. Irail koasoia me Souleng ko anahne kohkohlasang Independence. Pisop Partridge ese me Koht kupwurki Souleng kan en kawada Saion nan Independence. E koasoia me Souleng kan sohte kak kohkohla.

Souleng kan, 1:176

Ohl lingeringer kan kawehla wasahn kouson akan oh ihmw akan.

Ohl lingeringer kan tapida kawehla wasahn kouson akan oh ihmw akan me Souleng kan kawadahr.

Souleng kan, 1:177–78, 182

Ohl akan kolehdi Edward Partridge oh Charles Allen.

Ohl akan wahda Bishop Partridge oh emen ohl me adaneki Charles Allen sang ara wasahn kouson. Irail wuradekih ohl riemen et ong nan werengen kahnihmwo.

Souleng kan, 1:179

Edward oh Charles kidikidkihdi tar pwilipwil oh wunoan mahn akan.

Pisop Partridge koasoia, “Ma ih pahn lokolongki ahi mwomwodiso, e sohte wiksang dahme aramas teikan wia mwohi.“ Ohl akan siken Pisop Partridge oh Charles ong nan pwehlo. Irail kihong pwilipwil karakar oh wunoan mahn ni paliwerera pwon.

Souleng kan, 1:179–80

William McLellin, towe mehlel en Mwomwodiso nan Independence, rongada dahme aramas lingeringer ko wiewia. E masepwehkada oh tangala nan tuhke ko pwe en rokila.

Souleng kan, 1:182

William medemedewe dahme e pahn wia ma e pahn dierekda.

William medeweda dahme pahn wiawi ma ohl lingeringer ko diarada ih. E pahn kak indahte me Pwuhk en Mormon mehlel. mehnda ma irail pil pahn kemehkihla?

Souleng kan, 1:182–83

Oliver Cowdery oh David Whitmer dihdiarada William.

Kompoakepahn William Oliver Cowdery oh David Whitmer diarada ih nan tuhke ko. William ese me Oliver oh David kamehlele Pwuhk en Mormon. Tohnleng emen kasalehiong ira pileit kohl ko. “Indahiong ie,“ William peidengki, “Pwuhk en Mormon mehlel?“

Souleng kan, 1:183

Oliver oh David ehukiong William ara kadehde.

Oliver oh David padahkiong William me Pwuhk en Mormon mehlel. Ira koasoia me mendahte ma ohl lingeringer ko song en kemehla ira, ira sohte pahn uhdihsang ehukihwei ara kadehde ong aramas akan. “Ih kamelele kumwa,“ William inda.

Tepin Padahk oh Inou kan 17:3–6; Souleng kan, 1:183