1840–1842

Koukoudahn Nauvoo

Sapwelimen Kauno kosondi Ong wehi lingan

Kauno mahsanieng Souleng kan en kohpene wasa kapw ehu. E karanih wasa lapalap ehu limwahn Mississippi. Sahpwo me wisekesek oh pwelmatak. Ong ekei aramas, e sohte wia wasa mwahu ehu en kawada wehi wasao. Ahpw Soukohp Joseph Smith ese me sang ni sawas en Kauno, irail kak wiahda mehkot kaselel ehu.

Doctrine and Covenants 124:25; Souleng kan, 1:417

Souleng kan tapiadahr dodohk laud pwe en kak wiahda wasa mwahu en kouson ehu. Soukohp Joseph kihong ede Nauvoo, me wewehki “wasa lingan ehu.”

Souleng kan, 1:417

Kauno padahkiong Souleng kan en kawada ihmw nan Nauvoo wasa me soun seilok kan en kohdo oh komol ie. E mwahuki Nauvoo en wia wasa ehu me koaros pahn kokohla insenamwahu.

Doctrine oh Covenants 124:22–24, 60; Souleng kan, 1:426

Kauno padahkiong Soukohp Joseph me mioa Ah kosondi laud Ong Nauvoo. E mwahuki Sapwelime Souleng kan en kohpene wasahn pwe rehn kawada Tehnpas Sarawi. E peki rehrail en wia wehn arail kak dodohk laud koaros en kawada Tehnpese Tehnpas o. Souleng kan mwadangete tepida dodohk.

Doctrine and Covenants 124:25–28, 44, 55; Souleng kan, 1:420–21, 425–27

Kauno mwahuki Souleng kan en kawada Tehnpas Sarawi pwehki mie kapai laud kei me E men ketikiong irail. Nan Tehnpas Sarawi, irail pahn wiahda inou kei, de inou kesempwal kei, Ong Kauno. Irail pahn pil esehla duwen Sahm Nanleng oh Sapwelime pilahn en peren Ong Sapwelime seri kan koaros.

Doctrine oh Covenants 124:29–41; Souleng kan, 1:453–55

Souleng kan dodohk laud en kawada Tehnpas Sarawi, nin duwen Kauno ah mahsanier. E lel wehn ansou reirei ehu, ahpw irail inenen peren ki rahn me irail pahn esehla duwen inou kesempwal akan me Kauno kolokol Ong irail Nan Tehnpese Tehnpas Sarawio.

Souleng kan, 1:453–55