Soai kan en Pwuhk Sarawi
Koukoudahn Tehnpas Sarawi en Kirtland

“Koukoudahn Tehnpas Sarawi en Kirtland,” Soai kan en Tepin Padahk oh Inou kan (2024)

“Koukoudahn Tehnpas Sarawi en Kirtlan,” Soai kan en Tepin Padahk oh Inou kan

Tihsempe 1832–Mahs 1836

Koukoudahn Tehnpas Sarawi en Kirtland

Tehnpas kesempwal ehu ong Kauno

Sosep oh Emma Smith iangahki Phebe oh Sidney Rigdon kilekilongwei wasa me Tehnpas Sarawi en Kirtland pahn kokouda ie.

Kauno mahsanihong Sosep Smith me e lelehr ansou me Souleng kan en kawada ehu ihmw kesempwal nan Kirtland. Ihmw wet pahn wia tehnpas ehu, wasa ehu me Kauno pahn kin ketin pwarek Sapwellime aramas akan oh ketin wiahda inou kan rehrail. E pahn ketikihong irail kisakis kesempwal ehu nan Tehnpese Tehnpas Sarawi. E ketin kadahniki kisakis wet endaumen en manaman.

Tepin Padahk oh Inou kan 88:119; 95:8; Souleng kan,1:205

Hyrum Smith pahn iang sawas ni doadoahk en tehnpaso.

Souleng ko sohte mwadangete wiahda tehnpas sarawio ansouo. Sounpwong kei mwuri, Kauno ketin katamanikihong irail me tehnpas sarawio inenen kesempwal. Hyrum Smith tangala ni imwen ah pahpa oh nohno en ale dipwisou en doadoahk kei. Ansou me ah nohno idek reh iawasa me e kohkohla ie, e koasoia me e men tiheng koadoahke tehnpas en Kauno.

Tepin Padahk oh Inou kan 95:1–8

Sidney Rigdon kilekilang tehnpaso ah kokoudahr.

Souleng kan en Kirtland tapida kokoudahn tehnpas sarawio. E inenen pweilaud oh doadoahk pil inenen laud. Tohn Mwomwohdiso kei me duwehte Sidney Rigdon kihda lapalahn mwohni ong ni kokoudahn tehnpas sarawio. Irail inenen pereniki idahwen Sapwellimen Kauno kosonned akan oh alehdi Sapwellime kapai kan nan Tehnpese.

Souleng kan, 1:209–211

Sidney wie kapakapki sawas ong ni tehnpas sarawio.

Ni Souleng kan wie arail doadoahk ong tehnpas sarawio, re tapiada en sohrala neirail mwohni. Sidney oh ekei kaun en Mwomwohdiso kan tepiada pwunod. Sidney kapakapkihong Koht en sawas.

Souleng kan, 1:210–11

Caroline Tippets leledo pwehn sawas.

Tohn Mwomwohdiso me adaneki Caroline Tippets oh ah peneinei nekidala wehn mwohni laud. Caroline mweidohng Mwomwohdiso en doadoahngki neirail mwohni pwehn sawas oh kawada tehnpas sarawio.

Souleng kan}, 1:211–13

Seri kan sawsawas en kihpene kilahs me ohla kan.

Souleng tohto nan Kirtland doadoahk laud en kawada tehnpaso. Ekei dake wakon kan me direhkila takai kan ong tehnpas sarawio. Ekei wiahda likou oh mwenge ong tohn doadoahk kan. Seri kan kihpene kilahs ohla kan pwe en kohda ni dihd en tehnpas sarawio pwe en kin piripir oh lingan ma ketipino kin daker.

Souleng kan, 1:210, 219, 221

Tehnpas Sarawi en Kirtland nekier.

Mwuri tehnpas sarawi nekier! Souleng kan inenen pereniki arail en kohla nan tehnpas en Kauno pwe ren alehdi kapai kan me E ketin inoukihong irail.

Souleng kan, 1:221