“Hiram Page oh Kaudiahl,” Soai kan en Doctrines oh Covenants (2024)
“Hiram Page oh Kaudiahl,” Soai kan en Doctrines oh Covenants
Septempe 1830
Hiram Page oh Kaudiahl
Souleng kan esehla mwomwen Koht ah kin ketin kaweid Sapwelime Mwomwohdiso
Hiram Page wia kempokepahn Joseph Smith oh Oliver Cowdery. E pil wia emen soun kadehde walimeno ong Kohl pileit ko. Mie takai ehu rehn Hiram, oh e kamehlele me Koht kin ketin doadoangki pwe en kaweid ih de kaudiahl, ong mwomwohdiso. Oliver oh ekei Soulengko kamehlele me an Hiram Kaudiahl sang rehn Koht.
Doctrine oh Covenants 28, oaralp kan; Souleng kan, 1:97
An Hiram ah kaudiahl kerenieng pahn duehte nan pwuhk sarawi. Apw e wekisang dahme Pwuhk Sarawi padahngki. E pil sohte duehte dahme Kauno padahkieng Joseph Smith. Joseph sohte nohn wehwehki dahme e pahn wia.
Souleng kan, 1:97
Joseph wie pepehdiki pali laud en nihpwongo wie pekipek sawas rehn Kauno. E pwunodiki ede wiahda mehkot sapwung oh kansensuedihla kempokepahu.
Souleng kan, 1:97
Joseph mwahuki aramas en pein rapahki kaudiahl ong pein arail mour. Apw e pahn kapingada wasa ma aramas koros song en alehda kaudiahl ong Mwomwohdiso.
Souleng kan, 1:97
Eri, Kauno ketieng Joseph kaudiahl ehu pwe en ehukien Oliver. Kauno mahsanih me Soukohp kelepw me kak alehdi kaudiahl oh kosoned akan ong Mwomwohdiso unsek. E mahsanih me Oliver anahne padahkieng met Hiram.
Doctrine oh Covenants 28:2, 6–13
Kauno mwahuki Hiram en wehwehki me e kak alehdi kaudiahl ong pein ih. Apw kaudiahl ong Mwomwohdiso pahn kohsang rehn Soukohp en kauno. Hiram alehda an Oliver ah padahko oh koluhla. Souleng kan esehla ni mehlel mwomwen Kauno ah kin kaweid Sapwelime Mwomwohdiso.
Souleng kan, 1:98