Martin Harris Sewese Joseph

Esehla koapwoaroapwoariki Kauno.

Martin Harris oh eh pwoud kosomwoh Joseph oh Emma Smith.

Ehu rahno, ni ansou me Joseph oh Emma kin koukouson nan Pennsylvania, kompokepah ohl emen me adaneki Martin Harris apw pwarek ira. Mie an Martin wahn sahpw lapala ehu nan New York Eh ese duen an Joseph doadoahk en kohl plate ko. Eh seweseier Joseph mwowehu, oh pil met eh men ese ma mie mehkot eh pil kak wia pwe en sawas.

Souleng kan, 1:49

Kilele en Martin Harris Eh wie keskesihnen nan wasahn mwengeuh nan imwen Joseph oh Emma Smitho.

Joseph oh Emma udahn kalahnganki. Aramas tohto medewe me Joseph likamw. E udahn mwahu kompokepahki Martin me kamehlele me kohl plate ko mehlel.

Souleng kan, 1:49

Joseph oh Emma keskesihnen nan imwarahu iangahki Martin Harris. Joseph oh Martin wie kolokol doadrepwehn pwuhko.

Ni ansou me Joseph kin kawewehdi plate ko, Martin kin intingihdi dahme eh kosoia. Martin udahn pereniki ah sewese Kauno wiewia Sapwelime doadoahk wet.

Souleng kan, 1:50

Martin oh Lucy wie aka akamai limwahn warara kurumwahu.

An Martin pwoudo, lucy, sohte pereniki. Eh sohte kamehlele me mie kohl plate rehn Joseph. Eh medewe me Joseph wie pitipitih Martin. Eh mwahuki Martin en pwuredo New York oh solahr sewese Joseph.

Souleng kan, 1:49–50

Joseph Smith wie kolokol ekei doarepwehn pwuhko. Martin Harris wie pekipeki rehn Joseph ma eh kak borrow pwuhko pwe en kasalehieng ah pwoudo.

Apw Martin wie seuseuwesehte Joseph. Eh medewe ma Lucy pahn wadek dahme ira wie koadkoadoahke, eh pahn pil iang kamehlele. Eh peki rehn Joseph ma eh kak wahda doarepwe me ira kawewehdierko kohla New York pwe en kasalehieng ah pwoudo. Joseph kosoia me eh pahn kapakap oh idek rehn Koht.

Souleng kan, 1:50–51

Joseph Smith wie kapakap pwe en peidek rehn Koht ma Martin Harris kak borrow pwuhko.

Kauno masaniheng Joseph en dehr mweidehng Martin en wada daropwehko. Martin peki rehn Joseph en pwurehng kapakap. Joseph kapakap oh pil alehdi songen pasapengohte. Apw Martin udahn men kasalehieng ah pwoudo doarepwehko, oh Joseph men sewese kompokepahu. Joseph kapakap kesilipak. Oh met Koht masanieng Joseph en pein medewe dahme eh pahn wia.

Souleng kan, 1:51

Martin Harris wie kolokol doarepwehn pwuhko. Joseph Smith ni kapio mesen insensued.

Joseph padakieng Martin me eh kak wahda doarepwehko kohla New York, apw eh kak kasalehiengete ekei kisehn eh peneinei. Oh eh pahn anahne kapwurehdo doarepwehko mwurin week riau. Martin pwungkihda oh mwesel iangahki doarepwehko.

Souleng kan, 1:51

Joseph Smith kelepwidi ni an nah seri mehlau sousouo.

Erein ansou me Martin sohte mie, Joseph oh Emma nanekihda seri men. Apw serio mehla oh Emma soumwahuda. Emma oh Joseph udahn insensuedla.

Souleng kan, 1:51–52

Joseph insensuedki Emma. Eh pil insensuedki Martin Week riauo daulihlahr, oh Martin saikinte pwuredo. Emma pil iang insensued.

Souleng kan, 1:52

Martin Harris wie mwomwohd ni tehpelo, koskosoieng Joseph Smith oh ah pahpa nohno.

Emma padahkieng Joseph en kohla New York oh rapahki Martin. Joseph tueng Martin imwen ah pahpa nohno. Ni ansou me Joseph idek rehn Martin ia doarepwehko, Martin udahn insensuedla. Eh kosoia me doarepwehko salongala. Eh rapahki wasa koros apw sohte kak diarada.

Souleng kan, 1:52–53

Joseph insensuedla oh masepwehkada. Eh ese me eh sapwung ni ah mweidehng Martin en wahda doarepwehko. Eh pwurala imwehu oh padahkieng Emma dahme wiawi. Tohnleng Moroni pwuredo oh wahsang kohl plate ko. Eh kosoia ma Joseph pahn karakarahkala oh koluhla, ah eh pahn pilehu ale kohl plate ko oh kawehwehdi.

Doctrine oh Covenants 3:5–11; 10:1–3; Souleng kan, 1:53–54

Joseph Smith kelepwidi limwahn ah pehto, oh pekipeki rehn Koht en ketin mahk ong.

Joseph kin wie medemedewe ah sapwungo erein week kei. Eh kapakap oh peki Sapwelimen Kauno mahk. Koht ketin mahkong ih. Eh masanieng Joseph me aramas me songosong en kauhdi Sapwelimen Koht doadoahk wet me pirapahsang doarepwehko. Apw sohte emen kak kauhdi Sapwelimen Koht doadoahk. Mie kosondi me Koht kosonehdier pwe Sapwelime doadoahk en kohkohweite mwowe.

Doctrine oh Covenants 3:1–10; Souleng kan, 1:54–55

Joseph oh Emma Smith wie kosokosoieng Martin Harris. Joseph wie itiitik pehn Martin Harrisko.

Moroni pwurehng kapwureieng Joseph plate ko. Koht masanieng Joseph oh Martin ma ira pahn karakarahkala oh kamehlele Ih, ira pahn wiewiahte Sapwelime doadoahk ni songen mwohmw tohto. Re kak sawas wapeseng Pwuhk en Mormon nan sampah. Pwuhk wet pahn sewese aramas wasa koros en koluhla oh kamehlele Sises Krais.

Doctrine oh Covenants 3:16–20; 5:21–35; Souleng kan, 1:56–57