Toko 9
Fonenana vaovao ao amin’ny tany nampanantenaina
Niava ny tany izy ireo ary namboly ireo masom-boly nentin’izy ireo.
Rehefa nandehadeha teo amin’ny tany vaovaony izy ireo dia nahita karazam-biby maro be. Nahita volamena, sy volafotsy ary varahana ihany koa izy ireo.
Notenenin’ Andriamanitra i Nefia mba hanao takela-by ka hanoratra eo amin’izany. Nanoratra momba ny fianakaviany sy ny dian’izy ireo i Nefia. Nanoratra ny tenin’ Andriamanitra ihany koa izy.
Niha-antitra i Lehia. Mialoha ny nahafatesany dia niresaka tamin’ireo zanakalahiny izy ary niteny azy ireo mba hankatò ny didin’ Andriamanitra. Nitsodrano ireo zafikeliny ihany koa izy.
Rehefa maty i Lehia dia tezitra tamin’i Nefia i Lamàna sy i Lemoela ary nitady ny hamono azy. Tsy tian’izy ireo hoe i Nefia izay zandriny lahy no hitarika azy ireo.
Nilazan’ny Tompo i Nefia mba hitarika ireo olo-marina hankany an-tany foana. Nandeha nandritra ny andro maro izy ireo ka nony farany dia nijanona tao amin’ny tany iray antsoin’izy ireo hoe Nefia.
Nankatò an’ Andriamanitra ireo olona nanaraka an’i Nefia. Niasa mafy izy ireo ary voatahy. Nampianarin’i Nefia ny olony mba hanamboatra trano vita amin’ny hazo sy amin’ny vy. Nanamboatra tempoly tsara tarehy izy ireo.
Nantsoina hoe Lamanita ireo mpanara-dia an’i Lamàna sy i Lemoela.
Tsy nankatò an’ Andriamanitra ny Lamanita ka nesorina teo anatrehany izy ireo. Tsy afaka niaraka tamin’izy ireo ny Fanahin’ny Tompo raha tsy nibebaka izy ireo.
Feno fitaka ny Lamanita ary matetika niady tamin’ny Nefita.