Toko 10
I Jakôba sy i Serema
Mialoha ny nahafatesan’i Nefia dia nomeny an’i Jakôba zandriny lahy ireo takelaka nosoratany. Olo-marina i Jakôba.
Nolazain’i Nefia i Jakôba mba hanoratra ireo zavatra izay hanampy ny olona hino an’i Jesoa Kristy.
Nomen’i Nefia hery i Jakôba mba ho mpisorona ao amin’ny Fiangonana sy hampianatra ny Nefita ny tenin’ Andriamanitra.
Rehefa maty i Nefia dia maro tamin’ireo Nefita no lasa ratsy. Nampianatra ny olona i Jakôba ary niteny azy ireo mba hibebaka amin’ny zavatra ratsy nataon’izy ireo.
Nisy lehilahy olon-dratsy izay nantsoina hoe Serama nandeha teo anivon’ny Nefita ka nampianatra azy ireo tsy hino an’i Jesoa Kristy.
Nambaran’i Serema tamin’ny olona fa tsy hisy Kristy izany. Maro ny olona nino an’i Serema.
Nampianatra ny olona i Jakôba mba hino an’i Kristy. Te hifanditra tamin’i Jakôba sy handresy lahatra azy i Serema fa tsy hisy Kristy izany.
Tsy azo nohozongozonina ny finoan’i Jakôba an’i Jesoa Kristy. Efa nahita anjely sy nahare ny feon’ny Tompo izy. Fantany fa ho avy i Jesoa.
Nomba an’i Jakôba ny Fanahy Masina rehefa nanambara ny fijoroany ho vavolombelona nanany momba an’i Jesoa Kristy tamin’i Serema izy.
Nangataka famantarana i Serema. Tiany i Jakôba mba hanaporofo taminy fa misy Andriamanitra. Nitady ny hahita fahagagana izy.
Tsy nety nangataka famantarana tamin’ Andriamanitra i Jakôba. Nambarany fa efa fantatr’i Serema hoe marina ny zavatra nampianarin’i Jakôba.
Nolazain’i Jakôba fa raha ataon’ Andriamanitra moana i Serema dia izay no ho famantarana ny herin’ Andriamanitra.
Nianjera teo no ho eo i Serema. Tsy afaka nitsangana nandritra ny andro maro izy.
Nalemy i Serema ary fantany fa ho faty izy. Nasainy nivory ny olona.
Nambarany azy ireo fa nandainga izy. Nolazainy fa tokony hino an’i Jesoa Kristy izy ireo.
Rehefa tapitra ny tenin’i Serema tamin’ny olona dia maty izy. Nahatsapa ny herin’ Andriamanitra ny olona ka nianjera tamin’ny tany.
Nanomboka nibebaka sy namaky soratra masina ny olona. Niaina tao anatin’ny fiadanana sy fifankatiavana izy ireo. Faly i Jakôba ary fantany fa namaly ny vavaka nataony Andriamanitra.