Toko 28

Ny Zôramita sy ny Rameomtôma

Ny Zôramita: manompo sampy

Mpikambana tao amin’ny Fiangonan’ Andriamanitra ny Zôramita taloha saingy lasa ratsy fanahy sy nanompo sampy.

Almà 31:1, 8–9

i Almà sy ny misiônera hafa

Tsy tian’ny Nefita ny Zôramita hikambana amin’ny Lamanita ka lasa i Almà niaraka tamin’ny misiônera sasantsasany hitory ny tenin’ Andriamanitra tamin’ny Zôramita.

Almà 31:4, 11

Ireo Misiônera sy ny Zôramita

Gaga sady tohina ireo misiônera nahita ny fomba fitsaohan’ireo Zôramita tao amin’ny fiangonan’izy ireo, izay nantsoina hoe synagôga.

Almà 31:12

lehilahy iray mitsangana eo ambony toerana itsanganana

Teo afovoan’ny synagôga dia nanangana toerana avo natao itsanganana nantsoina hoe Rameômtôma ny Zôramita. Tsy omby afa-tsy olona iray ihany no afaka mitsangana eo amboniny.

Almà 31:13, 21

lehilahy maninjitra ny tanany ho ambony

Nifandimby nitsangana teo ny Zôramita sady manondro lanitra no manao tsianjery vavaka iray ihany amin’ny feo mafy.

Almà 31:14, 20

lehilahy maninjitra ny tanany ho ambony

Tao anatin’io vavaka io ny Zôramita dia nilaza fa Andriamanitra dia tsy manana vatana; fanahy fotsiny izy. Nambaran’izy ireo ihany koa fa tsy hisy Kristy izany.

Almà 31:15–16

lehilahy iray mivavaka eo ambony toerana itsanganana

Nihevitra ny Zôramita fa izy ireo irery ihany no nofidian’ Andriamanitra mba hovonjena any amin’ny fanjakan’ny lanitra. Nanolo-tsaotra izy ireo noho ny maha-vahoaka voafidiny azy ireo.

Almà 31:17–18

Zôramita: mamindra

Isaky ny avy nivavaka ny Zôramita dia nandeha nody ary tsy mivavaka na miresaka momba an’ Andriamanitra indray mandritra ny herinandro manontolo.

Almà 31:12, 23

ny Zôramita sy ny fananan’izy ireo

Ireo Zôramita mpanan-karena dia tia volamena sy volafotsy, ary nisehoseho ny amin’ny zava-tsoa an’izao tontolo izao izy ireo. Nalahelo i Almà nahita ny faharatsian’izy ireo.

Almà 31:24–25

i Almà mivavaka

Nivavaka ho an’ny tenany sy ho an’ireo misiônerany izy mba hanana hery sy hahazo fiononana ary fahombiazana amin’ny asan’izy ireo.

Almà 31:26, 32–33

misiônera mivavaka

Rehefa avy nangataka fanampiana mba hitondrana ny Zôramita hiverina ho amin’ny fahamarinana i Almà sy ireo misiônera hafa dia nofenoina tamin’ny Fanahy Masina izy ireo.

Almà 31:34–36

misiôneramisakafo

Avy eo dia samy nandeha tamin’ny lalany avy ireo misiônera nitory ny filazantsara. Nomen’ Andriamanitra sakafo sy fitafy (akanjo) izy ireo ary nataony natanjaka tamin’ny asan’izy ireo.

Almà 31:37–38

misiônera mampianatra olona mahantra

Tsy navela niditra tao amin’ny synagôga ireo Zôramita nahantra. Nanomboka nihaino ny misiônera ireo olona ireo.

Almà 32:2–3

i Almà nitory teny

Maro no nanontany an’i Almà ny zavatra tokony hataony. Nolazain’i Almà azy ireo fa tsy mila hoe ao anatin’ny synagôga izy ireo vao afaka mivavaka sy mitsaoka an’ Andriamanitra.

Almà 32:5, 10–11

i Amioleka mampianatra vahoaka

Nasainy izy ireo mba hanam-pinoana an’ Andriamanitra. Avy eo i Amioleka dia nampianatra azy ireo momba an’i Jesoa Kristy sy momba ny drafitr’ Andriamanitra ho an’ireo zanany.

Almà 32:17–21; 34:8–9

mpino: mandao ny tanàna

Rehefa lasa ireo misiônera dia voaroaka niala ny tanàna ireo Zôramita izay nino azy ireo. Nandeha nipetraka tany amin’ny tanin’ny Jersôna miaraka amin’ny vahoakan’i Amôna ireo mpino.

Almà 35:1–2, 6

olona mijery ny hafa mandao

Na dia nandrahona ny vahoakan’i Amôna aza ireo Zôramita ratsy fanahy dia nampian’ny vahoakan’i Amôna ireo Zôramita marina ka nomeny sakafo sy akanjo ary tany.

Almà 35:8–9