Toko 2

mampitandrina ny vahoaka i Lehia

mpaminany mampianatra

Olona ratsy fanahy ny ankamaroan’ireo olona niaina tao Jerosalema 600 taona talohan’ny nahaterahan’i Kristy. Nandefa mpaminany Andriamanitra hilaza azy ireo mba hibebaka fa tsy nihaino izy ireo.

1 Nefia 1:4

i Lehia sy ny andri-afo

Mpaminany i Lehia. Nivavaka izy mba hibebaka ny olona. Raha teo am-pivavahana izy dia nisy andri-afo niseho. Nilaza sy nampiseho zavatra maro tamin’i Lehia Andriamanitra.

1 Nefia 1:5–6

i Lehia mahita fahitana

Niverina tany an-tranony i Lehia ary nahita fahitana. Nahita an’ Andriamanitra nohodidinin’ny anjely maro izy. Nihira sy nidera an’ Andriamanitra ireo anjely.

1 Nefia 1:7–8

Ny fahitan’i Lehia

Tao anatin’ny fahitany, i Lehia dia notolorana boky iray izay nilaza ny zavatra hitranga amin’ny ho avy. Namaky izy fa horavana i Jerosalema noho ny faharatsian’ny vahoaka.

1 Nefia 1:11–13

i Lehia miresaka amin’ny vahoaka

Nolazain’i Lehia ny vahoaka fa horavana i Jerosalema. Nanambara ny amin’ny fiavian’i Jesoa ihany koa izy. Tezitra ny vahoaka ary nitady ny hamono an’i Lehi kanefa niaro azy ny Tompo.

1 Nefia 1:18–20