Toko 16
Ny fandosiran’i Limia Mpanjaka sy ny vahoakany
Nataon’ny Nefita mpanjakany vaovao i Limia. Zanak’i Noà mpanjaka i Limia saingy tsy ratsy fanahy tahaka ny rainy izy. Lehilahy tsara izy.
Niezaka ny hamerina ny fihavanana tamin’ny Lamanita i Limia, saingy mbola nanohy niambina azy ihany sy mbola nasiaka taminy ihany izy ireo.
Indray andro dia nahita vahiny teo ivelan’ny tanàna i Limia Mpanjaka. Nampidiriny am-ponja izy ireo. Ireo vahiny ireo dia Nefita avy any Zarahemlà.
I Amôna no anaran’ny mpitarika azy ireo. Faly nahita azy i Limia Mpanjaka. Fantany fa afaka hanampy ny vahoakany handositra ny Lamanita i Amôna.
Nampivory ny vahoakany i Limia mpanjaka. Nampatsiaro azy ireo izy fa ny faharatsian’izy ireo no nahatonga azy ireo ho voatazon’ny Lamanita.
Niteny tamin’ny vahoakany izy mba hibebaka, hatoky an’ Andriamanitra ary hankato ny didy. Avy eo dia hanampy azy ireo handositra Andriamanitra.
Fantatry ny Nefita fa matetika ny Lamanita izay miambina ny tanàna no mamo amin’ny alina.
Iny alina iny, i Limia mpanjaka dia nandefa divay fanampiny mba ho fanomezana ho an’ny mpiambina.
Afaka nandalo ireo mpiambina mamo ka nandositra i Limia mpanjaka sy ny vahoakany.
Nitarika an’i Limia Mpanjaka sy ny vahoakany namakivaky ny tany foana nankany Zarahemlà i Amôna. Voaray an-tanan-droa izy ireo tao.