Toko 16

Ny fandosiran’i Limia Mpanjaka sy ny vahoakany

Lamanita manara-maso olona eny an-tsaha

Nosamborin’ny Lamanita ny maro tamin’ireo Nefita izay tsy nandositra niaraka tamin’i Noà mpanjaka. Nentin’ny Lamanita izy ireo ary nomeny tany saingy nampandoaviny hetra mavesatra.

Môzià 19:15

i Limia mpanjaka

Nataon’ny Nefita mpanjakany vaovao i Limia. Zanak’i Noà mpanjaka i Limia saingy tsy ratsy fanahy tahaka ny rainy izy. Lehilahy tsara izy.

Môzià 19:17, 26

Lamanita mikaravasy Nefita

Niezaka ny hamerina ny fihavanana tamin’ny Lamanita i Limia, saingy mbola nanohy niambina azy ihany sy mbola nasiaka taminy ihany izy ireo.

Môzià 19:27–28; 21:3

Nefita voasambotra

Indray andro dia nahita vahiny teo ivelan’ny tanàna i Limia Mpanjaka. Nampidiriny am-ponja izy ireo. Ireo vahiny ireo dia Nefita avy any Zarahemlà.

Môzià 21:23–24

i Amôna miresaka amin’i Limia

I Amôna no anaran’ny mpitarika azy ireo. Faly nahita azy i Limia Mpanjaka. Fantany fa afaka hanampy ny vahoakany handositra ny Lamanita i Amôna.

Môzià 7:13–15

i Limia Mpanjaka miresaka amin’ny vahoaka

Nampivory ny vahoakany i Limia mpanjaka. Nampatsiaro azy ireo izy fa ny faharatsian’izy ireo no nahatonga azy ireo ho voatazon’ny Lamanita.

Môzià 7:17, 20

i Limia miresaka

Niteny tamin’ny vahoakany izy mba hibebaka, hatoky an’ Andriamanitra ary hankato ny didy. Avy eo dia hanampy azy ireo handositra Andriamanitra.

Môzià 7:19, 33

Lamanita miresaka

Fantatry ny Nefita fa matetika ny Lamanita izay miambina ny tanàna no mamo amin’ny alina.

Môzià 22:6

Nefita mitondra divay ho an’ireo mpiambina

Iny alina iny, i Limia mpanjaka dia nandefa divay fanampiny mba ho fanomezana ho an’ny mpiambina.

Môzià 22:10

i Limia sy ny vahoakany mandositra

Afaka nandalo ireo mpiambina mamo ka nandositra i Limia mpanjaka sy ny vahoakany.

Môzià 22:11

vahoaka voaray an-tanan-droa tao Zarahemlà

Nitarika an’i Limia Mpanjaka sy ny vahoakany namakivaky ny tany foana nankany Zarahemlà i Amôna. Voaray an-tanan-droa izy ireo tao.

Môzià 22:13–14