Toko 15
Mampianatra sy manao batisa i Almà
Tafatsoaka tamin’ny mpanompon’i Noà mpanjaka i Almà ary niafina nandritra ny andro maro izy. Nandritra ny niafenany dia nosoratany izay nampianarin’ny mpaminany Abinadia.
Nibebaka tamin’ny fahotany i Almà ary nandeha ankiafinafina tany amin’ny Nefita, hampianatra azy ireo ny hafatr’i Abinadia. Niteny tamin’ny vahoaka mba hanana finoana an’i Jesoa Kristy sy hibebaka i Almà.
Nandritra ny andro dia niafina tao amin’ny kirihitr’ala iray ao akaikin’ny dobo antsoina hoe ny ranon’i Môrmôna i Almà.
Nandeha tany amin’ny ranon’i Môrmôna ary natao batisa ireo izay nino ny fampianaran’i Almà. Nanao batisa olona 204 ho ao amin’ny Fiangonan’i Kristy i Almà.
Nanendry mpisorona hampianatra ny vahoaka i Almà. Niteny tamin’ny mpisorona izy mba hampianatra ny fibebahana sy ny finoana an’i Jesoa Kristy. Niteny ihany koa izy fa tsy mahazo miady izy ireo fa tokony hiray hina.
Nifankatia sy nifanompo ny vahoakan’i Almà. Nizara izay rehetra nananany izy ireo ary feno fankasitrahana fa nianatra momba an’i Jesoa Kristy Mpanavotra azy ireo.
Hitan’ireo mpanompon’i Noà mpanjaka i i Almà nampianatra ny vahoaka. Nolazain’ny mpanjaka fa nambosyny Nefita hanohitra azy i Almà ka nandefa tafika iray izy hamono azy ireo.
Nampitandrina an’i Almà Andriamanitra fa efa tamy ny tafik’i Noà Mpanjaka. Nanangona ny ankohonany, ny biby fiompiny sy ny fananany hafa ny vahoaka ary nandositra tany an-tany foana.
Nampatanjahan’Andriamanitra ny vahoakan’i Almà mba hahafahanízy ireo mandositra amin’ny tafik’i Noa Mpanjaka. Nitady ny tafika fa tsy nety nahita azy ireo.
Rehefa nandeha tany an-tany foana nandritry ny valo andro ny vahoakan’i Almà dia tonga tamin’ny faritra nahafinaritra iray izay nisy rano madio nikoriana teo. Teo izy no nanao fambolena sy nanangana trano.
Tian’ny vahoaka atao ho mpanjakany i Almà, fa nolazain’i Almà fa tsy sitrapon’ Andriamanitra ny ananan’izy ireo mpanjaka. Tian’ Andriamanitra ho olona afaka izy ireo.