Toko 47

Mitsodrano ireo mpianany i Jesoa Kristy

i Jesoa miaraka amin’ireo mpianany

Indray andro raha niara-nifady hanina sy nivavaka ny mpianatra dia tonga teo amin’izy ireo i Jesoa Kristy.

3 Nefia 27:1–2

i Kristy miresaka amin’ireo mpianany

Nanontanian’ny mpianatra Azy izay tokony hatao anaran’ny Fiangonana. Nolazain’i Jesoa fa tokony hitondra ny anarany ilay izy satria Fiangonany.

3 Nefia 27:3, 7

i Jesoa miresaka amin’ireo mpianany

Nohazavain’i Jesoa tamin’ny mpianany fa naniraka Azy teto an-tany ny Ray any An-danitra mba hanolorany ny ainy ho an’ny olon-drehetra.

3 Nefia 27:14

i Kristy miresaka amin’ny mpianany

Nolazainy fa izay rehetra mibebaka ka atao batisa amin’ny anarany ary mankato ny didiny dia tsy hanana heloka eo anatrehan’ny Ray any An-danitra.

3 Nefia 27:16

i Kristy miresaka amin’ny mpianany

Nasain’ny Mpamonjy tireo mpianany hanao ny zavatra izay hitan’izy ireo nataony. Nanome ohatra ho azy ireo Izy.

3 Nefia 27:21

i Kristy miresaka momba ny soratra masina

Nasainy nosoratan’izy ireo ihany koa izay zavatra hitan’izy ireo sy henon’izy ireo mba hahafahan’ny hafa hahafantatra momba izany.

3 Nefia 27:23–25

i Kristy miaraka amin’ny mpianany

Nanontanian’i Jesoa an’ireo mpianany izay irian’izy ireo angatahina Aminy. Ny sivy tamin’izy ireo dia naniry hiaraka Aminy rehefa mifarana ny fiainany eto an-tany.

3 Nefia 28:1–2

i Jesoa miaraka amin’ireo mpianany

Nampanantena azy ireo i Jesoa fa rehefa tonga ny faha–72 taonan’izy ireo dia handeha ho any Aminy any an-danitra izy ireo.

3 Nefia 28:3

i Jesoa miaraka amin’ireo mpianatra anankitelo

Ny mpianatra telo hafa dia tsy sahy nangataka izay irian’izy ireo saingy fantatr’i Jesoa izany. Ny fanirian’izy ireo dia ny hijanona eto an-tany ka hampianatra ny filazantsara hatramin’ny hiverenan’i Jesoa indray.

3 Nefia 28:5–6, 9

ny Mpamonjy miaraka amin’ireo mpianany

Nampanantena azy ireo ny Mpamonjy fa tsy hahatsapa fanaintainana na halahelo izy ireo ary tsy ho faty. Hampianatra ny filazantsara hatramin’izay hiverenany izy ireo.

3 Nefia 28:7–9

Lasa i Jesoa

Nokasihan’i Jesoa tsirairay ny mpianany afa-tsy ireo telo izay hijanona eto an-tany. Avy eo dia lasa Izy.

3 Nefia 28:12

nalaina ho any an-danitra ireo mpianatra telo

Ny mpianatra telo dia nalaina tany an-danitra ka nahita sy nahare zavatra mahatalanjona maro. Afaka nahatakatra bebe kokoa ireo zavatr’ Andriamanitra izy ireo.

3 Nefia 28:13, 15

mpianatra telo

Novana ny vatan’izy ireo mba tsy ho faty intsony izy ireo.

3 Nefia 28:15

mpianatra manao batisa ny hafa

Niverina teto an-tany ny mpianatra telo ary nanomboka nampianatra sy nanao batisa izy ireo.

3 Nefia 28:16, 18

mpianatra telo ao anaty lavaka lalina

Nisy Nefita ratsy fanahy izay nampiditra ny mpianatra telo am-ponja sy tao anaty lavaka lalina saingy ny herin’ Andriamanitra no nanampy azy ireo handositra.

3 Nefia 28:19–20

mpianatra natosika ao anaty memy

Rehefa natosika tao anaty memy sy tao an-davaka misy biby izy ireo dia narovan’ny herin’ Andriamanitra ihany koa izy ireo.

3 Nefia 28:21–22

mpianatra mitory amin’ny vahoaka

Mbola nanohy nampianatra ny filazantsaran’i Jesoa Kristy tamin’ny Nefita ny mpianatra telo. Mbola manohy mitory ny filazantsarany izy ireo amin’izao fotoana izao.

3 Nefia 28:23, 27–29