Toko 47
Mitsodrano ireo mpianany i Jesoa Kristy
Nanontanian’ny mpianatra Azy izay tokony hatao anaran’ny Fiangonana. Nolazain’i Jesoa fa tokony hitondra ny anarany ilay izy satria Fiangonany.
Nohazavain’i Jesoa tamin’ny mpianany fa naniraka Azy teto an-tany ny Ray any An-danitra mba hanolorany ny ainy ho an’ny olon-drehetra.
Nolazainy fa izay rehetra mibebaka ka atao batisa amin’ny anarany ary mankato ny didiny dia tsy hanana heloka eo anatrehan’ny Ray any An-danitra.
Nasain’ny Mpamonjy tireo mpianany hanao ny zavatra izay hitan’izy ireo nataony. Nanome ohatra ho azy ireo Izy.
Nasainy nosoratan’izy ireo ihany koa izay zavatra hitan’izy ireo sy henon’izy ireo mba hahafahan’ny hafa hahafantatra momba izany.
Nanontanian’i Jesoa an’ireo mpianany izay irian’izy ireo angatahina Aminy. Ny sivy tamin’izy ireo dia naniry hiaraka Aminy rehefa mifarana ny fiainany eto an-tany.
Nampanantena azy ireo i Jesoa fa rehefa tonga ny faha–72 taonan’izy ireo dia handeha ho any Aminy any an-danitra izy ireo.
Ny mpianatra telo hafa dia tsy sahy nangataka izay irian’izy ireo saingy fantatr’i Jesoa izany. Ny fanirian’izy ireo dia ny hijanona eto an-tany ka hampianatra ny filazantsara hatramin’ny hiverenan’i Jesoa indray.
Nampanantena azy ireo ny Mpamonjy fa tsy hahatsapa fanaintainana na halahelo izy ireo ary tsy ho faty. Hampianatra ny filazantsara hatramin’izay hiverenany izy ireo.
Nokasihan’i Jesoa tsirairay ny mpianany afa-tsy ireo telo izay hijanona eto an-tany. Avy eo dia lasa Izy.
Ny mpianatra telo dia nalaina tany an-danitra ka nahita sy nahare zavatra mahatalanjona maro. Afaka nahatakatra bebe kokoa ireo zavatr’ Andriamanitra izy ireo.
Novana ny vatan’izy ireo mba tsy ho faty intsony izy ireo.
Niverina teto an-tany ny mpianatra telo ary nanomboka nampianatra sy nanao batisa izy ireo.
Nisy Nefita ratsy fanahy izay nampiditra ny mpianatra telo am-ponja sy tao anaty lavaka lalina saingy ny herin’ Andriamanitra no nanampy azy ireo handositra.
Rehefa natosika tao anaty memy sy tao an-davaka misy biby izy ireo dia narovan’ny herin’ Andriamanitra ihany koa izy ireo.
Mbola nanohy nampianatra ny filazantsaran’i Jesoa Kristy tamin’ny Nefita ny mpianatra telo. Mbola manohy mitory ny filazantsarany izy ireo amin’izao fotoana izao.