Kalapu Lau Tohi ʻa Molomoná
Kau mai ʻaki hono lau e Tohi ʻa Molomoná! Te ke lava ʻo lau ʻiate koe pē, fakataha mo ho fāmilí, pe mo ha kaungāmeʻa. ʻOmai ha laʻi tā hoʻo lau e Tohi ʻa Molomoná pea fakamatala mai ha meʻa kuó ke ako pe talanoa ʻokú ke manako taha ai ʻi he Tohi ʻa Molomoná. ʻOmi ia ʻi he liahona.lds.org (lomiʻi e “Submit an Article”).
Potufolofola ʻo e māhina ní: Mōsaia 2:17
“ʻO ka mou ka ʻi he tauhi ʻo homou kāingá, ʻoku mou ʻi he tauhi pē ʻo homou ʻOtuá.”
ʻOku ou saiʻia ʻi he Tohi ʻa Molomoná he ko e tohi moʻoni. Ko ha folofola ia mei he ʻOtuá, pea ʻoku ou tui ki ai.
Joel S. (toʻomataʻú), taʻu 8, Mahalasitulā, ʻInitia
ʻOku ou saiʻia iʻ he talanoa ʻo e mata meʻa-hā-mai ʻa Līhaí he ʻokú ne ʻai ke u fiefia. ʻOkú ne akoʻi au ke u fai e ngaahi fili totonú koeʻuhí keu lava ʻo aʻu ki he fuʻu ʻakau ʻo e moʻuí. Ko e fuʻu ʻakau ʻo e moʻuí ko ha fakataipe ia ʻo e moʻui mo e Tamai Hēvaní, Sīsū Kalaisi mo e kakai kotoa ʻoku ou ʻofa aí.
Sadie S,. taʻu 9, Lusaka, Semīpiá
Naʻá ku ʻosiki e tohi talanoa ʻo e Tohi ʻa Molomoná maʻá e fānaú kimuʻa peá u toki papitaisó. ʻI he fakaʻosi ʻo e tohí, ne kole mai ʻeku fineʻeikí ke u lotua ʻa e Tohi ʻa Molomoná. Naʻá ku ʻosi ongoʻi ʻe au ʻi he taimi naʻá ku lau aí, ko e ngaahi leá ʻoku moʻoni.
Sean I., taʻu 7, Somaseti, ʻIngilani
Naʻe fakatukupaaʻi ʻa e fānau Palaimeli ʻi he uooti ko ʻeni ʻi lle-de-France, ʻi Falanisē ke nau lau fakaʻaho e Tohi ʻa Molomoná. Naʻa nau maʻu ha tohi fakamoʻoni ʻi he aʻusia ʻenau taumuʻá!
ʻOku mau saiʻia ʻi he Tohi ʻa Molomoná koeʻuhí he ʻoku mau ako ai ki he ongoongoleleí pea tautautefito kia Sīsū Kalaisi. ʻOku mau fakafetaʻi ki he ʻOtuá ko e Tohi ʻa Molomoná koeʻuhi he ʻoku mau ʻilo ai ko Sīsū Kalaisi ʻa homau Fakamoʻuí, pea kuo tokoni lahi ia ki he moʻuí.
Allfie mo Anna B., taʻu 6 mo e 8, Mahalasitulā, ʻInitia
Ko e Tohi ʻa Molomoná ʻeku tohi manakó. ʻOku ou saiʻia ʻi he sīpinga ʻa Nīfaí. Ko ʻeku moʻungaʻi tangata ia ʻi he Tohi ʻa Molomoná. ʻOku mātuʻaki talangofua ki he ngaahi fekau ʻa e ʻOtuá. ʻOku ou fie hangē ko iá.
Jhetro F., taʻu 10, Iloilo, ʻOtu Filipainí