Ngaahi Lotu ʻi Mui ʻi he Siteisí
Ko e taha hoku ngaahi manakó ko e faiva faka-ʻAilisí. ʻOku ou feinga lahi ke ako ʻeku ngaahi haká ʻi ʻapi ke u lava ʻo mateuteu ke faiva. ʻOku ou tokanga ʻaupito ki hono akó, ka ko e taimi ʻoku ou ʻi mui ai ʻi he siteisí ʻo teuteu ke faivá, ʻoku ou faʻa ongoʻi tailiili ʻi he muiʻi siteisí. ʻI he feʻauhi kotoa pē, ʻoku ou kumi maʻu pē mo ʻeku faʻeé, ha feituʻu lōngonoa ke fai ai ha lotu. Ko e taimi ʻe niʻihi ko e tuʻa puipuí pe ʻi ha loki ʻi he tafaʻakí. ʻOku ou ʻilo ʻoku ʻikai mahuʻinga ia ki he Tamai Hēvaní pe ko fē ʻoku tau ʻi aí, ko e koloá ke tau tui kiate Ia.
ʻI heʻeku faiva fakaʻosí, naʻe ʻikai ke u ʻi ai mo ʻeku fineʻeikí ke fai ha lotu. Naʻe talitali ia ʻi he haʻofangá. Naʻá ku fuʻu tailiili ka naʻá ku pehē ʻe tatau ai pē pe ʻe ʻi ai mo au pe ʻikai. Naʻá ku mavahe leva mei hoku ngaahi kaungāmeʻá ʻo fai ha lotu. Naʻá ku kole ha maluʻi ʻi heʻeku faivá pea ke u lava ʻo fai hoku lelei tahá. Naʻá ku faiva lelei ʻaupito ʻi he ʻaho ko iá, pea ʻoku ou manatuʻi ʻa e ongoʻi nonga naʻá ku maʻu ʻi heʻeku hū atu ki he funga siteisí.
Te tau lava ʻo falala maʻu pē ki he Tamai Hēvaní Tatau ai pē pe ko fē ʻa e feituʻú mo e taimí, ʻokú Ne fanongo maʻu pē.