Ko e Fakalakalaka ʻo Hangē ko ha Faiako Anga Faka-Kalaisí: Ko ha Vakaiʻi Fakaekita
Fakakaukau ki he ngaahi tefitoʻi moʻoni ʻo e akoʻi leleí ʻi laló. ʻI he ngaahi ʻēlia ʻokú ke ongoʻi te ke lava ʻo tupulaki aí, fakaʻaongaʻi ʻa e feituʻu ʻoku fakaʻatā atú ke tohi e meʻa ʻokú ke ongoʻi ʻoku ueʻi koe ke ke fakahokó.
|
1. ʻOku ou ʻalu ki he ngaahi fakataha alēlea ʻa e kau faiakó mo ha loto-fakatōkilalo ke ako mo kau atu (vakai, T&F 112:10). | |
|
2. ʻOku ou faʻa lekooti e ngaahi ueʻi ʻa e Laumālié ke tokoni kiate au ko ha tokotaha ako mo ha faiako (vakai, T&F 76:28). | |
|
3. ʻOku kamata hono teuteu ʻeku lēsoní ʻi ha uike ʻe taha ki muʻa (vakai, T&F 88:118–119). | |
|
4. ʻOku napangapangamālie hoku taimi fakahinohinó mo e taimi fealēleaʻakí (vakai, T&F 88:122). | |
|
5. ʻOku ou kolea fakamātoato e Laumālié kae lava ke u hoko ko ha meʻangāue ʻi he ongo toʻukupu ʻo e ʻOtuá (vakai, T&F 42:14). | |
|
6. ʻOku ou fakaʻaongaʻi ha taimi ke u fakalaulauloto ai ki he konga folofolá kimuʻa peá u lau e lēsoní pe naunau makehé kae lava ke u fakatupulaki e fakahā te u ala maʻú (vakai, T&F 42:61). | |
|
7. ʻOku ou tokoni ki he kau mēmipa ʻo ʻeku kalasí, tautautefito ki he toʻu tupú, ke ʻikai ngata pē ʻi heʻenau ako e ongoongoleleí ka nau hoko foki ko ha kau faiako lelei koeʻuhí ke nau hoko ko ha kau faifekau, kau taki, kau faiako mo ha ngaahi mātuʻa lelei ange (vakai, T&F 88:77). | |
|
8. ʻOku ou lotua e hingoa ʻo kinautolu ʻi heʻeku kalasí (vakai, Luke 22:32). | |
|
9. ʻOku ou fetuʻutaki kiate kinautolu ʻi heʻeku kalasí ʻoku ʻikai omí? (vakai, Luke 15:1–7). | |
|
10. Ko e hā ʻoku faingataʻa lahi taha kiate au ʻi heʻeku hoko ko ha faiako anga faka-Kalaisi angé pea ko e hā te u lava ʻo fai ke u ikunaʻi ʻaki e faingataʻa ko iá? |