Ko e Fakapapau mo e Fuakava ʻo e Lakanga Fakataulaʻeikí
“ʻOku fuakava e taha maʻu Lakanga Taulaʻeiki Faka-Melekisētekí, ke fakahoko e ngaahi fatongia fekauʻaki mo e Lakanga Taulaʻeiki Faka-ʻĒloné pea mo fakatupulaki hono uiuiʻi ʻi he Lakanga Taulaʻeiki Faka-Melekisētekí. …
“ʻI he tafaʻaki ʻe tahá, ʻoku talaʻofa mai leva ʻa e ʻOtuá ʻe maʻu ʻe he tokotaha maʻu Lakanga Taulaʻeiki Faka-Melekisētekí, ʻa e ngaahi kī ke mahino kiate ia e ngaahi meʻalilo ʻa e ʻOtuá. Te ne hoko ʻo haohaoa ke ne lava ʻo tuʻu ʻi he ʻao ʻo e ʻOtuá. Te ne lava ʻo fakahoko hono tufakanga ʻi he ngāue ʻo e fakamoʻuí. ʻE teuteu ʻe Sīsū Kalaisi ha hala ʻi he ʻao ʻo e taha maʻu lakanga fakataulaʻeikí pea te Ne ʻi ai mo ia. ʻE nofoʻia e loto ʻo e lakanga fakataulaʻeikí ʻe he Laumālie Māʻoniʻoní, pea ʻe hapai ia ʻe he kau ʻāngeló. ʻE fakamālohia mo fakafoʻou hono sinó. Te ne hoko ko e ʻea-hoko ki he ngaahi tāpuaki ʻo ʻĒpalahamé pea hoko fakataha mo hono uaifí, ko e kaungā-ʻea-hoko mo Sīsū Kalaisi ki he puleʻanga ʻo e Tamai Hēvaní. Ko ha ngaahi ʻtalaʻofa [ʻeni] ʻoku lahi ʻaupito mo mahuʻinga.’ [2 Pita 1:4]. ʻOku ʻikai ha ngaahi talaʻofa maʻongoʻonga ange ai ʻe lava ke makupusi.”