Fakaulo Hoʻo Māmá
Ko Hono Vahevahe ʻo ha Ngaahi Meʻaʻofa
Olá! Ko hoku hingoá ko ʻĀlisi, pea ʻoku ou feinga ke FAKAULO ʻEKU MĀMÁ ʻaki hono FAKAHAAʻI ʻEKU LOTO HOUNGAʻIÁ!
1. Ko e Tā e Ngaahi Himí
ʻOku ou nofo mo ʻeku ongomātuʻá, tokouá mo e tuongaʻané ʻi Palāsila. ʻOku ou tā mo hoku tokoua ko Sūliá ʻa e pianó ʻi he houalotu sākalamēnití ʻi homau uōtí.
2. Ko ha Meʻaʻofa Taʻeʻamanekina
Naʻe ʻomi ʻe ha tangata ko Misa Sitalake ha meʻaʻofa kiate kimaua ʻi ha Sāpate ʻe taha. Naʻá ne talamai ko ha meʻaʻofa fakamālō ia kiate kimaua ʻi he ngaahi hiva ʻokú ma tā ʻi he Sāpaté. ʻI heʻema fakaava e puhá, naʻe ʻi loto ha kiʻi meʻaifi mimiha (flute) makehe! Naʻá ku hokohoko fakataha e meʻaifí peá u kamata ifi ia. Naʻe toʻoa au ʻi hono ongó.
3. Foaki Fakafokí
Naʻe ʻikai fuoloa kuó u ifi ha ngaahi himi ʻi he meʻaifí. Naʻá ku loto ke fai ha meʻa ke fakamālōʻia ʻa Misa Sitalake ʻi heʻene meʻaʻofá. Ko ia naʻá ku akoako e foʻi himi “Naʻe Lahi Fau ʻa e ʻOfá” (Ngaahi Himí, fika 105). Naʻá ku kole ki heʻeku tangataʻeikí ke ʻave au ki he ʻapi ʻo Misa Sitalaké ke u fakahaaʻi ange kuo tokoniʻi au ʻe heʻene meʻaʻofá ke u maʻu ha talēniti foʻou.
4. Ko ha Misi Makehe
Naʻe fiefia ʻaupito mo māfana ʻa Misa Sitalake ʻi heʻeku ifi kae fanongó. Naʻá ne talamai naʻe mohe ʻo misi fekauʻaki mo e foʻi himi ko iá ʻi he pō kimuʻá! Naʻá ku ongoʻi e ʻofa ʻa e ʻOtuá kiate kimauá.
Ngaahi Ongo Fakafiefiá
ʻI heʻetau fakahaaʻi ʻetau ongoʻi houngaʻiá, ʻoku faitāpuekina ʻaki kitautolu ʻe he ʻEikí ha ngaahi ongo fakafiefia mei he Laumālie Māʻoniʻoní.