Ngaahi Talanoa Mei he Folofolá
ʻĀtama mo ʻIvi
Naʻe fakatupu ʻe he Tamai Hēvaní mo Sīsū ʻa e māmaní. Naʻá Na ngaohi ʻa e fonuá, tahí, laʻaá mo e ngaahi fetuʻú. Naʻá na fakatupu ʻa e ʻakaú mo e fanga monumanú. Naʻe maau leva e māmaní ki he fānau ʻa e Tamai Hēvaní. Ko hai te Ne ʻuluaki ʻomi ke nofo ʻi he māmaní?
ʻĀtama mo ʻIvi!
Naʻe tuku kinaua ʻe he Tamai Hēvaní ki he Ngoue ko ʻĪtení. Naʻe tupu ʻa e ngoue kotoa pē naʻá na fie maʻú ʻi he ngoué. Naʻe ʻikai fie maʻu ia ke na ngāue. Naʻe ʻikai ke na puke.
Naʻe folofola ʻa e Tamaí kia ʻĀtama mo ʻIvi kapau te na kai ʻi he fua ʻo ha fuʻu ʻakau pau, ʻe pau leva ke na mavahe mei ʻĪteni. Naʻe ʻahiʻahiʻi ʻe Sētane ʻa ʻIvi ke ne kai e fuaʻi ʻakaú, pea naʻá ne kai. Ne fai pehē mo ʻĀtama.
Naʻe kau ʻena fili ke mavahe mei ʻĪtení he palani ʻa e Tamai Hēvaní.
Hili ʻena mavahe mei ʻĪtení, naʻe feinga ʻa ʻĀtama mo ʻIvi ke na lotu, fakatomala mo tui kia Sīsū Kalaisi. Naʻá na hoko ko ha ongomātuʻa peá na akoʻi e ongoongoleleí ki heʻena fānaú. Naʻe faingataʻa ange e mavahe mei ʻĪtení, ka naʻe lahi ha ngaahi meʻa foʻou naʻá na ako. Naʻá na fiefia.
ʻOku ou hangē au ko ʻĀtama mo ʻIví. Naʻá ku fili ke u haʻu ki he māmaní ke u ako, tupulaki pea hoko ʻo hangē ko ʻeku Ongomātuʻa Fakalangí.