Ko ʻEtau Pēsí
ʻOku ou muimui ʻia Sīsū ʻi he taimi ʻoku ou fakahaaʻi ai ʻeku ʻofa ʻi hoku ngaahi kaungāmeʻa ʻi he akó mo fakaʻapaʻapaʻi kinautolú.
Vianca V., taʻu 7, Kolomupia
ʻI he taimi kotoa pē ʻoku ou ʻaʻahi ai mo hoku fāmilí ki he temipalé, ʻoku ou ongoʻi mālohi e Laumālié, ʻo hangē ʻoku kau fakataha ʻa e Fakamoʻuí mo kimautolú. ʻOku ou manako ʻi he ʻalu ki he temipalé.
Alana L., taʻu 8, Brazil
ʻOku tau ʻilo ʻe lava ke tokoniʻi kitautolu ʻe he Tohi ʻa Molomoná ʻi heʻetau ngaahi palopalemá, ʻo hangē ko e lotú. ʻOku manako hoku tehiná ke lotu.
Benjamín M., taʻu 3, mo Joaquín M., taʻu 8, Chile
Naʻá ku ongoʻi e Laumālié ʻi hono papitaiso aú. Naʻá ne ʻai au ke u fie fili ʻa e totonú. Naʻá ku fiefia ʻi he taimi naʻá ku fakahoko ai e meʻa naʻe akoʻi ʻe Sīsuú. ʻI heʻeku ʻalu ki he temipalé mo hoku tuofefiné, fineʻeikí mo ʻeku tangataʻeikí, naʻe silaʻi kimautolu pea naʻá ku fiefia. Te mau hoko ko ha fāmili taʻengata kapau te mau fai e meʻa ʻoku totonú.
Manuel R., taʻu 9, ʻEla Salavatoa