Մեր ժամանակների ուսմունքները

Չորրորդ կիրակի օրվա Մելքիսեդեկյան Քահանայության և Սփոփող Միության դասերը պետք է նվիրվեն «Մեր ժամանակների ուսմունքներին»: Յուրաքանչյուր դաս կարելի է պատրաստել վերջին գերագույն համաժողովի մեկ կամ մի քանի ելույթներից: Ցցերի և շրջանների նախագահները կարող են ընտրել, թե որ ելույթները պետք է օգտագործվեն, կամ նրանք կարող են հանձնարարել այդ պատասխանատվությունը եպիսկոպոսներին և ճյուղերի նախագահներին: Ղեկավարները Մելքիսեդեկյան Քահանայության եղբայրներին և Սփոփող Միության քույրերին պետք է շեշտեն միևնույն ելույթները նույն կիրակի օրերին ուսումնասիրելու կարևորությունը:

Նրանց, ովքեր հաճախում են չորրորդ կիրակի օրվա դասերին, խրախուսում ենք ուսումնասիրել և իրենց հետ դասարան բերել վերջին գերագույն համաժողովի ամսագիրը:

Առաջարկություններ ելույթներից դաս պատրաստելու համար

Աղոթեք, որպեսզի Սուրբ Հոգին լինի ձեզ հետ, երբ ուսումնասիրում և ուսուցանում եք ելույթը(ները): Դուք հնարավոր է դասը պատրաստելիս գայթակղվեք օգտագործելու այլ նյութեր ևս, սակայն համաժողովի ելույթները հաստատված են ծրագրով: Ձեր առաջադրանքն է օգնել ուրիշներին սովորել և ապրել ավետարանով, ինչպես ուսուցանվում է Եկեղեցու վերջին գերագույն համաժողովում:

Վերանայեք ելույթները, գտնելու համար այն սկզբունքներն ու վարդապետությունները, որոնք համապատասխանում են դասարանի անդամների կարիքներին: Ինչպես նաև ելույթներից գտեք պատմություններ, սուրբ գրությունների հղումներ և սահմանումներ, որոնք կօգնեն ձեզ ուսուցանել այդ ճշմարտությունները:

Ծրագիր կազմեք, թե ինչպես կարող եք ուսուցանել սկզբունքներն ու վարդապետությունները: Ձեր ծրագիրը պետք է ընդգրկի հարցեր, որոնք կօգնեն դասարանի անդամներին`

• Ելույթներից գտնել սկզբունքներ և վարդապետություններ:

• Խորհել դրանց իմաստի մասին:

• Կիսվել իրենց հասկացողությամբ, մտքերով, փորձառությամբ և վկայություններով:

• Կիրառել այդ սկզբունքներն ու վարդապետություններն իրենց կյանքում:

Ամիսներ	Չորրորդ կիրակի օրվա դասերի նյութեր
մայիս 2007—հոկտեմբեր 2007	2007թ. մայիսի Լիահոնայում* տպագրված ելույթներ
նոյեմբեր 2007–ապրիլ 2008	2007թ. նոյեմբերի Լիահոնայում* տպագրված ելույթներ

*Այս ելույթները մատչելի են ինտերնետի www.lds.org հասցեով (տարբեր լեզուներով):