Երեց Էնրիկե Ռ. Ֆալաբելա
Յոթանասունական

Երեց Էնրիկե Ռիենզի Ֆալաբելա Արելանոն հավատում է, որ ոչինչ ավելի թանկ չէ, որքան անձնական վկայությունը Հիսուս Քրիստոսի մասին, և թե ինչպես է Քավությունը ազդում մարդու կյանքի վրա:

Երեց Ֆալաբելան վաղ հասկացավ, որ վկայություն ձեռք բերելը սկսվում է ճշմարտությունն իմանալու ցանկությունից և դրանով ապրելու պատրաստակամությունից:

Ծնված լինելով Յուդայն և Լեոնոր Ֆալաբելաներից 1950 թվականի մայիսի 9-ին, Երեց Ֆալաբելան 12 տարեկան էր, երբ միսիոներները թակեցին նրա ընտանիքի դուռը Գվատեմալա քաղաքում, որտեղ ծնվել և մեծացել է նա: Լինելով չորս երեխաներից ավագը, որոնց մայրը մահացել էր մի քանի տարի առաջ, Երեց Ֆալաբելան հասկացավ, որ միսիոներների մեջ ինչ-որ յուրահատուկ մի բան կա: Նա նկատեց, որ դա այն սերն է, որը նրանք ցույց են տալիս և այն զորությունը, որով նրանք սովորեցնում են:

«Ես ցանկանում էի իմանալ այն, ինչ նրանք էին իմանում»,- վերհիշում է նա:

«Շատ շուտով ես սովորեցի գնահատել Փրկչի խոսքերը. «Եթե մեկը կամենում է նրա կամքն անել, նա կիմանա այս վարդապետության համար, թե արդյոք Աստվածանի՞ց է, կամ եթե ես իմ անձիցն եմ խոսում» (Հովհ Է.17): Եթե մենք ապրենք ավետարանի սկզբունքներով, Հոգին կազդի մեր սրտերի վրա, և մենք կիմանանք, որ դրանք իսկապես ճշմարիտ են»:

Կենտրոնական Ամերիկայի Միսիայում ծառայելուց հետո, 1975 թվականի հունիսի 21-ին նա և իր կինը` Բլանկա Լիդիա Սանչեսը կնքվեցին Մեսա Արիզոնա Տաճարում: Երեց Ֆալաբելան գիտական աստիճան ստացավ գյուղատնտեսության բնագավառում Սան Կարլոսի անվան համալսարանում, Գվատեմալա և հետագայում մարկետինգ սովորեց Կոստա Ռիկայի համալսարանում: Նա աշխատում էր քիմիական և դեղագործական ընկերությունում, նախքան Եկեղեցում լիաժամկետ ծառայության անցնելը:

Երբ նրանց հինգ երեխաները մեծացան, Երեց Ֆալաբելան ծառայեց որպես ցցի միսիայի նախագահ, եպիսկոպոս, տարածքային ներկայացուցիչ, ցցի նախագահ և Տարածքային Յոթանասունական, երկու տարի ծառայելով որպես Կենտրոնական Ամերիկայի Տարածքի Նախագահ: Նա Գվատեմալա քաղաքի Միսիոներների Պատրաստման Կենտրոնում ծառայում էր որպես ճյուղի նախագահ, երբ կանչվեց Յոթանասունի Առաջին Քվորում: