Մերի Ն. Քուք
Երիտասարդ Կանանց Գերագույն Նախագահության Երկրորդ Խորհրդական
Տիրոջն ապավինիր քո բոլոր սրտովը» (Առակաց Գ.5) առաջնորդող ճշմարտություն է Երիտասարդ Կանանց բարձրագույն նախագահության երկրորդ խորհրդական Մերի Նելսոն Քուքի համար:
Ծնված լինելով Միդվեյլում, Յուտա, 1951 թվականի հունիսի 8-ին, Քույր Քուքը սովորեց վստահել Տիրոջը իր ծնողների` Քենեթ Ն. և Ֆերն Ս. Նելսոնների օրինակով: Նրա հայրը տարավ ծանր առողջական խնդիրներ, որն առաջացել էր հանքահորում տեղի ունեցած վթարից, երբ Քույր Քուքը մանկիկ էր: Որոշ ժամանակ, նրա մայրը ընտանիքի միակ ապահովողն էր: Դա փորձության ժամանակներ էին:
Իր երիտասարդ տարիներին նա երազում էր ամուսնության և մայրության մասին, բայց միայնակ էր շատ տարիների ընթացքում: «Երբեմն ես հարցնում էի, թե իմ երազանքները կիրականանա՞ն երբևէ»,- ասում է Քույր Քուքը: «Բայց ես փորձում էի հավատք ունենալ և կենտրոնանալ այն օրհնությունների վրա, որ ես արդեն ունեի»:
Այդ ընթացքում նա ստացավ բակալավրի և մագիստրոսի գիտական աստիճանները խոսքի և լսողության ախտաբանության բնագավառում և Կրթության մասնագետի աստիճան Բրիգամ Յանգի համալսարանում: Նա աշխատեց որպես հատուկ կարիքներ ունեցող երեխաների կրթության ուսուցիչ, իսկ հետագայում դպրոցի կառավարիչ:
1988թ. հուլիսի 16-ին նա ամուսնացավ Ռիչարդ Ի. Քուքի հետ, որը հետագայում ծառայեց որպես Յոթանասունի Երկրորդ Քվորումի անդամ Սոլթ Լեյքի Տաճարում: Այդ ժամանակ ասում է Քույր Քուքը ես «ժառանգեցի չորս հրաշալի երեխա և դարձա ութ թոռների տատիկ», քանի որ Երեց Քուքի առաջին կինը մահացել էր 1984 թվականին: Նրանք այժմ ունեն 17 թոռ:
Երբ Երեց և Քույր Քուքերը ծառայում էին որպես լիաժամկետ միսիոներներ Մոնղոլիայում, նրա ամուսինը կանչվեց նախագահելու Մոնղոլիայի նորաստեղծ միսիայում: Հետագայում նա ուղեկցեց նրան Հոն Կոնգում, որտեղ նա ծառայեց Ասիայի Տարածքային Նախագահությունում: Նա նաև ծառայել է որպես ծխի Սփոփող Միության նախագահ և Երիտասարդ Կանանց բարձրագույն խորհրդում:
Քույր Քուքը երախտապարտ է իր փորձառությունների համար և վկայում է, որ «ինչպիսի փորձություններ էլ մեզ բաժին ընկնեն, եթե մենք ապավինում ենք Տիրոջը, Նա կուղղի մեր ճանապարհները»: