Հավաքեք ի պահուստ
Մենք կոչ ենք անում քահանյություն կրողներին բավականաչափ պահեստավորել, որպեսզի դուք և ձեր ընտանիքը կարողանան դիմանալ կյանքի անսպասելի փոփոխություններին:
Իմ սիրելի եղբայրնե՛ր, որքան օրհնված ենք մենք Առաջին Նախագահության և Տասներկու Առաքյալների հետ միասին լինելու այս հավաքում: Յուրաքանչյուր ներկա քահանյություն կրող` լինի նա 12, թե 112 տարեկան, մեր Փրկիչ Հիսուս Քրիստոսի շնորհիվ կարող է ժառանգել կյանքի սելեստիալ կարգը. «հնազանդվելով օրենքներին և Ավետարանի արարողություններին»:1 Սքանչելի է խորհել և իմանալ, որ սա ճշմարտություն է: Դուք պատասխանատու եք ձեր կյանքի համար:
Ունենալով ապագայի այս ծրագրերը մեր առջևում, հաշվի առեք հետևյալ պատմությունը: Փառասիրությամբ և էներգիայով լի մի երիտասարդ ընդունվեց հիանալի մի համալսարան: Այդ ժամանակ նա Ահարոնյան Քահանայության քահանա էր: Նրա նպատակակետը բարձր էր` նա ցանկանում էր բժիշկ դառնալ: Նրա նպատակը փառասիրական էր` նա ուզում էր հարուստ լինել:
Նա ուզում էր ֆուտբոլ խաղալ, այսպիսով նա գտավ մարզիչներ և ընդունվեց թիմ: Այժմ նա կարող էր ճանաչված լինել և պարծենալ իրավունքներով, որոնք եզակի են համալսարանական սպորտի աշխարհում:
Նրա գլխում այդպիսի ծրագրեր կային:
Բայց նա այնքան էլ ուշադրություն չէր դարձրել մի բան, որն ի վերջո դիմակազերծեց նրա բարձրամիտ և սին փառասիրությունը, նրան չէր հաջողվել հավաքել ի պահուստ: Նա աչքից բաց էր թողել համապատասխան նախապատրաստվածություն ունենալու կարևորությունը, կանոնավոր հաճախումների և կարգապահորեն պարապելու պահանջները և քոլեջի քիմիայի դասընթացը: Հետևանքը սրընթաց էր և անգութ: Դա տևեց 90 օրից ոչ ավել: Տեղի ունեցավ հետևյալը.
Այն օրը, երբ նա իր 1.85սմ հասակով և 77 կգ քաշ ունեցող մարմնով կանգնեց համալսարանի լավագույն խաղացողներից կազմված թիմի շարքում գտնվող իր հսկա հակառակորդի դիմաց, նա հասկացավ, որ սխալ տեղում էր գտնվում:
Անսովոր լինելով խիստապահանջ պարապմունքերին, նրա աչքերն ու միտքը հրաժարվում էին գործել կարճատև պարապմունքներից հետո:
Պարտության գագաթնակետը քիմիայի վերջնական քննությունն էր: Բավական է ասել, որ հարցերի համար առաջարկված մի քանի պատասխաններից ճիշտը ընտրելիս նրա հատուկենտ պատասխանները նույնիսկ մոտիկ չէին միջին միավորին: Նրա ձախողումը սոսկալի էր:
Ծանր աշխատանքը, միսիան, որն արթնացրեց նրա մեջ կյանքի նպատակների ճիշտ պատկերացում, չթուլացող նախապատրաստությունն ի վերջո հաղթահարեց այս կարճ ժամանակահատվածի հիմարության հետևանքը: Այնուամենայնիվ, նույնիսկ, այժմ ես դեռ գիշերային մղձավանջներ եմ ունենում քիմիայի այդ դասընթացի վերաբերյալ:
Բարեբախտաբար Տերը ցույց է տվել մեզ ինչպես խուսափել նման հիմարությունից: Նա ասել է.
«Ականջ դրեք, ով դուք, իմ եկեղեցու ժողովուրդ … Ականջ դրեք, դուք ժողովուրդներ հեռվի և դուք, որ կղզիներում եք ծովի, լսեցեք միասին …
Պատրաստվեք, պատրաստվեք այն բանի համար, որը պետք է գա, քանզի Տերը մոտ է»:2
Մեսիայի Երկրորդ Գալստի վարդապետությունը պատրաստվելու և ճիշտ ապրելու համար հանդիսանում է մեծ խթաններից մեկը: Երկնային Հայրը գիտի, որ խոստացված պարգևները խրախուսում են Նրա զավակներին կատարել արդարության գործեր և խոստացված պատիժները ստեղծում են չարիք անելու սարսափ: Այսպիսին են Տիրոջ Երկրորդ Գալստի հետ կապված հայտնությունները:3
Այս հայտնությունները խոսում են նշանների և հրաշքների մասին երկրի վրա և երկնքում: Դրանք ցույց են տալիս դժվարին ժամանակներ և մոտեցող իրադարձություններ , որոնք մեծ են մասշտաբներով և տևողությամբ:
«Տերը զորություն պիտի ունենա իր սրբերի վրա և պիտի թագավորի նրանց մեջ»:4
«Իմ նախախնամության միջոցով, չնայած նեղություններին, որոնք կիջնեն ձեր վրա, … եկեղեցին [կ]կարողանա կանգնել անկախ սելեստիալ աշխարհի տակ գտնվող բոլոր արարածներից բարձր»:5
Եվ, «եթե պատրաստ լինեք, դուք չեք վախենա»:6
Քահանայություն կրողներն առաջնորդվում են այս խոստումներով իրենց և իրենց ընտանիքներին նախապատրաստելու Տիրոջ հայտնվելուն:7 Կարիք չկա նեղվելու այն իրադարձությունների համար, որոնք տանում են դեպի Երկրորդ Գալուստ: Փոխարենը եկեք լցվենք երախտագիտությամբ գալիք բաների մասին մեր իմացության համար: Եկեք շնորհակալ լինենք, որ մենք պատասխանատու ենք մեր սեփական կյանքի համար, լինելով Տիրոջ գործակալները այն բաների վրա, որոնք Նա է մեզ վստահել:8 Հաջողության բանաձևը պարզ է. Եղեք հավատարիմ: Թեթևացրեք ձեր կյանքը: Հավաքեք ի պահուստ:
Եղեք հավատարիմ: Որպես քահանայություն կրողներ մենք մշակում ենք նուրբ մոտեցում և բարի խոսք: Մենք մարդիկ ենք, ովքեր աղոթում են, ովքեր սուրբ են պահում կիրակի օրը և ովքեր գիտեն Աստծո խոսքը: Մենք տասանորդ ենք վճարում, ծոմ ենք պահում և առատ ծոմի զոհաբերություն ենք վճարում: Մենք պահում ենք մեր ուխտերը և նվիրում մեր կյանքը Աստծո արքայության կառուցմանը:
Եվ, եղբայրնե՛ր, մենք հավաքում ենք ի պահուստ: Անելով այս բաները. «Տերը զորություն պիտի ունենա իր սրբերի վրա, և պիտի թագավորի [մեր] մեջ»:9
Թեթևացրեք ձեր կյանքը: Որպես Աստծո մարդիկ մենք շրջվում ենք անժուժկալությունից դեպի այն, ինչը շենացնում է, քանզի «այն, ինչ չի շենացնում, Աստծուց չէ»:10 Եթե գործարքները կամ բարդությունները, զբաղմունքները կամ ծրագրերը խանգարում են Աստծուն առաջինը դնելուց, մենք պետք է կտրվենք այդ ամենից և թեթևացնենք մեր կյանքը:11 Եթե մենք պարտքեր ունենք, մենք պետք է վճարենք դրանք և ապրենք հնարավորին չափ առանց պարտքի:
Եվ, եղբայրենե՛ր, մենք պետք է հավաքենք ի պահուստ: Այդ ժամանակ «[Տիրոջ] նախախնամության միջոցով, չնայած նեղություններին … եկեղեցին [և նրա ժողովուրդը] կկանգնեն անկախ»:12
Հավաքեք ի պահուստ: Կանայք գործունյա են այս աշխատանքում, բայց նրանք ամուսինների կարիքն ունեն, ովքեր ղեկավարում են ընտանիքի պատրաստությունները: Երեխաները ծնողների կարիքն ունեն, ովքեր նրանց մեջ ներդնում են այս արդար ավանդույթը: Նրանք այդ դեպքում կանեն նույն բանը իրենց երեխաների հետ, և նրանց պահուստները չեն սպառվի:
Նեղ օրվա համար պատրաստվելն ավետարանի հինական սկզբունքներից է: Աշխատանքը, ջանասիրությունը, խնայողությունը առաջնակարգ կյանքի մասն են կազմում: Հիշենք Պողոսի այս խոսքերը. «Բայց եթե մեկը իրանների և մանավանդ ընտանիքի համար խնամք չտանի, նա հավատքիցն ուրացած է և անհավատից էլ չար է»:13
Մեր առջև նստած են այն երեք նախագահող քահանայապետերը, ովքեր կազմում են Եկեղեցու Առաջին Նախագահությունը:
Նախագահ Ջեյմս Է. Ֆաուստից` Երկրորդ Խորհրդականից, մենք լսում ենք. «Յուրաքանչյուր հայր և մայր ընտանիքի պահեստապետներն են: Նրանք պետք է պահեստավորեն, ինչ որ իրենց ընտանիքը կարիք կունենա ծայրահեղ իրավիճակում … [և] Աստված կաջակցի մեզ մեր փորձությունների մեջ»:14
Նախագահ Թոմաս Ս. Մոնսոնից` Առաջին Խորհրդականից, մենք լսում ենք. «Ավելի շատ մարդիկ կկարողանան իրենց տնտեսական կյանքի հողմակոծ ալիքներից անվնաս դուրս գալ, եթե նրանք ունենան մեկ տարվա իրենց սննդամթերքի պաշարը … և պարտքեր չունենան: Այսօր մենք տեսնում ենք, որ շատերը հետևել են այս խորհրդին հակառակ կողմից. Նրանք առնվազն մեկ տարվա պարտքի պաշար են հավաքել և առանց ուտելիքի են»:15
Նախագահ Գորդոն Բ. Հինքլիից` Տիրոջ մարգարեից, մենք լսում ենք.
«Ամենալավ վայրը, ուր կարելի է որոշ քանակությամբ սննդամթերք մի կողմ դնել, մեր տներն են …
Մենք կարող ենք սկսել շատ համեստորեն: Մենք կարող ենք սկսել մեկ շաբաթվա սննդամթերքի պաշարից և աստիճանաբար դարձնել այն մեկ ամսվա, իսկ հետո երեք ամսվա: … Վախենում եմ, որ շատերը երկար ժամանակի համար սննդամթերքի պաշար հավաքելն այնքան հեռու են համարում իրենց հնարավորություններից, որ ընդհանրապես ոչ մի ջանք չեն գործադրում:
Սկսեք քչից: … և աստիճանաբար ավելացրեք դնելով խելամիտ նպատակ»:16
Ոգեշնչված նախապատրաստությունը ընկած է Հիսուս Քրիստոսի հավատքի հիմքի, հնազանդության և կանխամտածված ապրելակերպի վրա: Անդամները չպետք է ծայրահեղության մեջ ընկնեն, բայց նրանք պետք է սկսեն:
Մենք կոչ ենք անում քահանյություն կրողներին բավականաչափ պահեստավորել, որպեսզի ձեր ընտանիքը և դուք կարողանաք դիմանալ կյանքի անսպասելի փոփոխություններին: Խնդրում ենք հոգ տարեք, որ նրանք, ովքեր ձեր խնամքին են հանձնված ստանան այս երկու գրքույկները, որոնց վերնագիրն է All Is Safely Gathered In: Խրախուսեք նրանց այժմ պատրաստվել գալիք դժվարին օրերին:
Քահանայության առաջնորդները Սփոփող Միությանը պետք է ներգրավեն` խթանելու ընտանեկան պատրաստվածությունն ու տնարարությունը: Եկեղեցու կանայք ձեր աջակցության կարիքն ունեն և կարձագանքեն ձեր առաջնորդությանը:
Հորդորեք մեր անդամներին կանոնավորապես տան պահեստում մի քանի առողջարար, հիմնական սննդանթերքի տեսակներ և որոշ քանակությամբ մաքուր խմելու ջուր պահեստավորել: Նրանք պետք է որոշ քանակությամբ փող խնայեն, նույնիսկ ամեն շաբաթ մի քանի մետաղադրամ: Այս համեստ մոտեցումը շուտով նրանց հնարավորություն կտա մի քանի ամսվա պաշար ունենալ: Ժամանակի ընթացքում նրանք կմեծացնեն այս համեստ ջանքերը ավելի երկարատև պահուստի վերածելով այն` ավելացնելով այնպիսի առաջին անհրաժեշտության մթերքներ, ինչպիսիք են` ձավարեղեն, լոբազգիներ և հիմնական սննդամթերքի այլ տեսակներ, որոնք կպահպանեն նրանց կյանքն այն դեպքում, երբ նրանք ուտելու որևէ այլ բան չեն ունենա:17
Երբ մեր ուժերի սահմանում անենք լավագույնը, մենք կարող ենք վստահ լինել, որ «սափորումը ալյուրը պիտի չվերջանա և կուժիցը յուղը չպակասի»:18 Մենք կունենանք ավելի մեծ իմաստություն, ապահովություն, մտքի խաղաղություն և անձնական բարօրություն: Մենք պատրաստված կլինենք, և քանի որ մենք պատրաստ կլինենք, չենք «վախենա»:19
Ավարտելով ես կկամենայի ներկայացնել ձեզ Լուկա և Պատրիցիա Վակարոնո ընտանիքին: Նրանք ապրում են Իտալիայում, Հռոմի մոտ գտնվող մի փոքրիկ քաղաքում: Վերջին նամակներից մեկում նրանք գրել էին.
«Որոշ փորձառություններից հետո, մենք որոշեցինք, որ կարևոր է պահեստավորել այն ապրանքները, որոնք մենք օգտագործում ենք: Երբեմն մենք պետք է վերափոխենք որոշ տեսակի սննդամթերքներ ուտելու մեր սովորույթները… .
Խաղաղության զգացումը և ժամանակակից մարգարեի միջոցով Տիրոջ պատվիրանին հավատարիմ մնալու ցանկությունն օգնում է մեզ զգալ Սուրբ Հոգին … չվախենալ և տեսնել, որ Տիրոջ երկրորդ գալստյան ժամանակի նշաններն օրհնություն են և ոչ թե վախենալու ինչ որ բան: Մենք ցնծում ենք դրանով … Դա մեզ հավատարիմ մնալու և մինչև վերջ համբերելու, և փրկվելու ու հավերժական կյանք ձեռք բերելու ուժ է տալիս»:20
Որպես եզրափակող միտք Եղբայր Վակարոնոն գրում է. «Ներողություն եմ խնդրում իմ անգլերենի համար, հուսով եմ դուք հասկանում եք, թե ինչ էի փորձում բացատրել ձեզ»: Եղբայր և Քույր Վակարոնո, մենք հասկանում ենք, քանի որ սուրբ գրքում գրված է. «Տիրոջն ապավինիր քո բոլոր սրտովը, և քո հասկացողությանը մի վստահիր: Քո բոլոր ճանապարհներումը ճանաչիր նրան, և նա կուղղի քո ճանապարհները»:21 Հիսուս Քրիստոսի անունով, ամեն: