“Inona no ao an-tsainao?” Namana, Jan. 2024, 42.
Inona no ao an-tsainao?
Rehefa mametraka tanjona aho dia tsy tsaroako intsony izy ireny. Ahoana no hanatratrarako ireo tanjoko?
—Reaching avy any Reykjavík
Ry Reaching malala,
Aza manahy: Raha resaka fametrahana sy fanadinoana tanjona dia tsy irery ianao. Zavatra manahiran-tsaina ny olona maro izany. Mahay mametraka tanjona daholo isika rehetra. Raha ny marina, ny fanatratrarana ireo tanjona ireo no ampahany tena sarotra. Ireto misy hevitra mety hanampy!
Amim-pitiavana,
Ny Namana
-
Ataovy ngeza ny nofinofy fa atombohy amin’ny kely. Tsara ny mametraka fanamby ho an’ny tenanao. Saingy tsarovy fa manan-kery koa ireo tanjona kelikely. “Amin’ny alalan’ny zava-madinika sy tsotra no anatanterahana ny zavatra lehibe” (Almà 37:6).
-
Farito mazava tsara izany. “Hanampy ao an-trano aho.” Tanjona tsara izany saingy somary tsy mazava. “Hanampy ao an-trano aho amin’ny fampirimako ny entako isan’andro.” Tanjona tsara be izany. Voafaritra tsara izany. Drafitra izany.
-
Zarao ny tanjonao. Resaho amin’ny ray aman-dreny, na mpampianatra na namana ny tanjonao. Angataho izy ireo hanohana anao. Indraindray ny hany tosika ilainao dia olona iray mijery sy mankahery anao.
-
Manaova fampahatsiahivana. Raha toa ka tianao ho tadidy ireo tanjonao dia soraty izy ireny. Soraty eny amin’ny toerana izay tazanao isan’andro ireo tanjonao. Lokoy sy ataovy miavaka izany!
-
Manàna finoana. “Mila manana finoana an’ Andriamanitra isika,” hoy ny Filoha M. Russell Ballard. “Mila manana finoana ny Tompo Jesoa Kristy. Ary ô, tena tokony hanana finoana ny tenantsika isika.”* Vitanao izany! Hanampy anao Andriamanitra!
Sary nataon’i Shawna J. C. Tenney