მორმონის წიგნი ასწავლის, რომ „ყველა ერთია ღმერთისთვის.“ „შავი თუ თეთრი, მონა თუ თავისუფალი, მამრი თუ მდედრი“ (2 ნეფი 26:33). ეკლესიის ისტორიის განმავლობაში ყოველი რასისა და ეროვნების ადამიანები მრავალ ქვეყანაში მოინათლნენ და ეწეოდნენ ეკლესიის ერთგული წევრების ცხოვრებას. ჯოზეფ სმითის ცხოვრების ჟამს ეკლესიის რამდენიმე წევრი, შავკანიანი მამაკაცი, მღვდლობაზე იქნა ხელდასხმული. ეკლესიის ისტორიის ადრეულ ჟამს, ეკლესიის წინამძღვრებმა შეაჩერეს წარმოშობით აფრიკელი შავკანიანი მამაკაცების მღვდლობაზე ხელდასხმა. ამ ჩვეულების შეჩერების შესახებ საეკლესიო ჩანაწერებში არ არის მოცემული რაიმე ნათელი განმარტება. ეკლესიის წინამძღვრებს სწამდათ, რომ საჭირო იყო ღვთისგან გამოცხადება, რათა ეს ჩვეულება შეცვლილიყო და ლოცვებით აღსავსენი ეძებდნენ რჩევას. გამოცხადება მოევლინა ეკლესიის პრეზიდენტს, სპენსერ ვ. ქიმბალს, და დადასტურებულ იქნა ეკლესიის სხვა წინამძღვართათვის სოლთ-ლეიქის ტაძარში 1978 წ. 1 ივნისს. გამოცხადებამ მოხსნა ყოველი შეზღუდვა რასების მიმართ, რომელიც ოდესღაც მღვდლობასთან იყო დაკავშირებული.