Mosias

Balaan ng mga Kasulatan

Libro ni Mormon

Mga Kaundan
Introduksyon kag mga Saksi
1 Nefi
2 Nefi
Jacob
Enos
Jarom
Omni
Mga Pulong ni Mormon
Mosias
Alma
Helaman
3 Nefi
4 Nefi
Mormon
Eter
Moroni
Giya nga Talamdan sa Libro ni Mormon

Mosias

Kapitulo 1
Gintudloan ni Haring Benjamin ang iya mga anak nga lalaki sang lengguahe kag mga propesiya sang ila mga amay—Ang ila relihiyon kag sibilisasyon naamligan tungod sang mga kasulatan nga natipigan sa lain-lain nga mga lamina—Si Mosias ginpili nga hari kag gintugyanan sa pagtipig sang mga kasulatan kag iban pa nga mga butang. Mga 130–124 B.C.
Kapitulo 2
Si haring Benjamin nagpamulongpulong sa iya katawhan—Ginsaysay niya ang pagkapatas, pagkamakatarongan, kag pagkaespirituhanon sang iya paghari—Ginlaygayan niya sila sa pag-alagad sa ila Hari nga Langitnon—Inang mga nagarebelde batok sa Dios magaantos sang kasakit pareho sang di-mapalong nga kalayo. Mga 124 B.C.
Kapitulo 3
Si Haring Benjamin nagpadayon sang iya pamulongpulong—Ang Ginuo nga Makagagahum magaalagad sa tunga sang mga tawo sa isa ka lawas nga dutan-on—Ang dugo magagwa halin sa tagsa ka buho-buho sang panit samtang nagabayad-sala Sia para sa mga kasal-anan sang kalibutan—Ang iya ngalan amo lamang ang ngalan nga paagi sa sini ang kaluwasan magaabot—Mahimo nga ihal-id sang mga tawo ang kinaandan nga pagkatawo kag mangin mga Santos paagi sa Pagbayad-Sala—Ang pagpaantos sang mga malain mangin pareho sang linaw nga kalayo kag asupre. Mga 124 B.C.
Kapitulo 4
Si Haring Benjamin nagpadayon sang iya pamulongpulong—Ang kaluwasan nagaabot tungod sang Pagbayad-Sala—Magpati sa Dios agud maluwas—Hupti ang kapatawaran sang inyo mga sala paagi sa katampad—Magpaambit sang inyo manggad sa mga imol—Himoa ang tanan nga butang sa kaalam kag kahusay. Mga 124 B.C.
Kapitulo 5
Ang mga Santos mangin mga anak nga lalaki kag mga anak nga babayi ni Cristo paagi sa pagtuo—Ginatawag sila sa ngalan ni Cristo—Ginlaygayan sila ni Haring Benjamin nga mangin malig-on kag mabakod sa maayo nga mga buluhaton. Mga 124 B.C.
Kapitulo 6
Ginsulat ni Haring Benjamin ang mga ngalan sang katawhan kag nagpili sang mga pari nga magtudlo sa ila—Si Mosias naggahum bilang isa ka matarong nga hari. Mga 124–121 B.C.
Kapitulo 7
Nasalapoan ni Amon ang duta sang Lehi-Nefi, sa diin si Limhi ang hari—Ang katawhan ni Limhi yara sa pagkaulipon sa mga Lamanhon—Ginsaysay ni Limhi ang ila kasaysayan—Isa ka propeta (si Abinadi) ang nagsaksi nga si Cristo amo ang Dios kag Amay sang tanan nga butang—Inang mga nagasab-og sang kahigkoan nagaani sang buhawi, kag inang mga nagabutang sang ila pagsalig sa Ginuo pagaluwason. Mga 121 B.C.
Kapitulo 8
Gintudloan ni Amon ang katawhan ni Limhi—Nabalitaan niya ang parte sa beynte-kwatro ka mga lamina sang mga Jarednon—Ang dumaan nga mga kasulatan mahimo nga malubad sang mga manugpanan-aw—Wala sing mas dako pa nga dulot sangsa pagkamanugpanan-aw. Mga 121 B.C.
Kapitulo 9
Ginpangunahan ni Zenif ang isa ka grupo halin sa Zarahemla agud panag-iyahan ang duta sang Lehi-Nefi—Ang hari sang mga Lamanhon nagtugot sa ila nga panublion ang duta—May giyera sa tunga sang mga Lamanhon kag katawhan ni Zenif. Mga 200–187 B.C.
Kapitulo 10
Napatay si haring Laman—Ang iya katawhan mga mabangis kag mapintas kag nagapati sa sayop nga mga tradisyon—Si Zenif kag ang iya katawhan nagdaug batok sa ila. Mga 187–160 B.C.
Kapitulo 11
Si haring Noe naggahum sa kalainan—Nangalipay sia sa patuyang nga pagpangabuhi upod ang iya mga asawa kag mga oloasawa—Si Abinadi nagpropesiya nga ang katawhan pagadal-on sa pagkaulipon—Ang iya kabuhi gintinguhaan nga kuhaon ni Haring Noe. Mga 160–150 B.C.
Kapitulo 12
Si Abinadi ginbilanggo tungod sang pagpropesiya sang kalaglagan sang katawhan kag sang kamatayon ni Haring Noe—Ang butig nga mga pari nagsambit sang balaan nga mga kasulatan kag nagpakunokuno nga nagatuman sang layi ni Moises—Si Abinadi nagsugod sa pagtudlo sa ila sang Napulo ka Sugo. Mga 148 B.C.
Kapitulo 13
Si Abinadi gin-amligan sang diosnon nga gahum—Nagpanudlo sia sang Napulo ka Sugo—Ang kaluwasan wala nagaabot paagi sa layi ni Moises lamang—Ang Dios mismo ang magahimo sing pagbayad-sala kag magatubos sang Iya katawhan. Mga 148 B.C.
Kapitulo 14
Si Isaias naghambal parte sa Mesias—Ang pagpakahuya kag mga pag-antos sang Mesias ginpahamtang—Ginhimo Niya ang Iya kalag nga isa ka halad para sa sala kag naghimo sang pagpanabang para sa mga makasasala—Ikomparar ang Isaias 53. Mga 148 B.C.
Kapitulo 15
Paano si Cristo nangin pareho nga Amay kag Anak—Magapanabang Sia kag magapas-an sang mga kalapasan sang Iya katawhan—Sila kag ang tanan nga balaan nga propeta Iya mga kaliwatan—Ginpahanabo Niya ang Pagkabanhaw—Ang magagmay nga kabataan may kabuhi nga wala’y katapusan. Mga 148 B.C.
Kapitulo 16
Ang Dios nagatubos sang mga tawo halin sa ila nagtalang kag nalaglag nga kahimtangan—Inang mga dutan-on nagapabilin nga daw wala sing pagtubos—Si Cristo nagapahanabo sang pagkabanhaw padulong sa nagapadayon nga kabuhi ukon sa nagapadayon nga silot. Mga 148 B.C.
Kapitulo 17
Si Alma nagpati kag ginsulat ang mga pulong ni Abinadi—Si Abinadi nag-antos sang kamatayon paagi sa kalayo—Nagpropesiya sia sang balatian kag kamatayon paagi sa kalayo sa mga magapatay sa iya. Mga 148 B.C.
Kapitulo 18
Si Alma nagwali sing sekreto—Ginpahamtang niya ang kasugtanan sa bunyag kag nagpangbunyag sa mga tubig sang Mormon—Gintukod niya ang Simbahan ni Cristo kag nag-ordin sang mga pari—Ginsuporta nila ang ila mga kaugalingon kag gintudloan ang katawhan—Si Alma kag ang iya katawhan nagpalagyo kay Haring Noe padulong sa kamingawan. Mga 147–145 B.C.
Kapitulo 19
Si Gideon nagtinguha sa pagpatay kay Haring Noe—Ginsalakay sang mga Lamanhon ang duta—Si Haring Noe nag-antos sang kamatayon paagi sa kalayo—Si Limhi nagdumala bilang isa ka hari nga nagabayad sang buwis. Mga 145–121 B.C.
Kapitulo 20
Pila sang mga anak nga babayi sang mga Lamanhon pilit nga ginkuha sang mga pari ni Noe—Ang mga Lamanhon nakig-away kay Limhi kag sa iya katawhan—Ang mga kasoldadohan nga Lamanhon napaisol kag napakalma. Mga 145–123 B.C.
Kapitulo 21
Ang katawhan ni Limhi ginsakit kag ginpierde sang mga Lamanhon—Nasugat-an sang katawhan ni Limhi si Amon kag nahaylo—Ginsugiran nila si Amon sang beynte-kwatro ka lamina sang mga Jarednon. Mga 122–121 B.C.
Kapitulo 22
Ginhimo ang mga plano agud makapalagyo ang katawhan halin sa pagkaulipon sa mga Lamanhon—Ginhubog ang mga Lamanhon—Nalagyo ang katawhan, nagbalik sa Zarahemla, kag napaidalom kay Haring Mosias. Mga 121–120 B.C.
Kapitulo 23
Si Alma nagbalibad nga mangin hari—Nag-alagad sia bilang mataas nga pari—Ginpinahan sang Ginuo ang Iya katawhan, kag ginsakop sang mga Lamanhon ang duta sang Helam—Si Amulon, lider sang malain nga mga pari ni Haring Noe, nagdumala sa idalom sang hari nga Lamanhon. Mga 145–121 B.C.
Kapitulo 24
Ginhingabot ni Amulon si Alma kag ang iya katawhan—Pamatyon sila kon magpangamuyo sila—Ginhimo sang Ginuo nga daw magmag-an ang ila mga palas-anon—Ginhilway niya sila halin sa pagkaulipon, kag nagbalik sila sa Zarahemla. Mga 145–120 B.C.
Kapitulo 25
Ang mga kaliwat ni Mulek sa Zarahemla nangin mga Nefinhon—Natun-an nila ang parte sa katawhan ni Alma kag ni Zenif—Ginbunyagan ni Alma si Limhi kag ang tanan niya nga katawhan—Gin-awtorisar ni Mosias si Alma nga magpahamtang sang Simbahan sang Dios. Mga 120 B.C.
Kapitulo 26
Madamo nga miyembro sang Simbahan ang nadala sa paghimo sang sala sang mga indi tumuluo—Si Alma ginpromisahan sang kabuhi nga wala’y katapusan—Yadtong mga naghinulsol kag nabunyagan nakaangkon sang kapatawaran—Ang mga miyembro sang Simbahan nga nakasala nga naghinulsol kag nagkumpisar kay Alma kag sa Ginuo pagapatawaron; kon indi, indi sila pag-isipon sa katawhan sang Simbahan. Mga 120–100 B.C.
Kapitulo 27
Gindumilian ni Mosias ang paghingabot kag nagpatuman sang pagkapalareho—Si Alma nga lamharon kag ang apat ka anak nga lalaki ni Mosias nagtinguha sa pagguba sang Simbahan—Isa ka anghel ang nagpakita kag ginsugo sila nga untaton ang ila malain nga kahimoan—Si Alma nag-apa—Ang tanan nga tawo kinahanglan nga mabun-ag liwat agud makabaton sang kaluwasan—Si Alma kag ang mga anak nga lalaki ni Mosias nagpahayag sang maayong balita. Mga 100–92 B.C.
Kapitulo 28
Ang mga anak nga lalaki ni Mosias naglakat agud magwali sa mga Lamanhon—Ginlubad ni Mosias ang mga lamina nga Jarednon gamit ang duha ka bato sang manugpanan-aw. Mga 92 B.C.
Kapitulo 29
Si Mosias nagtanyag nga mga hukom ang pilion bilang bulos sa isa ka hari—Ginadala sang di-matarong nga mga hari ang ila katawhan sa sala—Si Alma nga lamharon ginpili nga puno nga hukom paagi sa tingug sang katawhan—Sia man ang mataas nga pari sang Simbahan—Si Alma nga tigulang kag si Mosias napatay. Mga 92–91 B.C.