1 Nefi

Balaan ng mga Kasulatan

Libro ni Mormon

Mga Kaundan
Introduksyon kag mga Saksi
1 Nefi
2 Nefi
Jacob
Enos
Jarom
Omni
Mga Pulong ni Mormon
Mosias
Alma
Helaman
3 Nefi
4 Nefi
Mormon
Eter
Moroni
Giya nga Talamdan sa Libro ni Mormon

1 Nefi

Kapitulo 1
Ginsugdan ni Nefi ang kasulatan sang iya katawhan—Si Lehi nakakita sa panan-awon sang isa ka haligi nga kalayo kag nagbasa halin sa isa ka libro sang propesiya—Gindayaw niya ang Dios, gintagna ang pagkari sang Mesias, kag ginpropesiya ang pagkalaglag sang Jerusalem—Ginhingabot sia sang mga Judio. Mga 600 B.C.
Kapitulo 2
Gindala ni Lehi ang iya panimalay sa kamingawan malapit sa Pula nga Dagat—Ginbayaan nila ang ila mga pagkabutang—Si Lehi naghatag sing isa ka halad sa Ginuo kag nagtudlo sa iya mga anak sa pagtuman sang mga kasugoan—Sanday Laman kag Lemuel nagkulomuron batok sa ila amay—Si Nefi matinumanon kag nagpangamuyo sing may pagtuo; ang Ginuo nagpakighambal sa iya, kag pinili sia sa pagdumala sa iya mga kauturan. Mga 600 B.C.
Kapitulo 3
Ang mga anak nga lalaki ni Lehi nagbalik sa Jerusalem agud kuhaon ang mga lamina nga saway—Si Laban nagdumili sa paghatag sang mga lamina sa ila—Si Nefi naglaygay kag nagpaisog sa iya mga utod—Ginkawat ni Laban ang ila pagkabutang kag nagtinguha sa pagpatay sa ila—Ginhanot nanday Laman kag Lemuel sanday Nefi kag Sam kag ginsaway sila sang isa ka anghel. Mga 600–592 B.C.
Kapitulo 4
Ginpatay ni Nefi si Laban sa sugo sang Ginuo kag dayon ginkuha ang mga lamina nga saway paagi sa pagpatalang—Pinili ni Zoram ang mag-upod sa panimalay ni Lehi sa kamingawan. Mga 600–592 B.C.
Kapitulo 5
Si Saria nagreklamo batok kay Lehi—Nalipay sila nga duha sa pagbalik sang ila mga anak nga lalaki—Naghatag sila sing mga halad—Ang mga lamina nga saway nagaunod sang mga sinulatan ni Moises kag sang mga propeta—Ang mga lamina nagkilala kay Lehi nga isa sa kaliwat ni Jose—Si Lehi nagpropesiya parte sa iya kaliwatan kag sang pag-amlig sa mga lamina. Mga 600–592 B.C.
Kapitulo 6
Si Nefi nagsulat parte sa mga butang sang Dios—Ang katuyoan ni Nefi amo ang kumbinsihon ang mga tawo nga magkari sa Dios ni Abraham kag maluwas. Mga 600–592 B.C.
Kapitulo 7
Ang mga anak nga lalaki ni Lehi nagbalik sa Jerusalem kag ginhagad si Ismael kag ang iya panimalay sa pag-upod sa ila pagpanglakaton—Si Laman kag iban pa nagrebelde—Si Nefi naglaygay sa iya mga kauturan nga magtuo sa Ginuo—Ila sia gingapos sang mga lubid kag nagplano sang iya kamatayon—Nahilway sia paagi sa gahum sang pagtuo—Ang iya mga kauturan nangayo sing patawad—Si Lehi kag ang iya mga kaupdanan naghatag sang halad kag mga halad-nga-sinunog. Mga 600–592 B.C.
Kapitulo 8
Nakakita si Lehi sing isa ka panan-awon sang kahoy sang kabuhi—Nagkaon sia sang bunga sini kag naghandum nga ang iya panimalay magahimo sang amo man—Nakakita sia sing isa ka barandilya nga salsalon, isa ka mapiot kag makitid nga banas, kag sang panganod sang kadudulman nga nagalikop sa mga tawo—Sanday Saria, Nefi, kag Sam nagkaon sang bunga, apang sanday Laman kag Lemuel nagbalibad. Mga 600–592 B.C.
Kapitulo 9
Si Nefi naghimo sang duha ka klase sang kasulatan—Ang kada isa gintawag nga mga lamina ni Nefi—Ang dalagko nga mga lamina nagaunod sing isa ka sekular nga kasaysayan; ang magagmay naman nagatalakay ilabi na sa sagrado nga mga butang. Mga 600–592 B.C.
Kapitulo 10
Ginpropesiya ni Lehi nga ang mga Judio pagabihagon sang mga taga-Babilonia—Nagsugid sia parte sa pagkari sa tunga sang mga Judio sing isa ka Mesias, isa ka Manluluwas, isa ka Manunubos—Si Lehi nagsugid man parte sang pag-abot sing isa nga magabunyag sa Kordero sang Dios—Si Lehi nagsugid parte sang kamatayon kag pagkabanhaw sang Mesias—Ginpaanggid niya ang paglalapta kag pagtipon sang Israel sa isa ka kahoy nga olivo—Si Nefi naghambal parte sa Anak sang Dios, parte sang dulot sang Balaan nga Espiritu, kag sang pagkakinahanglanon sang pagkamatarong. Mga 600–592 B.C.
Kapitulo 11
Nakita ni Nefi ang Espiritu sang Ginuo kag ginpakitaan sang panan-awon sang kahoy sang kabuhi—Nakita niya ang iloy sang Anak sang Dios kag nahibaloan ang pagpakaubos sang Dios—Nakita niya ang pagbunyag, pag-alagad, kag paglansang sa krus sang Kordero sang Dios—Nakita man niya ang pagkatawag kag pag-alagad sang Dose ka Apostoles sang Kordero. Mga 600–592 B.C.
Kapitulo 12
Nakita ni Nefi sa panan-awon ang duta sang panaad; ang pagkamatarong, kalainan, kag kalaglagan sang mga pumuluyo sini; ang pagkari sang Kordero sang Dios sa tunga nila; kon paano ang Dose ka Disipulo kag ang Dose ka Apostoles magahukom sa Israel; kag ang makangilil-ad kag mahigko nga kahimtangan sang mga magausmod sa pagkawala’y pagtuo. Mga 600–592 B.C.
Kapitulo 13
Nakita ni Nefi sa panan-awon ang simbahan sang yawa nga ginpahamtang sa tunga sang mga Gentil, ang pagkatukib kag pagsakop sa Amerika, ang pagkadula sang madamo nga maathag kag importante nga mga bahin sang Biblia, ang kahimtangan sang apostasya sang mga gentil, ang pagpanumbalik sang ebanghelyo, ang paggwa sang balaan nga kasulatan sa ulihing mga adlaw, kag ang pagpahamtang sang Sion. Mga 600–592 B.C.
Kapitulo 14
Ang anghel nagsugid kay Nefi sang mga bugay kag mga sumpa nga magatupa sa mga Gentil—May duha lamang ka simbahan: ang Simbahan sang Kordero sang Dios kag ang simbahan sang yawa—Ang mga Santos sang Dios sa tanan nga nasyon ginahingabot sang dako kag makangilil-ad nga simbahan—Ang Apostoles nga si Juan magasulat parte sang katapusan sang kalibutan. Mga 600–592 B.C.
Kapitulo 15
Ang kaliwatan ni Nefi magabaton sang ebanghelyo halin sa mga Gentil sa ulihing mga adlaw—Ang pagtipon sang Israel ginapaanggid sa isa ka kahoy nga olivo nga ang kinaugali nga mga sanga igasugpon liwat—Ginpatpat ni Nefi ang panan-awon parte sa kahoy sang kabuhi kag naghambal parte sang hustisya sang Dios sa pagpain sang mga malain sa mga matarong. Mga 600–592 B.C.
Kapitulo 16
Ang mga malain ginabudlayan sa pagbaton sang kamatuoran—Ang mga anak nga lalaki ni Lehi nagpangasawa sang mga anak nga babayi ni Ismael—Ang Liahona naggiya sang ila alagyan sa kamingawan—Ang mga mensahe halin sa Ginuo nasulat sa Liahona kon san-o nga nagakaigo—Napatay si Ismael; ang iya panimalay nagkulomuron tungod sang mga pag-antos. Mga 600–592 B.C.
Kapitulo 17
Si Nefi ginsugo sa pagpasad sing isa ka sakayan-dagat—Ang iya mga kauturan nagpamatok sa iya—Ginlaygayan niya sila paagi sa pagsugid sang kasaysayan sang mga pagpakigbagay sang Dios sa Israel—Si Nefi napuno sang gahum sang Dios—Ang iya mga kauturan gindumilian sa pagtandog sa iya, kay basi malaya sila pareho sang laya nga kugon. Mga 592–591 B.C.
Kapitulo 18
Ang sakayan-dagat nahuman—Ang pagkabun-ag nanday Jacob kag Jose nasambit—Ang grupo nagsakay padulong sa duta nga ginpanaad—Ang mga anak nga lalaki ni Ismael kag ang ila mga asawa nagbuylog sa pagkinasadya kag pagrebelde—Si Nefi gingapos, kag ang sakayan-dagat ginpalid pabalik sing isa ka mabaskog nga unos—Si Nefi ginbuy-an, kag tungod sang iya pangamuyo nag-untat ang unos—Nag-abot ang katawhan sa duta nga ginpanaad. Mga 591–589 B.C.
Kapitulo 19
Si Nefi naghimo sang mga lamina halin sa milinahon kag ginsulat ang kasaysayan sang iya katawhan—Ang Dios sang Israel magakari anum ka gatos ka tuig halin sa tion nga si Lehi nagbiya sa Jerusalem—Si Nefi nagsugid sang Iya mga pag-antos kag pagkalansang sa krus—Ang mga Judio pagadumtan kag palaptahon tubtob sa ulihing mga adlaw, kon san-o sila magabalik sa Ginuo. Mga 588–570 B.C.
Kapitulo 20
Ang Ginuo nagpahayag sang Iya mga katuyoan sa Israel—Ang Israel ginpili sa hurno sang pag-antos kag magagwa halin sa Babilonia—Ikomparar ang Isaias 48. Mga 588–570 B.C.
Kapitulo 21
Ang Mesias mangin isa ka kasanag sa mga Gentil kag magahilway sang mga bilanggo—Ang Israel pagatiponon upod ang gahum sa ulihing mga adlaw—Ang mga hari amo ang ila mangin manug-atipan nga mga amay—Ikomparar ang Isaias 49. Mga 588–570 B.C.
Kapitulo 22
Ang Israel pagalaptahon sa bug-os nga ibabaw sang duta—Ang mga Gentil amo ang magasagod kag magapakaon sang ebanghelyo sa Israel sa ulihing mga adlaw—Ang Israel pagatiponon kag luwason, kag ang mga malain masunog pareho sang ginaraban—Ang ginharian sang yawa pagalaglagon, kag si Satanas pagagaposon. Mga 588–570 B.C.