2 Nefi

Balaan ng mga Kasulatan

Libro ni Mormon

Mga Kaundan
Introduksyon kag mga Saksi
1 Nefi
2 Nefi
Jacob
Enos
Jarom
Omni
Mga Pulong ni Mormon
Mosias
Alma
Helaman
3 Nefi
4 Nefi
Mormon
Eter
Moroni
Giya nga Talamdan sa Libro ni Mormon

2 Nefi

Kapitulo 1
Si Lehi nagpropesiya sing isa ka duta sang kahilwayan—Ang iya kaliwatan magalinapta kag malupig kon isikway nila ang Balaan sang Israel—Ginlaygayan niya ang iya mga anak sa pagsul-ob sang hinganib sang pagkamatarong. Mga 588–570 B.C.
Kapitulo 2
Ang pagtubos nagaabot paagi sa Balaan nga Mesias—Ang kahilwayan sa pagpili (pagbuot) kinahanglanon sa pagkabuhi kag pag-uswag—Si Adan nahulog agud ang tawo mabuhi—Ang tawo hilway sa pagpili sang kahilwayan kag kabuhi nga wala’y katapusan. Mga 588–570 B.C.
Kapitulo 3
Si Jose sa Egipto nakakita sang mga Nefinhon sa panan-awon—Nagpropesiya sia parte kay Joseph Smith, ang manugpanan-aw sa ulihing mga adlaw; parte kay Moises nga magaluwas sa Israel; kag parte sa paggwa sang Libro ni Mormon. Mga 588–570 B.C.
Kapitulo 4
Ginlaygayan kag ginpakamaayo ni Lehi ang iya mga kaliwat—Napatay sia kag ginlubong—Si Nefi naghimaya sa kaayo sang Dios sa iya—Ginbutang ni Nefi ang iya pagsalig sa Ginuo sa wala’y katapusan. Mga 588–570 B.C.
Kapitulo 5
Ang mga Nefinhon nagpain sang ila mga kaugalingon sa mga Lamanhon, nagtuman sang layi ni Moises, kag nagpatindog sing isa ka templo—Tungod sang ila pagkawala’y pagtuo, ang mga Lamanhon ginsikway sa presensya sang Ginuo, ginsumpa, kag nangin isa ka silot sa mga Nefinhon. Mga 588–559 B.C.
Kapitulo 6
Ginsaysay ni Jacob ang kasaysayan sang mga Judio: Ang pagkabihag kag pagbalik halin sa Babilonia; ang pag-alagad kag pagkalansang sa krus sang Balaan sang Israel; ang bulig nga nabaton sa mga Gentil; kag ang pagpanumbalik sa ulihing mga adlaw sang mga Judio kon magpati sila sa Mesias. Mga 559–545 B.C.
Kapitulo 7
Si Jacob nagapadayon sa pagbasa halin sa Isaias: Si Isaias naghambal para sa Mesias—Ang Mesias magaangkon sang dila sang mga may tinun-an—Igataya Niya ang Iya likod sa mga nagapanakit—Indi Sia mahuy-an—Ikomparar ang Isaias 50. Mga 559–545 B.C.
Kapitulo 8
Si Jacob nagapadayon sa pagbasa halin sa Isaias: Sa ulihing mga adlaw, paumpawan sang Ginuo ang Sion kag tiponon ang Israel—Ang mga gintubos magabalik sa Sion sa tunga sang dako nga kalipay—Ikomparar ang Isaias 51 kag 52:1–2. Mga 559–545 B.C.
Kapitulo 9
Si Jacob nagapaathag nga ang mga Judio pagatiponon sang Ginuo sa tanan nila nga duta sang panaad—Ang Pagbayad-Sala nagagawad sang tawo halin sa Pagkahulog—Ang mga lawas sang mga minatay magagwa halin sa lulubngan, kag ang ila mga espiritu halin sa impiyerno kag halin sa paraiso—Pagahukman sila—Ang Pagbayad-Sala nagaluwas halin sa kamatayon, impiyerno, sa yawa, kag nagapadayon nga pagpaantos—Ang mga matarong pagaluwason sa ginharian sang Dios—Mga silot sa mga sala ginapahamtang—Ang Balaan sang Israel amo ang manugbantay sang ganhaan. Mga 559–545 B.C.
Kapitulo 10
Si Jacob nagapaathag nga igalansang sang mga Judio sa krus ang ila Dios—Pagalaptahon sila tubtob nga magsugod sila sa pagpati sa Iya—Ang Amerika mangin isa ka duta sang kahilwayan nga sa diin wala sing hari nga magagahum—Magpakig-uli kamo sa Dios kag mag-angkon sang kaluwasan paagi sa Iya grasya. Mga 559–545 B.C.
Kapitulo 11
Nakita ni Jacob ang iya Manunubos—Ang layi ni Moises nagasimbolo kay Cristo kag nagapamatuod nga magakari Sia. Mga 559–545 B.C.
Kapitulo 12
Nakita ni Isaias ang templo sa ulihing mga adlaw, ang pagtipon sang Israel, kag ang paghukom kag paghidaet sa sulod sang milenya—Ang mga bugalon kag mga malain pakanubuon sa Ika-duha nga Pagkari—Ikomparar ang Isaias 2. Mga 559–545 B.C.
Kapitulo 13
Ang Juda kag Jerusalem pagasilotan tungod sang ila pagkadi-matinumanon—Ang Ginuo magapangapin kag magahukom sang Iya katawhan—Ang mga anak nga babayi sang Sion sumpaon kag paantoson tungod sang ila pagkakalibutanon—Ikomparar ang Isaias 3. Mga 559–545 B.C.
Kapitulo 14
Ang Sion kag ang iya mga anak nga babayi pagatuboson kag tinloan sa adlaw sang milenya—Ikomparar ang Isaias 4. Mga 559–545 B.C.
Kapitulo 15
Ang ulubasan sang Ginuo (Israel) mangin mamingaw, kag ang Iya katawhan pagalaptahon—Ang mga kasubo magatupa sa ila sa ila kahimtangan sang pagtalikod sa simbahan kag paglinapta—Ang Ginuo magabayaw sang bandera kag magatipon sang Israel—Ikomparar ang Isaias 5. Mga 559–545 B.C.
Kapitulo 16
Nakita ni Isaias ang Ginuo—Ginpatawad ang mga sala ni Isaias—Gintawag sia sa pagpropesiya—Nagpropesiya sia sang pagsikway sang mga Judio sang mga pinanudlo ni Cristo—Isa sang nagkalabilin sang katawhan sang Juda magabalik—Ikomparar ang Isaias 6. Mga 559–545 B.C.
Kapitulo 17
Ang Efraim kag Siria magapakig-away batok sa Juda—Si Cristo ibun-ag sing isa ka birhen—Ikomparar ang Isaias 7. Mga 559–545 B.C.
Kapitulo 18
Si Cristo mangin pareho sing isa ka bato nga nagapasandad kag isa ka bato nga nagapadasma—Pangitaa ninyo ang Ginuo, indi ang nagaorasyon nga mga salamangkero—Magdangop kamo sa layi kag sa testimonya nga mangin giya—Ikomparar ang Isaias 8. Mga 559–545 B.C.
Kapitulo 19
Si Isaias naghambal parte sa Mesias—Ang katawhan sa kadulom makakita sing isa ka dako nga kasanag—Sa aton natawo ang isa ka bata—Sia ang mangin Prinsipe sang Paghidaet kag magahari sa trono ni David—Ikomparar ang Isaias 9. Mga 559–545 B.C.
Kapitulo 20
Ang kalaglagan sang Asiria isa ka laragway sang kalaglagan sang mga malain sa Ika-duha nga Pagkari—Diutay lang ang mga tawo nga mabilin pagkatapos sang pagkari liwat sang Ginuo—Ang nagkalabilin ni Jacob magabalik sa sina nga adlaw—Ikomparar ang Isaias 10. Mga 559–545 B.C.
Kapitulo 21
Ang puno ni Jesse (si Cristo) magahukom sa pagkamatarong—Ang ihibalo parte sa Dios magalikop sang duta sa Milenya—Ang Ginuo magabayaw sang bandera kag magatipon sang Israel—Ikomparar ang Isaias 11. Mga 559–545 B.C.
Kapitulo 22
Sa adlaw sang milenya, ang tanan nga tawo magadayaw sa Ginuo—Magapuyo sia sa tunga nila—Ikomparar ang Isaias 12. Mga 559–545 B.C.
Kapitulo 23
Ang kalaglagan sang Babilonia isa ka simbolo sang kalaglagan sa Ika-duha nga Pagkari—Mangin isa ini ka adlaw sang kaakig kag pagtimalus—Ang Babilonia (ang kalibutan) malaglag sa wala’y katapusan—Ikomparar ang Isaias 13. Mga 559–545 B.C.
Kapitulo 24
Ang Israel pagatiponon kag magaagom sang kapahuwayan sa milenya—Si Lucifer gintabog halin sa langit tungod sang pagrebelde—Daugon sang Israel ang Babilonia (ang kalibutan)—Ikomparar ang Isaias 14. Mga 559–545 B.C.
Kapitulo 25
Si Nefi nagakasadya sa kaathagan—Ang mga propesiya ni Isaias mahangpan sa ulihing mga adlaw—Ang mga Judio magabalik halin sa Babilonia, magalansang sang Mesias sa krus, kag pagalaptahon kag silotan—Ipanumbalik sila kon magpati sila sa Mesias—Una sia nga magakari anum ka gatos ka tuig pagkatapos sang pagbiya ni Lehi sa Jerusalem—Ang mga Nefinhon nagtuman sang layi ni Moises kag nagpati kay Cristo, nga amo ang Balaan sang Israel. Mga 559–545 B.C.
Kapitulo 26
Si Cristo magaalagad sa mga Nefinhon—Nakita na ngadaan ni Nefi ang kalaglagan sang iya katawhan—Magahambal sila halin sa yab-ok—Ang mga Gentil magapatindog sang di-matuod nga mga simbahan kag sekreto nga mga padihot—Ang Ginuo nagadumili sa mga tawo sa paggamit sang mga butig nga pagkapari. Mga 559–545 B.C.
Kapitulo 27
Ang kadulom kag apostasya magatabon sang duta sa katapusan nga mga adlaw—Ang Libro ni Mormon magagwa—Tatlo ka saksi ang magapamatuod parte sa libro—Ang tawo nga may tinun-an magasiling nga indi sia makabasa sang naselyo nga libro—Ang Ginuo magahimo sing isa ka dalayawon nga buluhaton kag makatilingala—Ikomparar ang Isaias 29. Mga 559–545 B.C.
Kapitulo 28
Madamo nga di-matuod nga mga simbahan ang pagatukoron sa katapusan nga mga adlaw—Magatudlo ang mga ini sang di-matuod, wala’y pulos, kag binuang nga mga doktrina—Ang apostasya magalapnag tungod sang di-matuod nga mga manunudlo—Ang yawa magaibwal sa mga tagipusuon sang mga tawo—Magatudlo sia sang tanan nga sari sang sayop nga mga doktrina. Mga 559–545 B.C.
Kapitulo 29
Madamo nga Gentil ang magasikway sang Libro ni Mormon—Magasiling sila, Indi na namon kinahanglan ang isa pa ka Biblia—Ang Ginuo nagahambal sa madamo nga nasyon—Pagahukman niya ang kalibutan paagi sa mga libro nga igasulat. Mga 559–545 B.C.
Kapitulo 30
Ang hinaylo nga mga Gentil pagaisipon upod sa katawhan sang kasugtanan—Madamo nga Lamanhon kag Judio ang magapati sa pulong kag mangin makalilipay—Ang Israel igapanumbalik kag ang mga malain pagalaglagon. Mga 559–545 B.C.
Kapitulo 31
Si Nefi nagasugid kon ngaa ginbunyagan si Cristo—Ang mga tawo kinahanglan gid nga magsunod kay Cristo, magpabunyag, magbaton sang Balaan nga Espiritu, kag magpadayon tubtob sa katapusan agud maluwas—Ang paghinulsol kag bunyag amo ang ganhaan sa mapiot kag makitid nga banas—Ang kabuhi nga wala’y katapusan nagaabot sa sinang mga nagatuman sang mga kasugoan pagkatapos sang bunyag. Mga 559–545 B.C.
Kapitulo 32
Ang mga anghel nagahambal paagi sa gahum sang Balaan nga Espiritu—Ang mga tawo kinahanglan gid nga magpangamuyo kag mag-angkon sing ihibalo para sa ila mga kaugalingon halin sa Balaan nga Espiritu. Mga 559–545 B.C.
Kapitulo 33
Ang mga pulong ni Nefi matuod—Nagasaksi ang mga ini parte kay Cristo—Inang mga nagapati kay Cristo magapati sa mga pulong ni Nefi, nga mangin bilang isa ka saksi sa atubang sang hukmanan. Mga 559–545 B.C.