Helaman

Balaan ng mga Kasulatan

Libro ni Mormon

Mga Kaundan
Introduksyon kag mga Saksi
1 Nefi
2 Nefi
Jacob
Enos
Jarom
Omni
Mga Pulong ni Mormon
Mosias
Alma
Helaman
3 Nefi
4 Nefi
Mormon
Eter
Moroni
Giya nga Talamdan sa Libro ni Mormon

Helaman

Kapitulo 1
Ang ika-duhang Pahoran nangin puno nga hukom kag ginpatay ni Kiskumen—Ginkaptan ni Pacumeni ang hukom-lingkuranan—Ginpangunahan ni Coriantumer ang mga kasoldadohan nga Lamanhon, gin-agaw ang Zarahemla, kag ginpatay si Pacumeni—Ginpierde ni Moronias ang mga Lamanhon kag ginbawi ang Zarahemla, kag si Coriantumer ginpatay. Mga 52–50 B.C.
Kapitulo 2
Si Helaman, ang anak ni Helaman, nangin puno nga hukom—Ginpangunahan ni Gadianton ang guban ni Kiskumen—Ginpatay sang alagad ni Helaman si Kiskumen, kag ang guban ni Gadianton nagpinalagyo padulong sa kamingawan. Mga 50–49 B.C.
Kapitulo 3
Madamo nga Nefinhon ang nagsaylo sa duta pa-norte—Nagpatukod sila sang mga balay nga semento kag nagtipig sang madamo nga kasulatan—Napulo ka linibo ang nahaylo kag nabunyagan—Ang pulong sang Dios nagadala sang mga tawo sa kaluwasan—Si Nefi nga anak ni Helaman ang nagkapot sang hukom-lingkuranan. Mga 49–39 B.C.
Kapitulo 4
Ang mga nagsilipak nga mga Nefinhon kag ang mga Lamanhon nagtingob sing puwersa kag gin-agaw ang duta sang Zarahemla—Ang mga pagkapierde sang mga Nefinhon natabo tungod sang ila kalainan—Ang Simbahan nagluya, kag ang katawhan nangin maluya pareho sang mga Lamanhon. Mga 38–30 B.C.
Kapitulo 5
Sanday Nefi kag Lehi nagdedikar sang ila mga kaugalingon sa pagwali—Ang ila mga ngalan nagaagda sa ila nga ipasanto ang ila mga kabuhi sa ila mga katigulangan—Si Cristo nagatubos sang mga nagahinulsol—Sanday Nefi kag Lehi nakahaylo sing madamo kag ginbilanggo, kag ginlikupan sila sang kalayo—Isa ka panganod sang kadudulman ang nagtabon sa tatlo ka gatos ka tawo—Ang duta nag-uyog, kag isa ka tingug ang nagsugo sa mga tawo nga maghinulsol—Sanday Nefi kag Lehi nakighambal sa mga anghel, kag ang kadam-an ginlikupan sang kalayo. Mga 30 B.C.
Kapitulo 6
Ang matarong nga mga Lamanhon nagwali sa malain nga mga Nefinhon—Ang duha ka katawhan nag-uswag sa sulod sang panahon sang paghidaet kag kabuganaan—Si Lucifer, ang ginhalinan sang sala, nagsugyot sang mga tagipusuon sang mga malain kag sang mga tulisan ni Gadianton sa pagpamatay kag kalainan—Gin-agaw sang mga tulisan ang gobyerno nga Nefinhon. Mga 29–23 B.C.
Kapitulo 7
Si Nefi ginsikway sa norte kag nagbalik sa Zarahemla—Nagpangamuyo sia sa ibabaw sang iya tore sa hardin kag dayon nagpanawagan sa katawhan nga maghinulsol ukon madula. Mga 23–21 B.C.
Kapitulo 8
Ang korap nga mga hukom nagtinguha sa pagsugyot sang katawhan batok kay Nefi—Sanday Abraham, Moises, Zenos, Zenoc, Ezias, Isaias, Jeremias, Lehi, kag Nefi tanan nagpamatuod parte kay Cristo—Paagi sa rebelasyon ginpahibalo ni Nefi ang pagpatay sang puno nga hukom. Mga 23–21 B.C.
Kapitulo 9
Nasalapoan sang mga mensahero ang puno nga hukom nga patay na sa hukom-lingkuranan—Ginbilanggo sila kag sang ulihi ginbuy-an—Paagi sa rebelasyon nakilal-an ni Nefi si Seantum bilang ang nagpatay—Si Nefi ginbaton sang pila bilang isa ka propeta. Mga 23–21 B.C.
Kapitulo 10
Ang Ginuo naghatag kay Nefi sang gahum sa paghugpong—Ginhatagan sia sing gahum sa paghugpong kag paghubad sa duta kag sa langit—Ginsugo niya ang katawhan nga maghinulsol ukon madula—Ang Espiritu nagdala sa iya halin sa isa ka kadam-an pakadto sa isa. Mga 21–20 B.C.
Kapitulo 11
Ginkumbinse ni Nefi ang Ginuo nga ilisan ang ila giyera sang tiggulutom—Madamo nga katawhan ang nagkalamatay—Naghinulsol sila, kag si Nefi nagpangayo sang ulan sa Ginuo—Sanday Nefi kag Lehi nagbaton sang madamo nga rebelasyon—Ang mga tulisan ni Gadianton nagpamakod sang ila mga kaugalingon sa kadutaan. Mga 20–6 B.C.
Kapitulo 12
Ang mga tawo pabag-o bag-o kag buang-buang kag madasig sa paghimo sang malain—Ginapinahan sang Ginuo ang Iya katawhan—Ang pagkawala-wala sang tawo may kinalain sa gahum sang Dios—Sa adlaw sang paghukom, ang tawo makaangkon sang kabuhi nga wala’y katubtuban ukon wala’y katubtuban nga silot. Mga 6 B.C.
Kapitulo 13
Si Samuel ang Lamanhon nagpropesiya sang kalaglagan sang mga Nefinhon luwas lang kon maghinulsol sila—Sila kag ang ila mga manggad ginsumpa—Ginsikway nila kag ginpangbato ang mga propeta, ginlikupan sang mga demonyo, kag naghangad sang kalipayan paagi sa paghimo sang kalainan. Mga 6 B.C.
Kapitulo 14
Gintagna ni Samuel ang kasanag sa tion sang kagab-ihon kag isa ka bag-o nga bituon sa pagkabun-ag ni Cristo—Ginatubos ni Cristo ang mga tawo halin sa dutan-on kag espirituhanon nga kamatayon—Ang mga tanda sang Iya kamatayon nagalakip sang tatlo ka adlaw sang kadulom, sang pagkalapihak sang mga bato, kag tuman ka dalagko nga natural nga mga kalamidad. Mga 6 B.C.
Kapitulo 15
Ginsilotan sang Ginuo ang mga Nefinhon tungod palangga Niya sila—Ang nahaylo nga mga Lamanhon mga mabakod kag malig-on sa pagtuo—Ang Ginuo mangin maluluy-on sa mga Lamanhon sa ulihing mga adlaw. Mga 6 B.C.
Kapitulo 16
Ang mga Nefinhon nga nagapati kay Samuel ginbunyagan ni Nefi—Si Samuel indi mapatay paagi sa mga baslay kag mga bato sang di-mahinulsulon nga mga Nefinhon—Ang pila nagpatig-a sang ila mga tagipusuon, kag ang iban nakakita sang mga anghel—Ang mga wala nagapati nagsiling nga indi rasonable ang magpati kay Cristo kag sa Iya pagkari sa Jerusalem. Mga 6–1 B.C.